വടമ
കേരളത്തിലെ തൃശ്ശൂർ ജില്ലയിലെ മാള പഞ്ചായത്തിലെ ഒരു ഗ്രാമമാണ് വടമ. തൃശ്ശൂർ നഗരത്തിൽ നിന്ന് 33 കിലോമീറ്റർ ദൂരത്തിലും, കൊച്ചി നഗരത്തിൽ നിന്ന് 52 കിലോമീറ്റർ ദൂരത്തിലും, ചാലക്കുടി പട്ടണത്തിൽ നിന്ന് 11 കിലോമീറ്റർ ദൂരത്തിലും മാള പട്ടണത്തിൽ നിന്ന് 2 കിലോമീറ്റർ ദൂരത്തിലും സ്ഥിതി ചെയ്യുന്ന ഒരു പ്രദേശമാണ് വടമ. വടമ എന്ന പേരിലുള്ള വില്ലേജിന്റേയും വടക്കുഭാഗം എന്ന വില്ലേജിന്റേയും ആസ്ഥാനമാണ് വടമ. രണ്ടിനേയും ചേർത്ത് വടമ-വടക്കുഭാഗം വില്ലേജെന്നും അറിയപ്പെടുന്നു. മാള അരവിന്ദൻ എന്ന സിനിമ നടൻ താമസിക്കുന്നതും ഈ ഗ്രാമത്തിലാണ്.
| വടമ | |||
| രാജ്യം |  | ||
| സംസ്ഥാനം | കേരളം | ||
| ജില്ല(കൾ) | തൃശ്ശൂർ | ||
| ഏറ്റവും അടുത്ത നഗരം | മാള | ||
| ലോകസഭാ മണ്ഡലം | ചാലക്കുടി | ||
| സിവിക് ഏജൻസി | മാള | ||
| സമയമേഖല | IST (UTC+5:30) | ||
|
കോഡുകൾ
| |||
അധികാരപരിധികൾ
- പാർലമെന്റ് മണ്ഡലം - ചാലക്കുടി, മുകുന്ദപുരം എന്നാണ് പഴയ പേര്.
- നിയമസഭ മണ്ഡലം - കൊടുങ്ങല്ലൂർ, 2011 ലെ മണ്ഡല പുനർനിർണ്ണയത്തിന് മുൻപ് മാള മണ്ഡലം.
- വിദ്യഭ്യാസ ഉപജില്ല - മാള
- വിദ്യഭ്യാസ ജില്ല - ഇരിങ്ങാലക്കുട
- വില്ലേജ് - വടമ
- പോലിസ് സ്റ്റേഷൻ - മാള
പ്രധാന സ്ഥാപനങ്ങൾ
- പാമ്പുമേക്കാട്ടുമന - ഹൈന്ദവവിശ്വാസികളെ ആകർഷിക്കുന്ന കേരളത്തിലെ സുപ്രസിദ്ധമായ സർപ്പാരാധനാകേന്ദ്രമാണ്.
- വടമ ജുമാമസ്ജിദ്
- ദേവി വിലാസം എൽ.പി സ്കൂൾ, വടമ
എത്തിച്ചേരാനുള്ള വഴി
റോഡ് വഴി - എൻ.എച്ച് 47 ൽ തൃശ്ശൂർ-എറണാകുളം വഴിയിൽ, കൊടകരയിൽ നിന്ന് 13 കിലോമീറ്റർ, ചാലക്കുടിയിൽ നിന്ന് 11 കിലോമീറ്റർ ദൂരത്തിൽ സ്ഥിതി ചെയ്യുന്നു. കൊടകര-മാള സംസ്ഥാന പാതയിലും ചാലക്കുടി-മാള വഴിയിലും അഷ്ടമിച്ചിറയ്ക്കും മാളയ്ക്കും ഇടയിലാണ്.
റെയിൽ വഴി - അടുത്തുള്ള റെയിൽ‌വേ സ്റ്റേഷൻ ചാലക്കുടി ദൂരം 10.1 കിലോമീറ്റർ, ഇരിഞ്ഞാലക്കുട, ദൂരം 9 കിലോമീറ്റർ,ഡിവൈൻ നഗർ മുരിങ്ങൂർ 10.6 കിലോമീറ്റർ എന്നിവയാണ്.
വിമാനം വഴി - ഏറ്റവും അടുത്ത വിമാനത്താവളം കൊച്ചി അന്താരാഷ്ട്ര വിമാനത്താവളം (നെടുമ്പാശ്ശേരി വിമാനത്താവളം), ദൂരം 30 കിലോമീറ്റർ.
സമീപ ഗ്രാമങ്ങൾ
വടമ ഒട്ടനവധി ഗ്രാമങ്ങളാ‍ൽ ചുറ്റപ്പെട്ടു കിടക്കുന്നു. ചില പ്രധാന ഗ്രാമങ്ങൾ താഴെ പറയുന്നവയാണ്.
- അഷ്ടമിച്ചിറ
- മാരേക്കാട്
- കരിങ്ങാച്ചിറ
- മാള - ഇവിടെയാണ് വടമയിലെ സീറോ മലബാർ കത്തോലിക്ക സഭയുടെ വിശ്വാസികൾക്കായുള്ള പള്ളി
- അമ്പഴക്കാട്
ചിത്രശാല
വടമ ജുമാമസ്ജിദ്
ദേവി വിലാസം എൽ.പി സ്കൂൾ, വടമ