پریا دت

پریہ دت مرحوم بالی وڈ اداکار اور سیاست دان سنیل دت اور نرگس کی بیٹی ہے۔ وہ نسلًا پنجابی ہے۔[3][4] ان کے والدین انڈین نیشنل کانگریس کی نمائندگی کے لیے چنے گئے تھے۔ ان کے والد ایک سرکاری وزیر تھے۔ ان کا بھائی فلمی اداکار سنجے دت ہے جبکہ ان کی ایک بہن نمرتا دت ہے۔[5] اپنی بہن کی مشارکت میں انہوں نے ایک یادگار 2007ء میں انگریزی زبان میں تحریر کیا جس کا عنوان Mr and Mrs Dutt: Memories of our Parents تھا۔[6]

پریہ کی شادی اووین رانکان سے ہوئی جو کاتھولک ہیں۔[7][8]

وہ عمرانیات میں سوفیا کالج، ممبئی یونیورسٹی سے بی اے کی ڈگری حاصل کر چکی ہے۔ وہ سنٹر فار میدیا آرٹس، نیویارک شہر سے ٹیلی ویژن پروڈکشن میں پوسٹ گریجویٹ ڈپلوما رکھتی ہیں۔[9]

2004ء میں اپنے والد سنیل دت کے انتقال کی وجہ سے پریہ ان کے انتخابی حلقے میں کھڑی ہوئی۔ وہ لوک سبھا نشست کے لیے قریب ترین شیو سینا امیدوار سے 172,043 ووٹوں سے فتح درج کی۔[10] چناؤ جیتنے کے بعد پریہ آل انڈیا کانگریس کمیٹی کی معتمد بنا دی گئی۔

بمبئی فسادات کے دوران اور اس کے بعد پریہ نے ممبئی کے مسلمان پناہ گزینوں کے ساتھ کام کیا۔ انہوں نے ان اقدامات کی وجہ سے دھمکی آمیز فون کالوں کی وصولی اور عوامی ہراسانی کی اطلاع دی۔[11]

پریہ نے اووین رانکان سے 27 نومبر 2003ء کو شادی کی۔[9] رانکان اورنجوس اینٹرٹینمنٹ کے ساجھے دار ہیں جو ایک موسیقی کو فروغ دینے والی کمپنی ہے۔ وہ فاؤنٹین ہیڈ پروموشنز اینڈ ایوینٹ پرائیویٹ لیمیٹیڈ سے بھی جڑے ہیں جو ایک بازارکاری کی کمپنی ہے۔[12] رانکان باندرہ سے تعلق رکھنے والے ایک کاتھولک ہیں۔[13]

• Mr and Mrs Dutt: Memories of our Parents, Namrata Dutt Kumar and Priya Dutt, 2007, Roli Books. ISBN 978-81-7436-455-5.[14]

ویکی کومنز پر پریہ دت سے متعلق سمعی و بصری مواد ملاحظہ کریں۔

• سرکاری ویب سائٹ
• نرگس: ایک بیٹی کی یادیں، از پریہ دت