ശാസ്താംകോട്ട
കേരളത്തിലെ കൊല്ലം ജില്ലയിലാണ് ശാസ്താംകോട്ട സ്ഥിതി ചെയ്യുന്നത് . കൊല്ലം നഗരത്തിൽ നിന്നും ഏകദേശം 29 കിലോ മീറ്ററോളം വടക്കാണ്‌ ഈ സ്ഥലം. കുന്നത്തൂർ താലൂക്കിൽ ഉൾപ്പെട്ട പ്രദേശമാണിത്. കുന്നത്തൂർ, മൈനാഗപ്പള്ളി, ശാസ്താംകോട്ട, പടിഞ്ഞാറെ കല്ലട, പോരുവഴി, ശൂരനാട് എന്നിവ ഉൾപ്പെട്ട കുന്നത്തൂർ താലൂക്കിന്റെ ആസ്ഥാനവും ശാസ്താംകോട്ടയാണ്. ശാസ്താവ് എന്നുവിളിക്കപ്പെടുന്നത് ശ്രീബുദ്ധൻ ആയതിനാൽ ശാസ്താംകോട്ട പ്രാചീന ബുദ്ധമതകേന്ദ്രം ആയി കണക്കാക്കപ്പെടുന്നു. ശാസ്താംകോട്ടയിൽ സ്ഥിതി ചെയ്യുന്ന ധർമ്മശാസ്താക്ഷേത്രം പ്രസിദ്ധമാണ്. ധാരാളം വിനോദസഞ്ചാരികളും തീർത്ഥാടകരും സന്ദർശിക്കുന്ന സ്ഥലമാണ്. ശാസ്താ ക്ഷേത്രത്തിനു ഒരു വൻ വാനര സമ്പത്ത് തന്നെ ഉണ്ട്. ഇതു ശാസ്താംകോട്ട ക്ഷേത്രത്തിന്റെ പ്രസിദ്ധിയുടെ കാരണങ്ങളിൽ ഒന്നാണ്.
| ശാസ്താംകോട്ട | |||||||
 Evening at Sasthamcotta Lake | |||||||
| രാജ്യം |  | ||||||
| സംസ്ഥാനം | കേരളം | ||||||
| ജില്ല(കൾ) | കൊല്ലം | ||||||
| ഏറ്റവും അടുത്ത നഗരം | കൊല്ലം | ||||||
| ലോകസഭാ മണ്ഡലം | മാവേലിക്കര | ||||||
| നിയമസഭാ മണ്ഡലം | കുന്നത്തൂർ | ||||||
| ജനസംഖ്യ | 32,330 (2001) | ||||||
| സമയമേഖല | IST (UTC+5:30) | ||||||
|
കോഡുകൾ
| |||||||
| വെബ്സൈറ്റ് | (ഈ വെബ്സൈറ്റ് ഔദ്യോഗികമല്ല) www.sasthamcotta.com (ഈ വെബ്സൈറ്റ് ഔദ്യോഗികമല്ല) | ||||||
ക്ഷേത്രസമീപത്തു കാണപ്പെടുന്ന ശാസ്താംകോട്ട കായൽ കേരളത്തിലെ ഏറ്റവും വലിയ ശുദ്ധജലതടാകമാണ്‌[1]. ശാസ്താംകോട്ടയിൽ ദേവസ്വം ബോർഡ് കോളേജും പ്രവർത്തിക്കുന്നുണ്ട്. കേരളത്തിലെ അപൂർവ്വം ദുര്യോധന ക്ഷേത്രങ്ങളിലൊന്നായ മലനട ക്ഷേത്രം, കൊട്ടാരക്കര ഗണപതി ക്ഷേത്രം, അഷ്ടമുടി കായലിന്റെ തിരത്ത് പ്രവർത്തിക്കുന്ന അഷ്ടമുടി റിസോർട്ട് എന്നിവയൊക്കെ ശാസ്താംകോട്ടയുടെ സമീപപ്രദേശങ്ങളിലാണ് സ്ഥിതിചെയ്യുന്നത് .
ചിത്രശാല
ശാസ്താംകോട്ട കായൽ
ശാസ്താംകോട്ട കായൽ
ശാസ്താംകോട്ട ശുദ്ധജലതടാകതീരത്ത് നിന്ന് ഒരു അസ്തമയക്കാഴ്ച
അവലംബം
 |
വിക്കിമീഡിയ കോമൺസിലെ Sasthamkotta എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്. |