ಪೆರಗ್ವೆ

೧೬ನೇ ಶತಮಾನದಲ್ಲಿ ಬಂದಿಳಿದ ಮೊದಲ ಯೂರೋಪಿಯನ್ನರು ಆಗಸ್ಟ್ ೧೫, ೧೫೩೭ರಂದು ಅಸೂನ್‌ಸಿಯಾನ್ ನಗರವನ್ನು ಹುಟ್ಟುಹಾಕಿದರು. ನಂತರ ಇದು ಅಮೆರಿಕದ ಸ್ಪಾನಿಷ್ ವಸಾಹತುಗಳ ಕೇಂದ್ರವಾಯಿತು. ಪ್ರಾಂತೀಯ ಸ್ಪಾನಿಷ್ ನಾಯಕರನ್ನು ಸೋಲಿಸಿ ಮೇ ೧೪, ೧೮೧೧ರಂದು ಸ್ವಾತಂತ್ಯ ಘೋಷಿಸಿಕೊಂಡರು.

ಪೆರಗ್ವೆ ಅಧ್ಯಕ್ಷೀಯ ಮಾದರಿಯ ಗಣರಾಜ್ಯ ಪ್ರಜಾಪ್ರಭುತ್ವ. ದೇಶದಲ್ಲಿ ಬಹುಪಕ್ಷೀಯ ವ್ಯವಸ್ಥೆಯಿದೆ. ಕಾರ್ಯಾಂಗದ ಅಧಿಕಾರವನ್ನು ಸರಕಾರ, ಶಾಸಕಾಂಗದ ಅಧಿಕಾರವನ್ನು ಸರಕಾರ ಮತ್ತು ರಾಷ್ಟ್ರೀಯ ಸಂಸತ್ತು ನಿರ್ವಹಿಸುತ್ತವೆ. ನ್ಯಾಯಾಂಗವು ಇವೆರಡಕ್ಕಿಂತ ಪ್ರತ್ಯೇಕವಾಗಿದ್ದು, ಸ್ವತಂತ್ರವಾಗಿದೆ.

ಪೆರಗ್ವೆ ದೇಶದ ನಕ್ಷೆ

ದೇಶದ ಆಗ್ನೇಯ ಗಡಿಯಲ್ಲಿ ಪರಾನ ನದಿಯಿದ್ದು ಇದರ ಮೇಲೆ ಕಟ್ಟಿರುವ ಇಟೈಪು ಅಣೆಕಟ್ಟು ಬ್ರೆಜಿಲ್ ಜೊತೆಗಿನ ಗಡಿಯಲ್ಲಿದೆ. ಇದು ಪ್ರಪಂಚದ ಅತಿ ದೊಡ್ಡ ಜಲವಿದ್ಯುತ್ ಸ್ಥಾವರವಾಗಿದೆ.

ಪೆರಗ್ವೆ ದೇಶ ಮಾರುಕಟ್ಟೆ ಆಧರಿತ ಅರ್ಥವ್ಯವಸ್ಥೆಯಾಗಿದ್ದು ಹೆಚ್ಚಿನ ಜನರು ಕೃಷಿ ಆಧರಿತ ಜೀವನ ನಡೆಸುತ್ತಾರೆ. ಇನ್ನೊಂದು ಪ್ರಧಾನ ಉದ್ಯಮವೆಂದರೆ ಹೊರದೇಶಗಳಿಂದ ಆಮದು ಮಾಡಿಕೊಂಡ ಸಾಮಾನುಗಳನ್ನು ದಕ್ಷಿಣ ಅಮೇರಿಕದ ಇತರ ದೇಶಗಳಿಗೆ ರಫ್ತು ಮಾಡುವುದು. ಪೆರಗ್ವೆಯ ಅರ್ಥವ್ಯವಸ್ಥೆ ಬ್ರೆಜಿಲ್ ದೇಶದ ಮೇಲೆ ಆಧರಿತವಾಗಿದೆ. ಇದಕ್ಕೆ ಕಾರಣ ಈ ದೇಶದ ಮೂಲಕ ಹಾದು ಹೋಗುವ ಕಾಲುವೆಯು ಪೆರಗ್ವೆ ದೇಶವನ್ನು ಬ್ರೆಜಿಲ್ ಕರಾವಳಿಯ ಬಂದರಿಗೆ ಸಂಪರ್ಕ ಮಾಡುತ್ತದೆ.

ದೇಶದ ರಾಜಧಾನಿ ಅಸೂನ್‌ಸಿಯಾನ್

ದೇಶದ ಶೇ. ೯೫ರಷ್ಟು ಜನ ಸ್ಪಾನಿಷ್ ಮತ್ತು ಮೂಲಜನರ ಮಿಶ್ರತಳಿ. ಮೂಲ ಗ್ವರಾನಿ ಭಾಷೆಯನ್ನು ಶೇ. ೯೪ರಷ್ಟು ಜನ ಮಾತನಾಡುತ್ತಾರೆ. ಶೇ. ೭೫ರಷ್ಟು ಜನ ಸ್ಪಾನಿಷ್ ಭಾಷೆಯನ್ನು ಮಾತನಾಡಬಲ್ಲರು. ಇವೆರಡೂ ಅಧಿಕೃತ ಭಾಷೆಗಳು.

ದೇಶದಲ್ಲಿ ಕ್ಯಾಥೊಲಿಕ್ ಧರ್ಮದ ಬಹುಮತವಿದೆ.

• ಪೆರಗ್ವೆ ದೇಶದ ಜನರು ಕಸೂತಿ ಕಲೆ ("ಅಹೊ ಪೊಯ್") ಮತ್ತು ಲೇಸ್ ಹೊಲಿಯುವಿಕೆ ("ನಂದೂತಿ")ಗಳಿಗೆ ಹೆಸರುವಾಸಿಯಾಗಿದ್ದಾರೆ.
• ೧೯೫೦ ಮತ್ತು ೧೯೬೦ರ ದಶಕಗಳಲ್ಲಿ ಪ್ರಖ್ಯಾತ ಕಾದಂಬರಿಕಾರರು ಮತ್ತು ಕವಿಗಳ ಉಗಮವಾಯಿತು. ಇವುಗಳಲ್ಲಿ ಪ್ರಮುಖರು ಯೋಸೆ ರಿಕಾರ್ಡೊ ಮಾತ್ಸೊ, ರೋಕೆ ವಾಲೆಯೋಸ್, ಮತ್ತು ಆಗಸ್ಟೊ ರೋವಾ ಬಾಸ್ಟೊಸ್.
• ಸಾಮಾಜಿಕವಾಗಿ ಇಲ್ಲಿ ಅವಿಭಕ್ತ ಕುಟುಂಬಗಳಿರುತ್ತವೆ - ಪೋಷಕರು, ಮಕ್ಕಳು, ರಕ್ತ ಸಂಬಂಧಿಗಳು ಹೀಗೆ ಎಲ್ಲರೂ ಒಂದೇ ಮನೆಯಲ್ಲಿರುತ್ತಾರೆ.

• ದಕ್ಷಿಣ ಅಮೇರಿಕ
• ಬ್ರೆಜಿಲ್
• ಅಸೂನ್‌ಸಿಯಾನ್

• ಪೆರಗ್ವೆ
• ಪೆರಗ್ವೆ ದೇಶದ ಇತಿಹಾಸ

	ದಕ್ಷಿಣ ಅಮೇರಿಕ ಖಂಡದ ದೇಶಗಳು
	ಅರ್ಜೆಂಟೀನ | ಬೊಲಿವಿಯ | ಬ್ರೆಜಿಲ್ | ಚಿಲಿ | ಕೊಲೊಂಬಿಯ | ಎಕ್ವಡಾರ್ | ಗಯಾನ | ಪೆರಗ್ವೆ | ಪೆರು | ಸುರಿನಾಮ್ | ಉರುಗ್ವೆ | ವೆನೆಜುವೆಲಾ