لیری سینگر

لیری سینگر (انگریزی: Larry Sanger) (ولادت 16 جولائی 1968ء)[1][2] امریکی انٹرنیٹ پراجیکٹ ڈولپر ہیں اور ویکیپیڈیا کے مشترک بانی ہیں۔ وہ سٹی زینڈیم کے بھی بانی ہیں۔[3][4] ان کا بچپن اینکرایج، الاسکا میں گزرا۔[5] زندگی کے ابتدائی ایام سے ہی ان کو فلسفہ میں دلچسپی تھی۔[6] انہوں نے ریڈ کالج سے 1991ء میں فلسفہ میں بی اے کیا اور اوہائیو اسٹیٹ یونیورسٹی سے 2000ء میں فلسفہ میں ہی ڈکٹریٹ کی ڈگری حاصل کی۔[7] ان کا زیادہ تر فلسفیانہ کام علم (جانکاری، نالج) کی تھیوری علمیات پر مشتمل ہے۔[8]

لیری سینگر
(انگریزی میں: Larry Sanger)
Sanger in جولائی 2006 Sanger in جولائی 2006
معلومات شخصیت
پیدائشی نام	(انگریزی میں: Lawrence Mark Sanger)
پیدائش	16 جولائی 1968ء بلویو، واشنگٹن
رہائش	کولمبس، اوہائیو، U.S.
شہریت	ریاستہائے متحدہ امریکا
عملی زندگی
تعليم	Reed College (BA) اوہائیو اسٹیٹ یونیورسٹی (MA، علامۂِ فلسفہ)
مادر علمی	اوہائیو اسٹیٹ یونیورسٹی
تعلیمی اسناد	پی ایچ ڈی
پیشہ	Internet project developer
پیشہ ورانہ زبان	انگریزی
شعبۂ عمل	فلسفہ
ملازمت	نیو پیڈیا ، اوہائیو اسٹیٹ یونیورسٹی
ویب سائٹ
ویب سائٹ	LarrySanger.org
	IMDB پر صفحہ

انہوں نے متعدد د آن لائن ائرۃ المعارف پر کام کیا ہے۔[9] وہ نیو پیڈیا کے سابق ایڈیٹر ین چیف ہیں،[10] نیوپیڈیا کی جانشین ویکیپیڈیا کے چیف آرگنائزر (2001-02ء) رہے ہیں اور سٹی زینڈیم کے بانی اور ایڈیٹر ان چیف رہ چکے ہیں۔[11]نیوپیڈیا میں اپنے عہدہ پر رہتے ہوئے انہوں نے مضمون کی ترقی (article development.) کے لیے کمر کس لی۔[12] انہوں نے ایک ویکی کے نفاذ کا منصوبہ بنایا جہاں سے ان کے لیے ویکیپیڈیا کی راہ ہموار ہوئی۔[13] ابتدا میں ویکیپیڈیا نیوپیڈیا کا تتمہ مانا جاتا تھا۔و131 وہ ویکیپیڈیا کے ابتدائی کمیونٹی لیڈر تھے۔[14] اور اس کی متعدد بنیادی پالیسیاں انہوں نے ہی بنائی ہیں۔[15] سانگیر نے 2002ء میں ویکیپیڈیا کو خیر آباد کہ دیا اور تب سے ہی یہ پراجیکٹ حالات سے دو چار رہا ہے۔[16][17] ان کا کہنا ہے کہ کئی وجوہات کی بنا پر ویکیپیڈیا اب بے اعتبار ہو چلا ہے ان میں ماہر افراد کے عزت میں کمی ہے۔[18] اکتوبر 2006ء میں انہوں نے ویکیپیڈیا کی طرح ایک ویبسائٹ سٹی زینڈم کی بنیاد رکھی۔[19] اکتوبر 2017ء میں یہ اطلاع ملی کہ سانگیر چیف انفارمیشن آفیسر کی چیثیت سے ایوریپیڈیا سے جڑ گئے ہیں۔[20] سانگیر نے اوہایو اسٹیٹ یونیورسٹی میں فلسفہ پڑھایا ہے۔[21] اور انسائکلو آف ارتھ کے ابتدائی حکملت عملی بنانے والوں میں سے ہیں۔[22] انہوں نے واچ ناو ارتھ کے بینر تلے ترقی پزیر تعلیمی پراجیکٹ برائے افراد کے لیے کام کیا ہے۔[23] انہوں نے ویب پر مبنی مطالعہ پروگرام ڈیزائن کیا ہے جس کا نام ریڈنگ بیر ہے جس کا مقصد بچوں کو طریقہ مطالعہ سے اگاہ کرنا ہے۔[24] فروری 2013ء میں انہوں نے انفو بٹ کے نام سے ایک خبر کے مصادر کا آغاز کیا۔[25] 2015ء کے وسط میں یہ مالی حالت سے دوچار ہوا اور مکمل طور پر لانچ ہونے سے قبل ہی عدم کا شکار ہوا۔[26][27]