کوٹ مومن

یہاں بسے والے ممنانہ قبیلہ کی وجہ سے شہر کا نام کوٹ مومن ہے۔

ایک قدیم شہر جو تقسیم ہند سے پہلے سے آباد ہے۔ یہاں قائم تھانہ کی عمارت پر 1865ء کی تاریخ درج ہے۔21 جون، 2003ء کو وزیرِ اعلیٰ پنجاب چوہدری پرویز الہی نے اسے تحصیل کا درجہ دینے کا اعلان کیا۔ اس تحصیل کا صدر مقام کوٹ مومن ہے۔

کوٹ مومن کے مشرق کی طرف تاریخی شہر بھابھڑہ واقع ہے ۔ جو ایک روایت کے مطابق مغلیہ سلطنت کے بانی ظہیرالدین بابر کے نام پر رکھا گیا ۔ کوٹ مومن کے مغرب میں شہربھلوال اور معظم آباد کا قصبہ واقع ہے۔ شمال میں سالم اور جنوب میں مٹیلہ واقع ہے ۔

کوٹ مومن سرگودھا سے 40 کلومیٹر کی دوری پر شمال مشرق کی جانب موٹروے ٹو (2) پر واقع ہے[2]۔

اس کی کل آبادی پچاس ہزار جبکہ آبادی کی اکثریت مسلمان اور پنجابی بولنے والوں کی ہے۔ قلیل تعداد میں ہندو اور مسیحی بھی موجود ہیں۔ مین بازار میں ایک مندر ہے جو قیام پاکستان سے قبل تعمیر کیا گیا ہے۔

محسن شاہ نواز رانجھا (ممبر قومی اسمبلی، پاکستان مسلم لیگ نواز)

"میاںمناظر علی رانجھا(ممبر صوبائی اسمبلی، پاکستان مسلم لیگ نواز)

چوہدری طاہر احمد سندھو (ممبر صوبائی اسمبلی، پاکستان مسلم لیگ نواز)

لڑکیوں اور لڑکوں کے ڈگری کالجوں اور سرکاری سکولوں سمیت کئی ایک غیر سرکاری کالج اور سکول قائم ہیں جن میں دارالہدیٰ سکول، دارارقم سکول، منہاج القرآن سکول ،مپس سکول اور قمرالاسلام سکول بنگله گھله پور شامل ہیں۔ تعلیمی سہولیات کے فقدان کے باعث طلباء بڑے شہروں کی طرف چلے جاتے ہیں[3]۔

کوٹ مومن ایک زرعی علاقہ ہے، جس کی معیشت کا دارومدار زراعت پر ہے۔ یہاں کی سب سے بڑی زرعی پیداوار کینو اور مالٹا ہے، جسے ایران، متحدہ عرب امارات، سعودی عرب، سری لنکا، جاپان اور کوریا برآمد کیا جاتا ہے۔ یہاں پیدا ہونے والے خوش ذائقہ کینو اور مالٹا کی وجہ سے کوٹ مومن کو ’’ترش پھلوں کا شہر‘‘یا (City of Citrus) کہا جاتا ہے[4]۔

دیگر زرعی پیداوار میں گندم، چاول، گنا اور مختلف قسم کی سبزیاں شامل ہیں۔

• گاڑا ٹرانسپورٹ کمپنی

• گورنمنٹ کی نااہلی کی وجہ سے تا حال کوئی تفریحی مقام کوٹ مومن میں موجود نہیں ۔

• محلہ خواجہ آباد
• بلدیہ ٹاؤن
• محلہ لکاں والا
• محلہ تارڑاں والا
• محلہ احمد خان
• اسلام آباد کالونی

• مین بازار
• چناب بازار
• سرگودھا روڈ
• راجہ بازار

• مزار میاں محمد قادر بخش تھہیم (بھلوال روڈ)
• مزار سید چنن شاہ (مڈھ موڑ)
• مزار بی بی پاک دامن سرکار (محلہ احمد خان)

اہم دینی مدارس میں جامعہ گلزار مدینہ، جامعہ گلزار طیبہ (سرگودھا روڈ)، جامعہ عبداللہ بن مسعود اور جامعہ رفیق الاحناف شامل ہیں۔

کوٹ مومن کے مشہور مشروبات میں لسی، ستو، بادام سردائی اورشکنجبین شامل ہیں جو موسم گرما میں کثرت سے استعمال کیے جاتے ہیں ۔ مقامی لوگوں کی غذائے اول گندم کی روٹی ہے۔ اس کے علاوہ چاول، گوشت اور دوسری مقامی سبزیاں بھی کھانے میں بہت پسند کی جاتی ہیں ۔

• کرکٹ
• والی بال
• پتنگ بازی

• روزنامہ جنگ
• روزنامہ ایکسپریس

• سرگودھا
• ضلع سرگودھا

• ضلع سرگودھا کے بارے میں
• کوٹ مومن تعارف
• کوٹ مومن
• ویکی کوٹ مومن