ஷேன் வோர்ன்

ஷேன் கெய்த் வோர்ன் (ஷேன் வோர்ன், Shane Warne) (பிறப்பு. செப்டம்பர் 13, 1969) என்பவர் முன்னாள் ஆத்திரேலியத் துடுப்பாட்ட அணியின் சுழற் பந்து வீச்சாளர் மற்றும் முன்னாள் ஒருநாள் பன்னாட்டுத் துடுப்பாட்டத்தின் அணித்தலைவர் ஆவார்.[1]துடுப்பாட்ட வரலாற்றில் தலைசிறந்த பந்து வீச்சாளராக பரவலாக அறியப்படுகிறார். 1994 ஆம் ஆண்டிற்கான சிறந்த துடுப்பாட்ட வீரராக விசுடன் துடுப்பாட்டாளர்களின் நாட்குறிப்பினில் குறிப்பிடப்பட்டார். மேலும் 2004 மற்றும் 2005 ஆம் ஆண்டுகளில் விசுடன் சர்வதேச முன்னணி துடுப்பாட்ட வீரராக ஷேன் வோர்னை விசுடன் துடுப்பாட்டாளர்களின் நாட்குறிப்பு அறிவித்தது.[2] 2000 இல் நூற்றாண்டின் சிறந்த ஐந்து விசுடன் துடுப்பாட்ட வீரர்களில் ஒருவராகத் தேர்வு செய்யப்பட்டார். மேலும் இவர் பன்னாட்டுத் துடுப்பாடப் போட்டிகளின் விளக்கவுரையாளராகவும், தொழில்முறை சீட்டாட்ட வீராராகவும் உள்ளார். அனைத்துவிதமான துடுப்பாட்ட வடிவங்களில் இருந்தும் சூலை, 2013 இல் தனது ஓய்வினை அதிகாரப்பூர்வமாக அறிவித்தார்.[3]

ஷேன் வோர்ன்

2015 ஆம் ஆண்டின் உலகக்கிண்ணம் கோப்பை அறிமுகத்தில் வோர்ன். மெல்போர்ன் . பெப்ரவரி, 2015		 ஆத்திரேலியா
இவரைப் பற்றி
முழுப்பெயர் ஷேன் கெய்த் வோர்ன்
பட்டப்பெயர் வார்னீ
உயரம் 6 ft 0 in (1.83 m)
உயரம் 1.83 m (6 ft 0 in)
வகை பந்து வீச்சாளர் (சுழல் திருப்பம்)
துடுப்பாட்ட நடை வலது கை, இறுதியில் வருபவர்
பந்துவீச்சு நடை வலது கை , (சுழல் திருப்பம்)
அனைத்துலகத் தரவுகள்
முதற்தேர்வு (cap 350) ஜனவரி 2, 1992: எ இந்தியா
கடைசித் தேர்வு 2 ஜனவரி, 2007: எ இங்கிலாந்து
முதல் ஒருநாள் போட்டி (cap 110) 24 மார்ச், 1993: எ நியூசிலாந்து
கடைசி ஒருநாள் போட்டி 10 ஜனவரி, 2005:  எ ஆசியXI
சட்டை இல. 5, 99, 12, 23
உள்ளூர் அணித் தரவுகள்
ஆண்டுகள் அணி
1990–2007 விக்டோரியா துடுப்பாட்ட அணி (squad no. 23)
2000–2007 ஹாம்சயர் துடுப்பாட்ட சங்கம் (squad no. 23)
2008–2011 ராஜஸ்தான் ராயல்ஸ் (squad no. 23)
2011–2013 மெல்போர்ன் ஸ்டார்ஸ் (squad no. 23)
வாழ்நாள் புள்ளிவிவரங்கள்
தேர்வுத் துடுப்பாட்டம்ஒருநாள் பன்னாட்டுத் துடுப்பாட்டம்முதல் தர துடுப்பாட்டம்அ வரிசை துடுப்பாட்டம்
ஆட்டங்கள் 145 194 301 311
ஓட்டங்கள் 3,154 1,018 6,919 1,879
துடுப்பாட்ட சராசரி 17.32 13.05 19.43 11.81
100கள்/50கள் 0/12 0/1 2/26 0/1
அதிக ஓட்டங்கள் 99 55 107* 55
பந்து வீச்சுகள் 40,704 10,642 74,830 16,419
இலக்குகள் 708 293 1,319 473
பந்துவீச்சு சராசரி 25.41 25.73 26.11 24.61
சுற்றில் 5 இலக்குகள் 37 1 69 3
ஆட்டத்தில் 10 இலக்குகள் 10 n/a 12 n/a
சிறந்த பந்துவீச்சு 8/71 5/33 8/71 6/42
பிடிகள்/ஸ்டம்புகள் 125/– 80/– 264/– 126/–

29 மார்ச், 2008 தரவுப்படி மூலம்: cricketarchive.com

இளமைப்பருவம்

ஷேன் வோர்ன் செப்டம்பர் 13, 1969 இல் விக்டோரியா ஆஸ்திரேலியாவில் பிறந்தார். இவரின் தந்தை பிரிட்ஜெட் தாய் கெய்த் வோர்ன் .[4][5] வோர்ன் ஏழு முதல் ஒண்பதாம் வகுப்பு (தரநிலை) வரை ஹாம்ப்டன் உயர்நிலைப்பள்ளியில் பயின்றார். பின் இவரின் விளையாட்டுப் புலமையினால் இவருக்கு மெண்டோன் கிராமர் பள்ளியில் இடம் கிடைத்தது. வோர்ன் தனது பள்ளிப்படிப்பின் இறுதி மூன்று ஆண்டுகளை அவர் மெண்டோன் பள்ளியில் கழித்தார். 16 வயதிற்குட்பட்டோருக்கான டௌலிங் கேடயப் போட்டியில் மெல்பேர்ண் துடுப்பாட்ட சங்க பல்கலைக்கழக அணியை வழிநடத்தும் வாய்ப்பினை 1983, 1984 இல் பெற்றார்.

உள்ளூர் போட்டிகள்

மெல்போர்ன், ஓவல் துடுப்பாட்ட அரங்கில் மேற்கு ஆஸ்திரேலியாவுக்கு எதிராக விக்டோரியாத் துடுப்பாட்ட அனி சார்பாக இவர் விளையாடினார். அந்தப் போட்டியில் இவர் 61 ஓட்டங்களை விட்டுக் கொடுத்தர். ஆனால் இலக்கினைக் கைப்பற்றவில்லை. இரண்டாவது ஆட்டப் பகுதியில் 41 ஓட்டங்களுக்கு ஓர் இலக்கினைக் கைப்பற்றினார். 1991 பிப்ரவரி 15 அன்று வார்ன் தனது முதல் தர கிரிக்கெட்டில் அறிமுகமானார். பின்னர் அவர் செப்டம்பர் 1991 இல் ஜிம்பாப்வேயில் சுற்றுப்பயணம் செய்த ஆஸ்திரேலியா ஆ அணிக்கு தேர்வு செய்யப்பட்டார்.

அராரே துடுப்பாட்ட சங்க மைதானத்தில் நடந்த இரண்டாவது துடுப்பாட்டப் போட்டியில் இவர் ஐந்து இலக்குகளைக் கைப்பற்றினார். அந்தப் போட்டியில் 49 ஓட்டங்களை விட்டுக் கொடுத்து 7 இழப்புகளைக் கைபற்றினார். அந்தப் போட்ட்டியில் ஆத்திரேலிய ஆ அணி 9 இழப்புகளில் வென்றது. [6]

1991 ஆம் ஆண்டில் மேற்கிந்தியத் தீவுகள் துடுப்பாட்ட அணி ஆத்திரேலியாவில் சுற்றுப் பயணம் செய்து விளையாடியது. அந்தப் போட்டியின் முதல் ஆட்டப் பகுதியில் 14 ஓட்டங்களை விட்டுக் கொடுத்து 3 இழப்புகளைக் கைப்பற்றினார். இரண்டாவது ஆட்டப் பகுதியில் 42 ஓட்டங்களை விட்டுக் கொடுத்து 4 இழப்புகளைக் கைப்பற்றினார். அந்தப் போட்டியில் ஆத்திரேலியாவின் முதன்மைப் பந்துவீச்சாளரான பீட்டர் டெய்லர் முதல் இரண்டு தேர்வுத் துடுப்பாட்டப் போட்டியில் ஒரே ஒரு இழப்பினை மட்டுமே எடுத்திருந்தார். ஒரு வாரம் கழித்து சிட்னி துடுப்பாட்ட மைதானத்தில் இந்தியாவுக்கு எதிரான மூன்றாவது தேர்வுத் போட்டிக்கு வார்ன் அணியில் சேர்க்கப்பட்டார்.

ஆரம்பகால சர்வதேச துடுப்பாட்ட வாழ்க்கை

இவரின் முதல் சர்வதேச போட்டியானது சனவரி, 1992 இல் சிட்னி கிரிக்கெட் மைதானத்தில் இந்தியத் துடுப்பாட்ட அணிக்கு எதிரான தேர்வுத் துடுப்பாட்டம் ஆகும். இந்தப் போட்டியில் 45 ஓவர்கள் வீசிய வோர்ன் ஒரு இலக்கினை மட்டுமே கைப்பற்றினார். இவர் ரவி சாஸ்திரியின் இலக்கை 150 ஓட்டங்கள் கொடுத்து கைப்பற்றினார். அடிலெய்டு நீள்வட்ட அரங்கில் அந்தத் தொடரின் நான்காவது போட்டியில் 78 ஓட்டங்கள் கொடுத்தார். ஆனால் இலக்குகளைப் பெற இயலவில்லை. எனவே அந்தத் தொடரின் இவரின் ஒட்டுமொத்த பந்து வீச்சானது 228 ஓட்டங்களுக்கு 1 இலக்கு என்று இருந்தது. இலங்கைத் துடுப்பாட்ட அணிக்கு எதிராக கொழும்புவில் நடைபெற்ற போட்டிகளிலும் இவரின் மோசமான பந்துவீச்சு 0/ 107 எனத் தொடர்ந்தது. இவ்வாறாக இருந்தபோதிலும் ஆகஸ்டு 22, 1992 இல் இரண்டாவது ஆட்டப் பகுதியில் ஓட்டங்களை விட்டுக் கொடுக்காமல் இறுதி மூன்று இலக்குகளை எடுத்தார். இதன் மூலம் ஆத்திரேலிய அணி 16 ஓட்டங்கள் வித்தியாசத்தில் இலங்கையை வீழ்த்தி குறிப்பிடத் தகுந்த வெற்றியைப் பெற்றது. இதனைப் பற்றி அர்ஜுன றணதுங்க கூறுகையில் 300 க்கும் அதிகமான பந்துவீச்சு சராசரி உள்ள ஒரு வீர்ர் எங்களின் வெற்றியை எங்கள் கைகளில் இருந்து பறித்துச் சென்றுவிட்டார் எனக் கூறினார்.

300 இழப்புகள்

1993 ஆம் ஆண்டில், ஆஸ்திரேலியாவின் ஆஷஸ் தொடருக்கான இங்கிலாந்து சுற்றுப்பயணத்திற்கு வார்ன் தேர்ந்தெடுக்கப்பட்டார். ஆறு தேர்வுத் துடுப்பாட்டப் போட்டி கொண்ட தேர்வுத் துடுப்பாட்டத் தொடரில் இவரில் மொத்தமாக 34 இழப்புகளைக் கைப்பற்றினார்.இதன்மூலம் அதிக இழப்புகளைக் கைப்பற்ற்றிய பந்துவீச்சாளர்கள் வரிசையில் இவர் முதலிடம் பிடித்தார் [7] மைக் கேட்டிங்கிற்கு எதிராக இவர் வீசிய பந்தானது நூற்றாண்டின் சிறந்த பந்துவீச்சு என அறியப்படுகிறது. [8] அவர் 1993 ஆம் ஆண்டில் மொத்தமாக தேர்வுத் துடுப்பாட்டப் போட்டிகளில் 71 இழப்புகளைக் கைப்பற்றினார். இதன்மூலம் ஒரு காலண்டர் ஆண்டில் அதிக இழப்புகளைக் கைப்பற்றிய சுழற்பந்துவீச்சாளர் எனும் சாதனை படைத்தார். [9] நியூசிலாந்துத் துடுப்பாட்ட அணிக்கு எதிரான தொடரில் இவர் 17 இழப்புகளைக் கைப்பற்றினார்.நவம்பர் மற்றும் டிசம்பர் மாதங்களில் இதே அணியுடன் மீண்டும் தேர்வுத் துடுப்பாட்டப் போட்டியில் விளையாடிய போது இவர் 18 இழப்புகளைக் கைப்பற்றி தொடர் நாயகன் விருதினை வென்றார்.[10] [11] [12]

1993-94ல் தென்னாப்பிரிக்கத் துடுப்பாட்ட அணி ஆஸ்திரேலியாவில் சுற்றுப்பயணம் செய்து விளையாடியது. மார்ச் 1994 இல் ஆஸ்திரேலியத் துடுப்பாட்ட அணி தென்னாப்பிரிக்காவில் சுற்றுப் பயணம் செய்து விளையாடியது. இந்த இரு சுற்றுப்பயணங்களிலும் வார்ன் இடம்பெற்றார். சிட்னி துடுப்பாட்ட மைதானத்தில் நடைபெற்ற தென்னாப்பிரிக்காவின் சுற்றுப்பயணத்தின் இரண்டாவது தேர்வு துடுப்பாட்டப் போட்டியில் , வார்ன் தனது முதல் முறையாக ஒரு பத்து இழப்புகளை வீழ்த்தினார். முதல் ஆட்டப் பகுதியில் 56 ஓட்டங்களுக்கு 7 இழப்புகளையும் இரண்டாவது ஆட்டப் பகுதியில் 72 ஓட்டங்களுக்கு 5 இழப்புகளையும் கைப்பற்றினார்.ஆனால் இந்தப் போட்டியில்ம் தென்னாப்பிரிக்கா வென்றது. [13]

இருபது20 போட்டி

சர்வதேச போட்டிகளில் இருந்து ஓய்வு அறிவித்த பிறகு இந்தியன் பிரீமியர் லீக்கில் ராஜஸ்தான் ராயல்ஸ் அணி இவரை $450,000 மதிப்பில் தேர்வு செய்தது.[14] ஷேன் வோர்ன் இந்த அணியின் தலைவராக அறிவிக்கப்பட்டார். இவரின் தலைமையில் முதல் இந்தியன் பிரீமியர் லீக்கில் ராஜஸ்தான் ராயல்ஸ் அணி வெற்றி பெற்றது.[15] முதல் நான்கு பருவங்களுக்கு அணித் தலைவராக இருந்தார்.[16]

சான்றுகள்
  1. 'The finest legspinner the world has ever seen' – Cricinfo Australia, 20 December 2006
  2. "The leading cricketer in the world, 2004 Shane Warne". ESPNcricinfo (2005).
  3. "Warne officially retires from all cricket". Wisden India. 22 July 2013. http://www.wisdenindia.com/cricket-news/warne-officially-retires-cricket/70146. பார்த்த நாள்: 31 July 2017.
  4. "Shane Warne considers German citizenship". News Corp Australia (17 March 2009). பார்த்த நாள் 6 March 2018.
  5. "Leader: Danke Shane". The Guardian (19 Aug 2007). பார்த்த நாள் 6 March 2018.
  6. "Australian XI v Zimbabwe at Harare" (September 1991).
  7. "Records / The Ashes, 1993 / Most wickets". ESPNcricinfo.
  8. .
  9. .
  10. "Records / Trans-Tasman Trophy, 1992/93 / Most wickets". ESPNcricinfo.
  11. "Records / Trans-Tasman Trophy, 1993/94 / Most wickets". ESPNcricinfo.
  12. "New Zealand tour of Australia, 1993/94 / Scorecard: 3rd Test". ESPNcricinfo.
  13. "South Africa tour of Australia, 1993/94 / Scorecard: Second Test". ESPNcricinfo.
  14. "Warne retires from first-class cricket". The Hindu. 28 March 2008. http://www.hindu.com/thehindu/holnus/007200803281040.htm. பார்த்த நாள்: 21 January 2012.
  15. "Warne's Royals win inaugural IPL". BBC Sport. 2 June 2008. http://news.bbc.co.uk/sport2/hi/cricket/7430352.stm. பார்த்த நாள்: 21 January 2012.
  16. Bose, Saibal (20 May 2011). "Royals plan a warm send-off for Warne". Times of India. http://articles.timesofindia.indiatimes.com/2011-05-20/news/29563926_1_shane-warne-rajasthan-royals-royals-plan. பார்த்த நாள்: 21 January 2012.

வெளியிணைப்புகள்

கிரிக்இன்ஃபோவில் இருந்து விளையாட்டுவீரர் விபரக்குறிப்பு: ஷேன் வோர்ன்

ஷேன் வோர்னுடைய இலக்குகள் பட்டியல்

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.