സ്വരജതി
കർണ്ണാടക സംഗീതത്തിലെ ഒരു സംഗീതസൃഷ്ടിയാണ് സ്വരജതി. വർണ്ണങ്ങൾ അഭ്യസിക്കുന്നതിനു മുൻപ് സഹായകമാകുന്ന സംഗീതസൃഷ്ടികളാണിവ.
| കർണ്ണാടക സംഗീതം |
|---|
 തഞ്ചാവൂർ രീതിയിലുള്ള തമ്പുരു |
| ആശയങ്ങൾ |
|
| രചനകൾ |
| വദ്യോപകരണങ്ങൾ |
|
|
ഘടന
പല്ലവി, അനുപല്ലവി, ചരണം എന്നിവയാണ് സ്വരജതിയുടെ ഭാഗങ്ങൾ. ബിലഹരി, ഹംസധ്വനി, കല്യാണി, കമാസ് തുടങ്ങിയ രാഗങ്ങളിൽ സ്വരജതികൾ രചിക്കപ്പെട്ടിട്ടുണ്ട്.[1] കർണ്ണാടക സംഗീത പഠനത്തിൽ സ്വരാവലി, ജണ്ഡവരിശകൾ, അലങ്കാരങ്ങൾ, ഗീതങ്ങൾ തുടങ്ങിയവ പഠിച്ചതിനുശേഷമാണ് സ്വരജതികൾ അഭ്യസിക്കുന്നത്. സ്വരജതികളിലെ സാഹിത്യങ്ങളുടെ ഉള്ളടക്കം ഭക്തി, വീരാരാധന, ശൃംഗാരം എന്നിവയായിരിക്കും. ശ്യാമശാസ്ത്രികൾ, സ്വാതി തിരുനാൾ, വാലാജപ്പേട്ട കൃഷ്ണസ്വാമി ഭാഗവതർ തുടങ്ങിയവർ സ്വരജതികൾ രചിച്ചിട്ടുണ്ട്.[2]
പ്രശസ്തമായ സ്വരജതികൾ
- രാരവേണു - രാഗം: ബിലഹരി (29-ാം മേളകർത്താരാഗമായ ധീരശങ്കരണാഭരണത്തിന്റെ ജന്യരാഗം) - ആദിതാളം
- സാംബശിവായ - രാഗം: കമാസ് (28-ാം മേളകർത്താരാഗമായ ഹരികാംബോജിയുടെ ജന്യരാഗം) - ആദിതാളം
- കാമാക്ഷി - രാഗം: ഭൈരവി (20-ാം മേളകർത്താരാഗമായ നഠഭൈരവിയുടെ ജന്യരാഗം) - മിശ്രചാപ്പ്
അവലംബം
- "Royal Carpet: Glossary of Carnatic Terms S". 20 March 2009.
- എ.കെ. രവീന്ദ്രനാഥ്. ദക്ഷിണേന്ത്യൻ സംഗീതം. കേരള ഭാഷാ ഇൻസ്റ്റിറ്റ്യൂട്ട്. p. 137. ISBN 9788176389440.
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.