பாகல்
பாகல் (Momordica charantia) என்பது உணவாகப் பயன்படும் பாகற்காய் என்னும் காயைத் தரும், பாகற்கொடியைக் குறிக்கிறது. இக்கொடி வெள்ளரிக்காய், பூசணிக்காய், தர்ப்பூசணி முதலான நிலைத்திணை (தாவர) வகைகளை உள்ளடக்கிய குக்குர்பிட்டேசியே (Cucurbitaceae) என்னும் பண்படுத்தாத(rouch) செடி, கொடி குடும்பத்தைச் சேர்ந்ததாகும்.[1] பாகற்காய் கைப்புச் (கசப்பு, கயப்பு) சுவைமிக்கது. இது உடல் நலத்துக்கு உகந்த உணவாகக் கருதப்படுகிறது. இதற்கு மருத்துவப் பயன்களும் உண்டு. சம்பலாகவோ, கறியாக்கியோ, வறுத்தோ, பொரித்தோ உண்பர். பாகற்காயின் இரத்த-சர்க்கரையளவைக் குறைக்கும் குணம் (hypoglycaemic activity) அறிவியலறிஞர்கள் பலராலும் அறியப்பட்ட ஒரு உண்மையாகும்.[2][3] இதன் தாயகம் இந்தியா ஆகும். இந்தியாவிலிருந்து, சீனாவிற்கு 14 ஆம் நூற்றாண்டில் அறிமுகப்படுத்தப் பட்டது.[4]
| பாகற்காய் | |
|---|---|
 | |
| உயிரியல் வகைப்பாடு | |
| திணை: | தாவரம் |
| தரப்படுத்தப்படாத: | பூக்கும் தாவரம் |
| தரப்படுத்தப்படாத: | இருவித்திலைத் தாவரம் |
| தரப்படுத்தப்படாத: | Rosids |
| வரிசை: | Cucurbitales |
| குடும்பம்: | வெள்ளரிக் குடும்பம் |
| பேரினம்: | Momordica |
| இனம்: | M. charantia |
| இருசொற் பெயரீடு | |
| Momordica charantia Descourt. | |
வளரியல்பு
இம்மூலிகைக் கொடி 5 மீட்டர் (16 அடி) நீளம் வரை வளரக்கூடிய இயல்புடையதாகும். இதன் இலையமைவு, எளிய, மாறுபட்ட கோணத்தில் இருக்கும். இலையளவு 4–12 செ. மீ. (1.6–4.7 அங்குலம்) இலை விளம்புகள் ஆழமாக பிளவுபட்டு, 3-7 வரை பிரிந்து, உள்வாங்கி இருக்கும். ஒவ்வொரு தாவரமும் தனித்தனியான ஆண், பெண் மலர்களைக் கொண்டு இருக்கும். பூமியின் வடகோளத்தில் சூன், சூலை மாதங்களில் பூக்கும் இயல்புடையதாக இருக்கிறது. கனியாதல் செப்டம்பர் முதல் நவம்பர் வரை நடைபெறுகிறது. கனியானது அடர் மஞ்சள் நிறத்திலும், விதைகள் பட்டையாக மஞ்சள் நிறத்திலும், சதைப்பகுதி சிவப்பாகவும் இருக்கும். இச்சதைப்பகுதியை அப்படியே சமைக்காமல் சாலட் ஆக உண்ணும் வழக்கம் பல தெற்கு ஆசிய நாடுகளில் காணப்படுகின்றன.[5] நன்கு பழுத்தக்கனி, ஆரஞ்சு நிறமாக மாறும் இயல்புடையது ஆகும்..
வகைகள்
பாகற்காயில் பல வகைகள் உள்ளன. அவற்றின் அளவிலும், வடிவத்திலும் இவை வேறுபடுகின்றன.இருப்பினும், வேளாண்மையினர் இருவகை இனங்களையே விளைவிக்கின்றனர். ஒன்று பொடியாக, 6–10 cm (2.4–3.9 in) அளவு இருப்பது, இதனை மிதி / குருவித்தலை பாகற்காய் என்கின்றனர். இவ்வினம் இந்தியாவிலும், வங்காள தேசத்திலும் மற்றொன்று பெரிதாக நீளமாக இருக்கும். அதனை கொம்பு பாகற்காய் என்றழைக்கின்றனர். இந்த கொம்பு பாகல் இனங்கள் இந்தியாவிலும் சீனத்திலும் வேறுபட்டு இருக்கின்றன. இந்திய இனம் அடர் பச்சை நிகூறமாகவும், முனைகள் கூராகவும் இருக்கும்., சீன பாகலின் அளவு 20–30 cm (7.9–11.8 in) இருக்கும்.வெளிர் பச்சை நிறத்திலும், முனைகள் மழுங்கியும் இருக்கிறது.
மருத்துவ ஆய்வுகள்
- Momordica charantia var. muricata
- இச்சிற்றினத்தின் பச்சைச்சாறை உண்பதால், ஆக்சிசனேற்ற அயற்சி (Oxidative stress), இழைநார்ப் பெருக்கம், , கல்லீரல் சிதைவு (hepatic damage in CCl4) போன்றவை தடுக்கப்படுவதாக எலிகளில் நடத்தப்பட்ட ஆய்வுகள் நிரூபித்துள்ளன.[6]
- Momordica charantia var. charantia என்ற இரு சிற்றின வகைகள், மருத்துவ ஆராய்ச்சிக்கு உதவுகின்றன.[7][8]
ஊட்டசத்து
| பாகற்காய் உப்பில்லா வேகவைத்த, நீர்வடித்த உணவு 100 கிராமில் உள்ள ஊட்டச் சத்து | ||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ஆற்றல் 20 kcal 80 kJ | ||||||||||||||||||||||||||||||||||||||||||||
| ||||||||||||||||||||||||||||||||||||||||||||
| Link to USDA Database entry ஐக்கிய அமெரிக்கா அரசின் வயதுக்கு வந்தவருக்கான, உட்கொள்ளல் பரிந்துரை . மூலத்தரவு: USDA Nutrient database | ||||||||||||||||||||||||||||||||||||||||||||
காட்சியகம்
பாகற்பந்தல்
இலையமைவு
பெண் பூவின் அடிப்புறம்
பெண்பூவும்,பிஞ்சும்
ஆண் பூ
பாகற்காயின் உட்புறம்
பழமும், காயும்
பாகற்பழம்
பூவின் அண்மைக்காட்சி
மேற்கோள்கள்
- http://plants.usda.gov/core/profile?symbol=MOCH2#
- Home remedies-vol.1 T.V.Sairam – p.161
- Bachok, M. F.; Yusof, B. N.; Ismail, A; Hamid, A. A. (2014). "Effectiveness of traditional Malaysian vegetables (ulam) in modulating blood glucose levels". Asia Pacific journal of clinical nutrition 23 (3): 369–76. doi:10.6133/apjcn.2014.23.3.01. பப்மெட்:25164446.
- Bagchi, Indrani (11 April 2005). "Food for thought: Green 'karela' for Red China". Times of India. http://articles.timesofindia.indiatimes.com/2005-04-11/india/27857106_1_karela-india-and-china-white-horse-temple.
- http://www.ars-grin.gov/cgi-bin/npgs/html/taxon.pl?24520#dist
- http://www.greenmedinfo.com/article/supplementation-fresh-ucche-momordica-charantia-l-var-muricata-willd-prevented
- http://www.researchgate.net /publication228360784_ Medicinal_uses _and_ molecular_ identification_ of_ two_ Momordica_charantia _varietiesa _review
- http://proseanet.org/prosea/e-prosea_detail.php?frt=&id=343
வெளி இணைப்புகள்
- ubio என்ற இணையத்தில் அனைத்துலக உயிரியல் வகைப்பாட்டு இணையத் தரவகம் (The Taxonomic Name Server (TNS) catalogs) உள்ளது. அதில் பாகல் குறித்த தாவரவியல் ஆவணப் பக்கங்கள் உள்ளன.
- பொது உரிமத்தோடு உள்ள botanicus என்ற தாவரவியல் இணையநூலகத்தின் பாகல் குறித்த நூல்களும், அதன் பக்கங்களும் உள்ளன.
- பாகல் குறித்த தாவரவியல் ஆவணப் பக்கங்கள், tropicos இணையதளத்தில் உள்ளன.
- பாகல் தாவரத்தின் மரபியல் குறித்த ஆய்வுகள் பற்றிய விவரங்களை, இந்த இணையப்பக்கத்தில் காணலாம்.
- அனைத்துலக தாவரப்பெயர்கள் வகைப்பாடு (International Plant Names Index) இணையத்தில், பாகல் குறித்த பக்கங்களைக் காணலாம்.
- இந்திய பூக்கும் தாவரங்கள் பற்றிய இணையப்பக்கத்தில் பாகல் குறித்த தாவரவியல் குறிப்புகள் உள்ளன.
- உலகின் பல்வேறு இடங்களில் பாகல் குறித்த தாவரவியல் குறிப்புகளைத் தனித்தனியே இந்த இணையபக்கத்தில் காணலாம்..