کاسٹک سوڈا

صنعتی پیمانے پر کاسٹک سوڈا نمک کے محلول میں سے بجلی گزار کر بنایا جاتا ہے۔ اس عمل میں کلورین اور ہائیڈروجن گیسیں بھی بنتی ہیں۔
کم مقدار میں بنانے کے لیے دھوبی سوڈے کوبجھے ہوئے چونے کے ساتھ ملا کر گرم کیا جاتا ہے۔

یہ پانی میں بڑی مقدار میں حل ہو جاتا ہے۔ بڑی حد تک میتھینول اور ایتھینول میں بھی حل ہو جاتا ہے مگر ایتھر جیسے غیر قطبی (Non polar) مایعات میں حل نہیں ہوتا۔ ان بجھے چونے اور گندھک کے تیزاب کی طرح کاسٹک سوڈا بھی پانی ملانے پر سخت گرم ہو جاتا ہے اور اس کے چھینٹے اڑ کر نقصان پہنچا سکتے ہیں۔

اگر کاسٹک سوڈے کے پانی میں محلول میں ہاتھ ڈالا جائے تو یہ صابن کی طرح چکنا محسوس ہوتا ہے۔ اگر زیادہ دیر تک یہ ہاتھ پر لگا رہے یا محلول مرتکز ہو تو کھال گلنے سے زخم پڑ جاتے ہیں۔

خشک کاسٹک سوڈا ہوا سے پانی جذب کر کے گیلا ہو جاتا ہے۔ اسی طرح یہ ہوا سے کاربن ڈائی آکسائیڈ جذب کر کے دھوبی سوڈے میں تبدیل ہو جاتا ہے۔

کاسٹک سوڈا لگنے کے دو دن بعد زخمی ہاتھ.

پاکستان میں کاسٹک سوڈے کی خوردہ قیمت لگ بھگ 90 روپے فی کلو ہے (مئی 2016 کی قیمت)۔

• نم گیری۔ ہوا سے پانی جذب کرنا۔
• بلیچنگ پاوڈر

ویکی کومنز پر کاسٹک سوڈا سے متعلق سمعی و بصری مواد ملاحظہ کریں۔