سنیل دت

بالی وڈ کے معروف اداکار اور بھارت کے سابق کھیلوں کے وزیر، پاکستان کے شہر جہلم میں پیدا ہوئے۔ ہندی فلموں میں اپنی اداکاری کا لوہا منوایا۔ ایک اداکار کی حیثیت سے تاریخی فلم ’ مدر انڈیا‘، سجاتہ، پڑوسن، جانی دشمن، میرا سایہ اور ملن جیسی کامیاب فلموں میں اپنی اداکاری کے جوہر دکھائے تھے۔ اپنے دور میں مسٹر دت نے تقریبا سبھی بڑے پروڈکشنز اور ہدایت کاروں کے ساتھ کام کیا۔ ان کی آخری فلم منا بھائی ایم بی بی ایس تھی۔ فلم میں کامیاب اداکار ہونے کے بعد انہوں نے سیاست میں حصہ لیا اور اس میدان میں بھی انہوں نے مثال قائم کر دی۔ پانچ مرتبہ وہ ممبر پارلیمنٹ منتخب ہوئے۔ منموہن سنگھ حکومت میں کھیل کے مرکزی وزیر رہے۔ دل کا دورہ پڑنے سے انتقال ہوا۔ سنیل دت نے اپنے وقت کی معروف اداکارہ نرگس سے شادی کی۔ ان کے بیٹے سنجے دت بھی بالی وڈ کے مشہور اداکار ہیں۔

سنیل دت
(انگریزی میں: Sunil Dutt)،(ہندی میں: सुनील दत्त)
معلومات شخصیت
پیدائش	6 جون 1929 [1][2]  جہلم
وفات	25 مئی 2005 (76 سال)[3][1]  ممبئی [4]
وجۂ وفات	دورۂ قلب
طرز وفات	طبعی موت
شہریت	برطانوی ہند (–1947) بھارت (1947–)[5]
جماعت	انڈین نیشنل کانگریس (1984–)
زوجہ	نرگس (1958–1981)
اولاد	پریا دت ، سنجے دت
عملی زندگی
پیشہ	فلم اداکار ، فلم ہدایت کار ، فلم ساز ، سیاست دان [5]
پیشہ ورانہ زبان	ہندی
اعزازات
فنون میں پدم شری   (1968)
	IMDB پر صفحہ