பர்வதராஜகுலம்

பர்வதராஜகுலம் (Parvatha Rajakulam) அல்லது செம்படவர் (Sembadavar) எனப்படுவோர் இந்திய மாநிலங்களான, தமிழ்நாடு மற்றும் புதுச்சேரி பகுதிகளில் சோழ மண்டல கடற்கரையில் வாழுகின்ற ஒரு மீனவ சமூகத்தினர் ஆவர். இச்சமூகத்தினர் செம்படவர் என்னும் பெயரையே முதன்மையாக பயன்படுத்துகின்றனர்.[1]

இச்சமூகத்தினர் மீன்பிடித் தொழிலை முதன்மையாக செய்து வருகின்றனர். இவர்கள் கடல் மற்றும் ஆறுகளில் மீன்பிடி வலையுடன் மீன் பிடிக்கின்றனர்.[2][3][4]

இச்சமூகத்தினர் ஆந்திரா மற்றும் தெலுங்கானாவில் சம்பூனி ரெட்டி என்ற பெயரில் உள்ளனர்.[5] இவர்களின் தோற்றம் குறித்து பல கோட்பாடுகள் உள்ளன, ஆனாலும் அவை பண்டைய காலங்களிலிருந்து தமிழ்நாடு மற்றும் புதுச்சேரி பகுதியில் பதிவு செய்யப்பட்டுள்ளன.