گریگری پیک
گریگری پیک ہالی وڈ کے ممتاز اداکار۔ کیلی فورنیا کے قصبے لایولا میں پیدا ہوئے اور کیلی فورنیا یورنیورسٹی برکلے سے انگریزی ادب میں گریجویشن کیا۔ انہوں نے اپنے فلمی کیریئر میں ساٹھ سے زائد فلموں میں اداکاری کی جن میں ’کیپ فیئر‘، ’سپیل باؤنڈ‘، ’گنز آف نیور آن‘ اور ’رومن ہالیڈے‘ جیسی شاہکار فلمیں شامل ہیں۔ انیس سو چوالیس میں بننے والی فلم ’ڈیز آف گلوری‘ سے انہوں نے اپنے فلمی کیریئر کا آغاز کیا۔ گریگری پیک کی دوسری فلم ’کیز آف دی کنگڈم‘ تھی جس میں انہوں نے ایک پادری کا کردار ادا کیا تھا۔ اس کردار نگاری کے سلسلے میں انہیں اکیڈمی ایوارڈ کے لیے بھی نامزد کیا گیا۔
گریگری پیک | |
---|---|
(انگریزی میں: Eldred Gregory Peck) | |
![]() گریگری پیک، 1948 گریگری پیک، 1948 | |
معلومات شخصیت | |
پیدائش | 5 اپریل 1916 لاہویا [1] |
وفات | جون 12، 2003 87 سال) لاس اینجلس [2] | (عمر
طرز وفات | طبعی موت |
رہائش | سان ڈیگو لاس اینجلس لاہویا |
شہریت | ![]() |
آبائی علاقہ | لاہویا، کیلیفورنیا، ریاستہائے متحدہ |
مذہب | رومن کیتھولک |
جماعت | ڈیموکریٹک پارٹی |
زوجہ | Greta Kukkonen (1942–55; طلاق) Veronique Passani (1955–2003; his death) |
اولاد | 5, بشمول سیسلیا پیک |
خاندان | Ethan Peck (پوتا) |
عملی زندگی | |
تعليم | سینٹ جانز ملٹری اکیڈمی، لاس اینجلس لاہویا ہائی اسکول |
مادر علمی | San Diego State University جامعہ کیلیفورنیا، برکلی |
پیشہ |
|
پیشہ ورانہ زبان | انگریزی [3] |
دور فعالیت | 1942–2000 |
اعزازات | |
IMDB پر صفحہ | |
گریگری پیک کا شمار بیسویں صدی کے دوران فلموں میں مرکزی کردار ادا کرنے والے مشہور ترین فنکاروں میں ہوتا ہے۔ انہیں آسکر ایوارڈ کے لیے پانچ مرتبہ نامزد کیا گیا۔’ٹو کِل اے موکنگ برڈ‘ میں اداکاری کے جوہر دکھانے کے باعث انہیں آسکر ایوارڈ دیا گیا تھا۔ اس فلم میں ان کے کردار کو امریکی فلم انسٹی ٹیوٹ کے ایک سروے کے مطابق امریکی فلمی تاریخ میں (بحیثیتِ ’ہیرو‘) سب سے اعلیٰ درجہ حاصل ہے۔ فلمی کیریئر کے دوران انہیں ایک بار آسکر ایوارڈ اور پانچ مرتبہ گولڈن گلوب ایوارڈ سے نوازا گیا۔
انہوں نے ہر طرح کے کردار ادا کیے جن میں فوجی سپاہی، کاؤ بوائے اور رومانوی ہیرو کے علاوہ مذہبی کردار بھی ادا کیے۔ لوگوں نے عموماً انہیں ہیرو کے کردار میں زیادہ سراہا اور ویلن کے کردار میں انہیں خاطر خواہ پزیرائی حاصل نہیں ہو سکی۔ فلم ’ویسٹرن ڈیول اِن دی سن‘ میں انہوں نے باغی بیٹے کا اور فلم ’دی بوائز فرام برازیل‘ میں بدنامِ زمانہ نازی ڈاکٹر کا کردار ادا کیا۔ لاس اینجلس میں ان کا انتقال ہوا۔
- http://www.aveleyman.com/ActorCredit.aspx?ActorID=13582
- http://lifeinlegacy.com/2003/WIR20030614.html
- http://data.bnf.fr/ark:/12148/cb138983237 — اخذ شدہ بتاریخ: 10 اکتوبر 2015 — اجازت نامہ: آزاد اجازت نامہ