பூம்புகார் (திரைப்படம்)

பூம்புகார் 1964 இல் சிலப்பதிகாரத்தை அடிப்படையாகக் கொண்டு, ப. நீலகண்டன் இயக்கிய ஒரு தமிழ் காவிய படம். 1942 ஆம் ஆண்டு வெளியான கண்ணகி படத்திற்குப் பின் வந்த சிலப்பதிகாரம் காவிய அடிப்படையில் உருவாக்கப்பட்ட இரண்டாவது படம் இது. இத்திரைப்படத்தில் கண்ணகியாக விஜயகுமாரி, கோவலனாக எஸ். எஸ். இராஜேந்திரன், மாதவியாக ராஜஸ்ரீ, கவுந்தி அடிகளாக கே. பி. சுந்தராம்பாள் ஆகியோர் நடித்திருந்தனர்.

பூம்புகார்
இயக்கம்ப. நீலகண்டன்
கதைமு. கருணாநிதி
இசைஆர். சுதர்சனம்
நடிப்புஎஸ். எஸ். ராஜேந்திரன், விஜயகுமாரி, கே. பி. சுந்தராம்பாள்
வெளியீடு1964
நாடு இந்தியா
மொழிதமிழ்

பாடல்கள்

பூம்புகார் திரைப்படத்துக்கு இசையமைத்தவர் ஆர். சுதர்சனம். பாடல்களை உடுமலை நாராயண கவி, மாயவநாதன், ஆலங்குடி சோமு, மு. கருணாநிதி, இராதாமாணிக்கம் ஆகியோர் இயற்றினர்.[1]

வரிசை
எண்		பாடல்பாடகர்/கள்பாடலாசிரியர்அளவு (m:ss)
1என்னை முதன்முதலாகடி. எம். சௌந்தரராஜன் & எஸ். ஜானகிஇராதாமாணிக்கம்03:37
2பொன்னாள் இதுபோலேஎஸ். ஜானகிஉடுமலை நாராயண கவி03:28
3வாழ்க்கை எனும் ஓடம்கே. பி. சுந்தராம்பாள்மு. கருணாநிதி03:19
4தப்பித்து வந்தானம்மாகே. பி. சுந்தராம்பாள்மாயவநாதன்02:36
5அன்று கொல்லும்கே. பி. சுந்தராம்பாள்மாயவநாதன்02:16
6இறைவா இறைவாபி. சுசீலாஆலங்குடி சோமு03:55
7காவிரி பெண்ணேபி. சுசீலா, டி. எம். சௌந்தரராஜன்மாயவநாதன்03:29
8பொட்டிருந்தும்பி. சுசீலாஆலங்குடி சோமு03:13
9தமிழ் எங்கள் உயிரானதுபி. சுசீலாமாயவநாதன்04:30
10துன்பமெல்லாம்கே. பி. சுந்தராம்பாள்மாயவநாதன்03:22
11தொட்டவுடன் மலரொன்றுகே. பி. சுந்தராம்பாள்மாயவநாதன்00:38

துணுக்கு தகவல்

அன்று கொல்லும் அரசின் ஆணை.. என்ற பாடலில் "நின்று கொல்லும் தெய்வம் எங்கே சென்று விட்டது" எனக் கவிஞர் மாயவநாதன் எழுதியிருந்தார். கே. பி. சுந்தராம்பாள் அந்த வரியைப் பாட மறுத்துவிட்டார். மாயவநாதனோ ஊருக்குப் போய்விட்டார். எனவே கருணாநிதியே அந்த வரியை "நின்று கொல்லும் தெய்வம் இங்கே வந்து விட்டது" என மாற்றி எழுதிக் கொடுத்தார்.[1]

மேற்கோள்கள்
  1. கோ. நீலமேகம். திரைக்களஞ்சியம் தொகுதி - 2. மணிவாசகர் பதிப்பகம், சென்னை 108 (Ph:044 25361039). முதல் பதிப்பு நவம்பர் 2016.

வெளியிணைப்புகள்
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.