இந்தியன் ஆயில் கார்பரேசன்

இந்தியன் ஆயில் கார்பரேசன் லிமிடெட் (Indian Oil Corporation Limited (IOCL)) (தேபச: IOC , முபச: 530965 ) பொதுவாக இந்தியன் ஆயில் என்றழைக்கப்படும், இந்திய அரசின் மிகப் பெரிய பொதுத்துறை நிறுவனம் ஆகும். இந்தியப் பொதுத்துறை நிறுவனங்களில் ஒன்றான இந்நிறுவனம், மகா நவரத்தின மதிப்பைப் பெற்றதாகும்.

இந்தியன் ஆயில் கார்பரேசன்

வகை	பொதுத்துறை நிறுவனம்
முந்தியது	இந்திய எண்ணெய் சுத்திரிகரிப்பு நிறுவனம் (1958) இந்தியன் ஆயில் கார்பரேசன் (1959)
நிறுவுகை	1964 (1964), புது தில்லி
தலைமையகம்	புது தில்லி, இந்தியா
சேவை வழங்கும் பகுதி	இந்தியா, இலங்கை, மத்திய கிழக்கு நாடுகள், மொரிசியசு
முக்கிய நபர்கள்	சஞ்சீவ் சிங் (தலைவர்)[1]
தொழில்துறை	எரி வாயு மற்றும் பெட்ரோலியப் பொருட்கள்
உற்பத்திகள்	பெட்ரோலியம், இயற்கை எரிவாயு, பெட்ரோகெமிக்கல்ஸ்
வருமானம்	₹3,64,081.74 கோடி (US$51.35 பில்லியன்) (2017)[2]
இயக்க வருமானம்	₹26,321.24 கோடி (US$3.71 பில்லியன்) (2017)[2]
நிகர வருமானம்	₹19,106.4 கோடி (US$2.69 பில்லியன்) (2017)[2]
மொத்தச் சொத்துகள்	₹1,50,113.52 கோடி (US$21.17 பில்லியன்) (2017)[3]
பணியாளர்	33,135 (2017)[2]
துணை நிறுவனங்கள்	இந்தியன் ஆயில் (மொரிசியசு) லங்கா ஐஒசி ஐஒசி மத்திய கிழக்கு
இணையத்தளம்	www.iocl.com

இந்தியாவில் பெரிதான இந்நிறுவனம், பெட்ரோலியப் பொருட்கள் மற்றும் இயற்கை எரிவாயு உற்பத்தி மற்றும் வணிகத்திற்கு பெயர் பெற்றது. இந்நிறுவனத்தின் 2016 – 17 ஆண்டு வருமானம் ரூ. 19,106 கோடியாகும். (USD 2,848 million) [4]2016ல் போர்ச்சூன் இந்தியா நிறுவனம் தர வரிசையில், இந்தியாவின் முதல் 500 நிறுவனங்களில் இந்தியன் ஆயில் கார்பரேசன் நிறுவனம் முதலிடத்தைப் பெற்றது. [5]மேலும் 2017ல் இந்நிறுவனம் உலக அளவில், முதல் ஐநூறு இடங்களில், 168வது இடத்தை பிடித்தது.[6] 31 மார்ச் 2017ல் இந்நிறுவனத்தில் ஊழியர்களின் மொத்த எண்ணிக்கை 33,135 ஆகும். அவர்களில் அலுவலர்களின் எண்ணிக்கை 16,545 ஆகும்.[7]

பெட்ரோலிய-இயற்கை எரிவாயு போன்ற பொருட்களை உற்பத்தி செய்தல், சுத்திகரித்தல், வினியோகித்தல், சந்தைபடுத்தல் இந்நிறுவனத்தின் முக்கியப் பணிகளாகும் [8] இந்தியாவில் மட்டுமின்றி, இலங்கை, மத்திய கிழக்கு நாடுகள் மற்றும் மொரிசியசு போன்ற நாடுகளில் இந்தியன் ஆயில் கார்ப்பரேசன், தனது துணை நிறுவனங்களின் மூலம் பெட்ரோலியப் பொருட்களை அகழ்வு செய்து கச்சா எண்ணெயை வெளியெடுத்தல், சுத்திரிகரிப்பு நிலையங்கள் மூலம் கச்சா எண்ணெயிலிருந்து பெட்ரோலியப் பொருட்களை உற்பத்தி செய்தல், சுத்திகரிக்கப்பட்ட பெட்ரோலியப் பொருட்களை விற்பனை செய்தல் போன்ற தொழில், வணிக நடவடிக்கைகளில் ஈடுபடுகிறது. [9][10] [11].