பருத்தித்துறை

ஆரம்ப காலங்களில் பருத்தி ஏற்றுமதி செய்யும் துறைமுகமாக தொழிற்பட்டது. இதனால் பருத்தித்துறை என பெயர் பெற்றது. இதே வேளை ஒல்லாந்த மாலுமியான பெட்ரே இலங்கையின் கரையோரப் பிரதேசம் ஊடாகப் பயணிக்கும் போது இலங்கையின் வட முனையாக இந்த நகரம் இருப்பதைப் புரிந்துகொண்டார். இதன் பின்னர் இந்த நகரத்துக்கு பொயின்ட் பெட்ரோ (Point Pedro) எனப் பெயரிட்டார். இந்தப் பெயரே இன்று ஆங்கிலத்தில் புழங்கி வருகின்றது.

காலம் காலமாக இவ்வூரில் உள்ள பிரபலமான பாடசாலையான ஹாட்லிக் கல்லூரி பல மாணவர்களை பல்கலைக்கழகம் அனுப்பி வருகின்றது. ஆரம்ப காலங்களில் தென் இலங்கையில் இருந்து சிங்கள மாணவர்கள் இந்தக் கல்லூரியில் படிப்பதற்காக இந்த நகரிற்கு வந்தனர். ஆயினும் இலங்கையின் உள்நாட்டு யுத்தம் காரணமாக இந்தப் பாடசாலை தனது செல்வாக்கை இழந்தது. ஆயினும் தொடர்ந்தும் இந்த பாடசாலையின் மாணவர்கள் கணித துறையில் அகில இலங்கை ரீதியில் சாதனை புரிந்து வருகின்றனர்.

ஆதி காலத்தில் தென்னிந்திய நகரங்களுக்கு பருத்தி ஏற்றுமதி செய்யும் துறைமுகமாக விளங்கிய பருத்தித்துறை துறைமுகம் இன்றும் பயன்பாட்டில் உள்ளது. தமிழீழ விடுதலைப் புலிகளிடம் யாழ் குடாநாடு இருந்த போது யாழ் குடாநாட்டிற்கான கடல்வழி போக்குவரத்து இந்த துறைமுகம் ஊடாக நடந்தது. திருகோணமலையில் இருந்து பருத்தித்துறைக்கு பயணிகள் மற்றும் சரக்குக் கப்பல்கள் அனுப்பி வைக்கப்பட்டன. 1995இல் இலங்கை இராணுவம் தமிழீழ விடுதலைப் புலிகளிடம் இருந்து பருத்தித்துறை நகரைக் கைப்பற்றியபோது இந்த துறைமுகமும் இராணுவத்தின் கட்டுப்பாட்டின் கீழ் வந்தது. தற்போது யுத்தம் முடிவடைந்த நிலையில் சில கட்டுப்பாடுகளுடன் பொது மக்களை, இந்த துறைமுகத்தைப் பாவிக்க இராணுவம் அனுமதித்து வருகின்றது.

சேது சமுத்திரத் திட்டம் நிறைவேற்றப்பட்டால் இந்த துறைமுகம் பரபரப்பான ஒரு துறைமுகமாக மாறும் என்று எதிர்பார்க்கப்படுகின்றது.

பருத்தித்துறையில் உள்ள மாதனைப்பகுதியில் பிரசித்திபெற்ற கொட்டகைக்கூத்து, இசைநாடகக் கலைஞர்கள் இருந்தார்கள். காத்தவராயர் என்னும் கூத்து தற்போதும் நடைபெற்று வருகின்றது.

• சுப்பர்மடம் முனீஸ்வரர் கோயில்
• அவ்வோலைப் பிள்ளையார் கோயில்
• ஆத்தியடிப் பிள்ளையார் கோயில்
• கோட்டு வாசல் அம்மன் கோவில்
• சிவன் கோயில் பருத்தித்துறை
• தம்புருவளை ஸ்ரீ சித்தி விநாயகர் தேவஸ்தானம்
• திருநாவலூர் ஸ்ரீமகாமாரி அம்மன் கோயில்
• தூய தேவமாதா ஆலயம்
• தூய லூர்து அன்னை திருத்தலம்
• நெல்லண்டை பத்திரகாளியம்மன் கோயில்
• பண்டாரியம்மன் கோயில்
• பருத்தித்துறை பத்திரகாளி கோவில்
• பெரிய பிள்ளையார் கோவில்
• புலோலியூர் தொப்பிலாவத்தை வைரவர் கோவில்
• புனித அந்தோனியார் தேவாலயம்
• புனித தோமையார் தேவாலயம்
• மந்திகை அம்மன் கோயில்
• மருதடி குருமணல் கந்தசுவாமி கோயில்
• மாயக்கைப் பிள்ளையார் கோயில்
• முத்துமாரியம்மன் கோயில்
• முதலி பேத்தி அம்மன் கோயில்
• வல்லிபுர ஆழ்வார் கோவில்
• மாதனை ஸ்ரீ காளிஅம்மன் கோவில்
• மாதனை கண்ணகை அம்மன் கோவில்

• ஹாட்லிக் கல்லூரி
• வேலாயுதம் மகா வித்தியாலயம்
• வடமராட்சி இந்து மகளிர் கல்லூரி
• மெதடிஸ்ட் பெண்கள் கல்லூரி

• பருத்தித்துறை நகர் தட்டை வடையைச் செய்வதில் சிறப்புப் பெற்றதால் இந்த வடைக்கு "பருத்தித்துறை வடை" என்று ஒரு காரணப் பெயர் உண்டு.
• குத்து விளக்கு என்ற ஈழத்துத் திரைப்படத்தின் படப்படிப்பு இங்குதான் பெரும்பகுதி நடைபெற்றது.
• எஸ். பொன்னுத்துரையின் "சடங்கு" நாவலின் கதைக்களமும் பருத்தித்துறைதான்.

• வெற்றிவேல் மாஸ்டர், பிரபல ஆசிரியர்
• ந.நடராசா, 25 ஆண்டுகள் நகரசபைத் தலைவர்
• ஆறுமுகம்பிள்ளை குமாரசுவாமி
• சச்சி ஸ்ரீகாந்தா, பேராசிரியர், அரசியல் கட்டுரையாளர்
• ஸ்ரீசங்கர், மேடை, திரைப்பட நடிகர்
• நா. கதிரவேற்பிள்ளை

• 
  துன்னாலை தாமரைக்குளம்
• 
  அறுபதுபாகைக்கிணற்றடி அம்மன்கோவில்
• 
  பருத்தித்துறை வெளிச்சவீடும் தகவல் தொடர்பு கோபுரமும்

• பருத்தித்துறை தேர்தல் தொகுதி

• பருத்தித்துறையின் சுவையான உணவுகள்
• யாழ்களத்தில் பருத்தித்துறை உணவுகள்