ٹرانسفارمر

ٹرانسفارمر (بدلنے والا) (TRANSFORMER) ایسا آلہ ہے جو آلٹرنیٹنگ کرنٹ کی وولٹیج کو کم یا زیادہ کرنے کے لیے استعمال ہوتا ہے۔ اسے مشہور سائنس دان مائیکل فیراڈے نے ایجاد کیا تھا۔ ٹرانسفارمر ڈی سی (ڈائریکٹ کرنٹ) پر کام نہیں کرتے یعنی بیٹری کی وولٹیج کو کم یا زیادہ نہیں کر سکتے۔

مختلف ٹرانسفارمرز

ٹرانسفارمر کی ڈایاگرام

ٹرانسفارمر کیسے کام کرتا ہے

ٹرانسفارمر میں دو کوائلز ہوتی ہیں۔ ایک سیکنڈری کوائل اور دوسرے پرائمری کوائل کہلاتی ہے۔ عام طور پر یہ دونوں کوائل لوہے کی core پر لپٹی ہوتی ہیں جو حاجز (انسولیٹڈ) پتریوں پر مشتمل ہوتی ہے۔ دونوں کوائلز میں تار کے چکروں (ٹرنز) کی تعداد ان میں موجود وولٹیج کے متناسب ہوتی ہے۔ جب ایک کوائل میں کرنٹ گزرتا ہے تو میگنیٹک انڈکشن کے ذریعے دوسری کوائل میں بھی کرنٹ گزرنے لگتا ہے۔ آوٹ پُٹ وولٹیج کو ٹرنز کی تعداد کم یا زیادہ کر کے سیٹ کیا جاسکتا ہے۔

ہیوی ڈیوٹی ٹرانسفارمر

ہیوی ڈیوٹی اور ہائی وولٹیج ٹرانسفارمرز جو گرڈ اسٹیشن پر نصب کیے جاتے ہیں انتہائی گرم ہو جاتے ہیں۔ انہیں ٹھنڈا کرنے کے لیے ٹرانسفارمر آئل استعمال کیا جاتا ہے۔

مزید دیکھیے

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.