பிறயன் லாறா

பிறயன் சார்லஸ் லாறா (Brian charles Lara) (பிறப்பு: மே 2, 1969) என்பவர் முன்னாள் மேற்கிந்தியத் தீவுகள் துடுப்பாட்ட அணியின் மட்டையாளர் ஆவார்.[1][2] அனைத்துக் காலத்திற்குமான சிறந்த மட்டையாளர்களில் ஒருவராகக் கருதப்படுகிறார்.[3][4][5] தேர்வுத் துடுப்பாட்டத் தரவரிசைகளில் பலசமயங்களில் முதல் இடத்தில் இருந்துள்ளார். மேலும் தேர்வுத் துடுப்பாட்டப் போட்டிகளில் பல சாதனைகளைப் புரிந்துள்ளார். குறிப்பாக முதல் தரத் துடுப்பாட்டப் போட்டிகளில் அதிக ஓட்டங்கள் எடுத்தது.[6] மேலும் 1994 ஆம் ஆண்டில் தர்ஹாம் அணிக்கு எதிராக 501 ஓட்டங்கள் எடுத்து அவுட் ஆகாமல் இருந்தார். முதல் தரத் துடுப்பாட்டப் போட்டிகளில் ஒருவர் ஐந்து சதம் எடுப்பது அதுவே முதல் முறை. இந்தச் சாதனை இதுவரை முறியடிக்கப்படாமல் உள்ளது. 2004 ஆம் ஆண்டில் ஆன்டிகுவா குவாத்தமாலாவில் நடைபெற்ற போட்டியில் இங்கிலாந்து துடுப்பாட்ட அணிக்கு எதிராக 400 ஓட்டங்கள் எடுத்து வீழாமல் இருந்தார்.[7] இந்த ஓட்டங்களே தேர்வுத் துடுப்பாட்டப் போட்டியின் ஒரு பகுதியில் தனி நபர் ஒருவரின் அதிகபட்ச ஓட்டங்கள் ஆகும்.லாறா மட்டுமே நூறு, இருநூறு, முந்நூறு, நாநூறு, ஐந்நூறு ஆகிய ஓட்டங்களை எடுத்த ஒரே வீரர் ஆவார்.[8][9] தேர்வுத் துடுப்பாட்டப் போட்டிகளில் ஒர் ஓவரில் அதிக ஓட்டங்கள் எடுத்தவரும் லாறா தான். 2003 ஆம் ஆண்டில் தென்னாபிரிக்கத் துடுப்பாட்ட அணியின் ராபின் பீட்டர்சன் ஓவரில் 28 ஓட்டங்கள் எடுத்தார். அதன் பின்பு 2013 ஆம் ஆண்டில் ஜோர்ஜ் பெய்லி இந்தச் சாதனையை சமன் செய்தார்.[10]

பிறயன் லாறா

 மேற்கிந்தியத்தீவுகள்
இவரைப் பற்றி
முழுப்பெயர் பிறயன் சார்லசு லாறா
பட்டப்பெயர் Prince
உயரம் 5 ft 8 in (1.73 m)
வகை Higher middle order மட்டையாளர்
துடுப்பாட்ட நடை இடது கை
பந்துவீச்சு நடை வலது கை
அனைத்துலகத் தரவுகள்
முதற்தேர்வு (cap 196) 6 டிசம்பர், 1990: எ பாக்கித்தான்
கடைசித் தேர்வு 27 நவம்பர், 2006: எ பாக்கித்தான்
முதல் ஒருநாள் போட்டி (cap 59) 9 நவம்பர், 1990: எ பாக்கித்தான்
கடைசி ஒருநாள் போட்டி 21 ஏப்ரல், 2007:  எ இங்கிலாந்து
சட்டை இல. 9
உள்ளூர் அணித் தரவுகள்
ஆண்டுகள் அணி
1987–2008 திரினிடாட் டொபாகோ
1992–1993 Transvaal
1994–1998 Warwickshire
2010 Southern Rocks
வாழ்நாள் புள்ளிவிவரங்கள்
தேஒ.ப.துமு.துப. அ
ஆட்டங்கள் 131 299 261 429
ஓட்டங்கள் 11,953 10,405 22,156 14,602
துடுப்பாட்ட சராசரி 52.88 40.48 51.88 39.67
100கள்/50கள் 34/48 19/63 65/88 27/86
அதிக ஓட்டங்கள் 400* 169 501* 169
பந்து வீச்சுகள் 60 49 514 130
இலக்குகள் – 4 4 5
பந்துவீச்சு சராசரி – 15.25 104.00 29.80
சுற்றில் 5 இலக்குகள் 0 0 0 0
ஆட்டத்தில் 10 இலக்குகள் 0 n/a 0 n/a
சிறந்த பந்துவீச்சு – 2/5 1/1 2/5
பிடிகள்/ஸ்டம்புகள் 164/– 120/– 320/– 177/–

4 பெப்ரவரி, 2012 தரவுப்படி மூலம்: cricinfo.com

1999 இல் பார்படோசுவில் ஆத்திரேலியத் துடுப்பாட்ட அணிக்கு எதிராக வீழாமல் 153 ஓட்டங்கள் எடுத்து அணியின் வெற்றிக்கு உதவினார். விசுடன் துடுப்பாட்டாளர்களின் நாட்குறிப்பு இந்தப் போட்டியை இரண்டாவது சிறந்த மட்டைச் செயல்பாடாக தரவரிசைப்படுத்தியது. 1937 ஆம் ஆண்டில் ஆஷஸ் போட்டியில் டான் பிராட்மன் 270 ஓட்டங்கள் அடித்தது முதல் இடத்தில் உள்ளது.[11] விசுடன் துடுப்பாட்டாளர்களின் நாட்குறிப்பானது சிறந்த தேர்வுத் துடுப்பாட்டம் மற்றும் ஒருநாள் பன்னாட்டுத் துடுப்பாட்டப் போட்டிகளின் சிறந்த பந்துவீச்சாளராக முத்தையா முரளிதரனை அறிவித்தது.[12][13][14] முரளிதரன், லாறாவிற்கு பந்துவீசுவது தான் மிகச் சவாலாக இருந்ததாகக் கூறினார்.[15] 1994 மற்றும் 1995 ஆம் ஆண்டின் சிறந்த விசுடன் துடுப்பாட்டாளராக லாறா தேர்வானார்.[16] சோபர்ஸ் மற்றும் ஷேன் வோர்ன்க்கு அடுத்தபடியாக பி பி சி யின் இஓவர்சீஸ் விருது பெறும் மூன்றாவது வீரர் லாறா ஆவார்.[17]

நவம்பர் 27,2009 ஆம் ஆண்டிலி ஆர்டர் ஆஃப் ஆத்திரேலியா எனும் விருதினைப் பெற்றார்.[18] செப்டம்பர் 14, 2012 ஆம் ஆண்டில் பன்னாட்டுத் துடுப்பாட்ட அவையின் ஹால் ஆஃப் ஃபேமாக அறிவிக்கப்பட்டார். 2012-2013 இல் நடைபெற்ற விழாவில் கிளென் மெக்ரா மற்றும் இங்கிலாந்து பெண் துடுப்பாட்ட அணியைச் சார்ந்த சகலத் துறையர் எனித் பேக் வெல் ஆகியோருக்கும் இந்த விழாவில் ஹால் ஆஃப் ஃபேமாக அறிவிக்கப்பட்டனர்.[19][20]

பிறயன் லாறா தெ பிரின்ஸ் ஆஃப் போர்ட் ஆஃப் ஸ்பெயின் அல்லது தெ பிரின்ஸ் எனவும் அழைக்கப்பட்டார்.[21]

ஆரம்பகால வாழ்க்கை

பிறயன் லாறா மே 2, 1969 இல் சாண்டாகுரூஸ், டிரினிடாட் மற்றும் டொபாகோவில் பிறந்தார். இவரின் தந்தை பண்டி. லாறாவின் பெற்றோருக்கு மொத்தம் பதினொரு குழந்தைகள் உள்ளனர். இவரின் மூத்த சகோதரி ஆக்னஸ் சைரஸ் , லாறாவிற்கு ஆறு வயதாக இருக்கும் போதே ஹார்வர்டு பயிற்சிப் பள்ளியில் சேர்த்தார். இதன் மூலம் மிகச் சிறு வயதிலேயே துடுப்பாட்ட நுட்பங்களைக் கற்றார். புனித ஜோசப் ரோமன் கத்தோலிக்க துவக்கப்பள்ளியில் ஆரம்பக்கல்வி பயின்றார். இவரின் பதினான்காம் வயதில் பாத்திமா கல்லூரியில் சேர்ந்தார்.அங்கு ஹேரி ராம்தாஸ் என்பவரின் பயிற்சியின் கீழ் சிறந்த விளையாட்டு வீரரானார்.

சான்றுகள்
  1. "Player Profile: Brian Lara". CricInfo. ESPN. பார்த்த நாள் 7 June 2009.
  2. Atherton, Mike (7 April 2008). "Genius of Brian Lara hailed by Wisden". The Times (UK). http://www.timesonline.co.uk/tol/sport/serialisations/article3694486.ece. பார்த்த நாள்: 26 April 2010.
  3. Gough, Martin (26 November 2005). "Lara the best ever?". BBC News. http://news.bbc.co.uk/sport2/hi/cricket/4472818.stm.
  4. "'Lara the greatest among his peers'".
  5. "'501 reasons why Lara the best'". மூல முகவரியிலிருந்து 28 October 2013 அன்று பரணிடப்பட்டது.
  6. Martin, Ali (9 May 2007). "Farewell to legend Lara". The Sun (London). http://www.thesun.co.uk/sol/homepage/sport/cricket/article25899.ece.
  7. "Most runs in an innings". www.cricinfo.com.
  8. "Record-breaking Batsman and Captain of the West Indies Test Cricket team".
  9. "West Indies Cricket Team". மூல முகவரியிலிருந்து 13 February 2012 அன்று பரணிடப்பட்டது.
  10. "Most runs off one over". www.cricinfo.com.
  11. "Wisden 100 hails Laxman, ignores Tendulkar". The Hindu. மூல முகவரியிலிருந்து 25 January 2010 அன்று பரணிடப்பட்டது.
  12. Cricinfo, Highest Test Wicket-takers
  13. "Murali 'best bowler ever'". BBC Sport. 13 December 2002. http://news.bbc.co.uk/sport2/hi/cricket/2572069.stm. பார்த்த நாள்: 14 December 2007.
  14. Cricinfo, Highest ODI Wicket-takers
  15. "Lara a tougher opponent than Tendulkar: Murali". www.in.rediff.com.
  16. Wisden Leading Cricketer in the World
  17. "Sports Personality". BBC. 14 December 2008. http://news.bbc.co.uk/sport2/hi/tv_and_radio/sports_personality_of_the_year/7772192.stm. பார்த்த நாள்: 2 January 2010.
  18. "Brian Lara awarded Order of Australia". Yahoo! News (27 November 2009). மூல முகவரியிலிருந்து 30 November 2009 அன்று பரணிடப்பட்டது.
  19. ESPNcricinfo Staff (16 September 2012). "Lara dedicates Hall of Fame honour to father". ESPNcricinfo. பார்த்த நாள் 17 September 2012.
  20. "McGrath to be inducted in Hall of Fame at Sydney". Wisden India. பார்த்த நாள் 31 December 2012.
  21. "Player Profile: Brian Lara". CricInfo. ESPN. பார்த்த நாள் 7 June 2009.

வார்ப்புரு:ஓரு நாள் கிரிக்கெட்டில் 10000 ஓட்டங்கள் எடுத்த வீரர்கள்

வெளியிணைப்புக்கள்
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.