துணைவன்

துணைவன் 1969 ஆம் ஆண்டில் வெளிவந்த ஓர் இந்தியத் தமிழ் இந்து பக்தித் திரைப்படம் ஆகும். எம். ஏ. திருமுகம் இயக்கிய இத்திரைப்படத்தை சாண்டோ சின்னப்பா தேவர் தயாரித்திருந்தார். கே. வி. மகாதேவன் இசையில் வெளிவந்தது.[1] ஏ. வி. எம். ராஜன், சௌகார் ஜானகி ஆகியோருடன், மேஜர் சுந்தரராஜன், நாகேஷ், சச்சு, வெண்ணிற ஆடை நிர்மலா, சுந்தராம்பாள் ஆகியோர் நடித்திருந்தனர். முருகன் பாத்திரத்தில் நடித்த ஸ்ரீதேவி இத்திரைப்படத்தின் மூலம் அறிமுகமானார்.[2][3] இத்திரைப்படத்தில் முதல் பகுதி கருப்பு-வெள்ளையிலும், மீதிப் பகுதி ஈஸ்ட்மன் வண்ணத்திலும் தயாரிக்கப்பட்டது.[1] இதன் பாடல்கள் அனைத்தும் பெரும் வரவேற்பைப் பெற்றன. சுந்தராம்பாள் பாடிய பாடல் அவருக்கு தேசிய விருதைப் பெற்றுக் கொடுத்தது. இப்படம் 100 நாட்களுக்கு மேல் ஓடி வணிக ரீதியில் பெரும் வெற்றி பெற்றது.[4]