لوتے شیرنگ

شیرنگ 10 مئی 1969ء[8][9] کو ایک معزز گھرانے میں پیدا ہوئے۔[10]

انہوں نے اپنی ابتدائی تعلیم شیروبتس کے پنکھا ہائی اسکول سے حاصل کی۔[10] انہوں نے ڈھاکہ یونیورسٹی، بنگلہ دیش سے 2001ء میں ایم بی بی ایس کی ڈگری حاصل کی۔[10] 2007ء میں، انہوں نے میڈیکل کالج آف وسکونسن، امریکا سے بولیات کی تعلیم حاصل کی۔ بھوٹان لوٹنے کے بعد وہ ملک میں واحد بولیات کے ماہر تھے۔ 2010ء میں انڈورولوجی کی تعلیم سنگاپور جنرل اسپتال، سنگاپور اور اوکیاما یونیورسٹی، جاپان سے حاصل کی۔[11] 2014ء میں انہوں نے آسٹریلیا کی یونیورسٹی آف کنبیرا سے ایم بی اے کی ڈگری حاصل کی۔[11]

شیرنگ کی زوجہ ایک طبیبہ ہیں جن کا نام اُگیَن دیما ہے۔ ان کی ایک بیٹی ہے۔ اس کے علاوہ انہوں نے ریجنل ریفرل اسپتال سے ایک لڑکا اور لڑکی بھی گود لی ہے۔[10]

شیرنگ نے 2013ء کے قومی اسمبلی انتخابات میں حصہ لیا لیکن شروعاتی مرحلے میں ہی ہار گئے۔[12]

14 مئی 2018ء کو تیسرے قومی اسمبلی انتخابات سے پانچ مہینے پہلے، انہوں نے 1155 ووٹ حاصل کیے اور دروک نیامروپ شوگپا کے صدر منتخب ہو گئے۔[13]

شیرنگ کی پارٹی نے بھوٹان کے قومی اسمبلی انتخابات، 2018ء میں سب سے زیادہ نشستیں حاصل کیں اور ان کی پارٹی دروک نیامروپ شوگپا پہلی بار حکومت میں آئی۔[14]