عتیقیہ

(آبی دیوتا ’’پوسایدان‘‘ Poseidon  کا ’’ کیپ سونیان‘‘ میں مندر

یونانی تاریک دور میں جب ڈوریان حملہ سے آکائیان باشندے بے گھر ہوئے تو انہوں نے، آیونیوں کو ان کی سرزمین سے نکال باہر کیا، در نتیجہ آیونی باشندوں کو عتیقہ میں پناہ لینی پڑی۔[1]

Vravrona ’’فرافرون‘‘ کے کھنڈر

میسانی دور میں عتیقہ کے باشندے خود مختار زرعی معاشرہ میں رہتے تھے۔ جن مقامات سے ان کے قبل از تاریخ کھنڈر برآمد ہوئے ہیں ان میںمیراتھن، رافینیہ Rafina، نیاماکری، براوران، تھاریکوس، اگیاسکوسماس، منیدی، مارکوپولو، اسپاطا، افیدنا اور اتھینیہ شامل ہیں۔[2]

 Rhamnous ’’رامنوش‘‘ کا نظارہ

کلاسیکی دور میں، ایتھنز کو شمال سے الیوتھرا کے قلعہ کے ذریعہ مضبوط کیا گیا تھاجو اچھی حالت محفوظ  ہے۔ دوسرے قلعوں میں اوئینو، دیسیلیا اور افیندائی شامل ہیں۔ لاریم پر کان کنی کی جگہوں کی حفاظت کے لیے، رامنوش، تھوریکاس، سونیان، انافیسوس، پیرائس اور ایلوسیس کے مقامات پر فصیل بندی کی گئی تھی۔[2]

Spata ’’اسپاطہ‘‘ کا فضاء سے نظارہ

اگرچہ آثار قدیمہ اور کھنڈر پورے عتیقہ میں پائے جاتے ہیں لیکن ان میں سب سے زیادہ اہم الیوسیس Eleusis کے مقام پر برآمد ہوئے ہیں۔ میسانی دور کے شروع میں دیوی دیمیترا Demeter اور کورا Cora کی عبادت ایک عرصہ تک اس عتیقہ کے لوگوں کا مذہب رہی۔

Eleusis۔ ’’الیوسیس‘‘ میں کھدائی کی جگہ

دورِقدامت سے نکلنے پر عتیقہ سلسلہ وار رومن، بازنطینی، وینس اور عثمانیہ اقتدار کے تحت آیا۔ 

عالمی موسمیات کی تنظیم کے مطابق یورپ میں ریکارڈ سب سے زیادہ درجہ حرارت48ڈگری سیلیس /118.4ڈگری فارنہائٹ ہے یہ الیوسیس اور طاطوئی کے مقام پر1977 میں ریکارڈ کیا گیا۔[4]