கண்டகி பிரதேசம்

மத்தியவடக்கு நேபாளத்தில் அமைந்த இம்மாநிலத்தின் வடக்கே திபெத் தன்னாட்சிப் பகுதியும், தெற்கில் நேபாள மாநில எண் 5, கிழக்கில் நேபாள மாநில எண் 3, மேற்கில் நேபாள மாநில எண் 6 எல்லைகளாக அமைந்துள்ளது.

கண்டகி பிரதேச இனக்குழுக்கள்

  பகுன் பிராமணர்கள் (21.5%)

  மகர் மக்கள் (20.9%)

  செட்டிரி மக்கள் (13.4%)

  குரூங் மக்கள் (8.4%)

  கமி மக்கள் (8.7%)

  நேவார் மக்கள் (4.3%)

  சர்கி மக்கள் (4.1%)

  தமாலி மக்கள் (3.9%)

  தமாங் மக்கள் (2.1%)

  தாரு மக்கள் (1.7%)

கண்டகி பிரதேசத்தில் சமயங்கள்

  இந்து சமயம் (82.89%)

  பௌத்தம் (13.68%)

  கிறித்துவம் (1.56%)

  இசுலாம் (0.77%)

  போன் பௌத்தம் (0.50%)

  பிறர் (0.60%)

2011-ஆம் ஆண்டின் மக்கள்தொகை கணக்கெடுப்பின்படி, 21,504 சகிமீ பரப்பளவு கொண்ட கண்டகி பிரதேச மக்கள்தொகை 2,403,016 ஆகும். இது நேபாள மக்கள்தொகையில் 9.06% ஆகும். மக்கள் தொகையில் ஆண்கள் 9,48,028 ஆகவும்; பெண்கள் 1,144,124 ஆகவும் உள்ளனர். மக்கள்தொகை அடர்த்தியானது 1 சகிமீ பரப்பில் 110 வீதம் உள்ளனர். பாலின விகிதம் 100 பெண்களுக்கு, 89 ஆண்கள் வீதம் உள்ளனர். நகர்புற மக்கள்தொகை 60.5%; கிராமப்புற மக்கள்தொகை 39.5% ஆகவுள்ளது. [3]

1. கோர்க்கா மாவட்டம்

2. லம்ஜுங் மாவட்டம்

2. மியாக்தி மாவட்டம்

4. காஸ்கி மாவட்டம்

5. மனாங் மாவட்டம்

6. முஸ்தாங் மாவட்டம்

7. பர்பத் மாவட்டம்

8. சியாங்ஜா மாவட்டம்

09. பாகலுங் மாவட்டம் (கிழக்கு)

10. தனஹு மாவட்டம்

11. நவல்பராசி மாவட்டம் (கிழக்கு)

இம்மாநில சட்டமன்றத்தின் 60 உறுப்பினர்களில் 36 உறுப்பினர்கள் நேரடித் தேர்தலிலும், 24 உறுப்பினர்கள் விகிசாத்சாரத் தேர்தல் முறையிலும் தேர்ந்தெடுக்கப்படுகின்றனர்.

மேலும் நேபாள தேசிய சபைக்கு 8 உறுப்பினர்களையும், நேபாள பிரதிநிதிகள் சபைக்கு 18 உறுப்பினர்களையும் தேர்ந்தெடுக்கிறது.

2017 சட்டமன்றத் தேர்தலில், மார்க்சிஸ்ட்-லெனினிஸ்ட் ஒன்றியத்தின் கூட்டணிக் கட்சிகள் பெரும் வெற்றி பெற்றது. கூட்டணிக் கட்சியின் அங்கமான மாவோயிஸ்ட் கட்சியைச் சேர்ந்த பிரிதிவி சுப்பா குரூங், இம்மாநில அரசின் முதலாவது முதலமைச்சராக 16 பிப்ரவரி 2018 அன்று பதவியேற்றார். [4]

• நேபாள மாநிலங்கள்
• நேபாளத்தின் மாவட்டங்கள்