சேரன் பாண்டியன்

கிராமத்தின் தலைவரான விஜயகுமார் (பெரிய கவுண்டர்) தனது மனைவி மஞ்சுளா, மற்றும் மகள் ஸ்ரீஜா உடன் வசித்து வருகிறார். இவர் சாதி ஏற்றத் தாழ்வுகளை கடைபிடித்து வாழ்பவர். தனது சகோதரரான சரத்குமாரை (சின்னக் கவுண்டர்) இவருக்கு பிடிக்காமல் போகிறது. காரணம் சரத்குமார், விஜயகுமாரின் தந்தை இரண்டாவது திருமணம் செய்து கொண்ட தாழ்த்தப்பட்ட சமூகத்தைச் சார்ந்த பெண்ணுக்கு பிறந்தவர் என்பதால் விஜயகுமார் எப்பொழுதுமே சரத்குமாரை வெறுக்கிறார்.

இந்நிலையில் சரத்குமாரின் உறவினரான ஆனந்த்பாபு இந்தக் கிராமத்திற்கு வருகிறார். ஆனந்த்பாபுவுக்கு விஜயகுமாரின் மகளான ஸ்ரீஜாவின் மேல் காதல் வருகிறது. இதையறிந்த விஜயகுமார் ஸ்ரீஜாவுக்கு அந்த ஊரில் நாகேசின் மகனான கே. எஸ். ரவிக்குமார் உடன் திருமணம் செய்ய முடிவு செய்கிறார். விஜயகுமார் தனது தம்பியான சரத்குமார் நல்லவர் என்பதை புரிந்து கொண்டாரா, தனது மகளின் காதலை ஏற்றுக் கொண்டாரா என்பதே இப்படத்தின் இறுதிக் காட்சியாகும்.

தமிழில் சிறப்பான வெற்றியைத் தொடர்ந்து 1992ஆம் ஆண்டில் தெலுங்கில் பாலராமகிருஷ்ணலு என மீளுருவாக்கம் செய்யப்பட்டது.

• சரத்குமார் - சின்னக் கவுண்டர் (ராஜபாண்டியன்)
• விஜயகுமார் - பெரிய கவுண்டர் (மணிசேரன்)
• நாகேஷ் - மணியம்
• ஆனந்த் பாபு - சந்திரன்
• மஞ்சுளா விஜயகுமார் - பார்வதி
• கவுண்டமணி - "மெக்கானிக்" மாணிக்கம்
• செந்தில்
• அனுஜா - மாணிக்கத்தின் மனைவி
• ஸ்ரீஜா - வெண்ணிலா
• சித்ரா - பரிமளம்
• கே. எஸ். ரவிக்குமார்
• குமரிமுத்து
• சேரன் - பேருந்து நடத்துனர்

இப்படத்தின் பாடல்களை எழுதி இப்படத்திற்கு இசையமைத்தவர் சௌந்தர்யன் ஆவார்.