காற்றின் மொழி (திரைப்படம்)

விஜயலட்சுமி பாலகிருஷ்ணன் (ஜோதிகா) ஒரு நடுத்தர குடும்ப பெண்ணாவார். இவரின் செல்லப் பெயர் விஜி ஆகும். விரார் எனும் இடத்தில் விஜி தனது கணவனான பாலகிருஷ்ணன் (விதார்த்) மற்றும் தனது ஒரே மகனுடன் வசித்து வந்தார். மேலும் இவர் நன்றாக சமைக்க, பாடக்கூடியவராகக் காணப்பட்டார். தனது ஓய்வு நேரங்களில் வானொலி கேட்டதுடன் ஒரு முறை அதில் நடைபெற்ற சிறந்த சுற்றுலா தலம் எனும் போட்டியில் அமுக்க அடுகலனும் வென்றார். விஜிக்கு வேலைக்கு செல்ல வேண்டும் என்று நீண்டநாள் ஆசை. இதற்கிடையில் விஜியின் தந்தை மற்றும் சகோதரிகள் அவரை எப்பொழுதும் வீட்டில் சும்மா தானே இருக்கிறாய் என திட்டினர். இவ்வாறு வானொலி கேட்கும் விஜிக்கு அங்கு வானொலித் தொகுப்பாளராகப் பணிபுரியும் அஞ்சலியின் பழக்கம் கிடைக்கிறது. வானொலி நிகழ்ச்சியில் தான் பெற்ற பரிசை வாங்க செல்லும் போது, வானொலித் தொகுப்பாளராகப் பணிபுரியும் வாய்ப்பு வானொலி நிலைய உயர் அதிகாரி மரியா மூலமாக கிடைக்கின்றது. அதன்பின்னர் அப்பணியில் ஏற்பட்ட சிக்கல்கள், தன் குடும்பத்தினரின் எதிர்ப்புகளை எவ்வாறு சமாளிக்கிறார், இவற்றைத் தாண்டி வாழ்வில் எவ்வாறு வெற்றி கொள்கிறார் என்ற போக்கில் அமைந்திருக்கிறது கதை.

• ஜோதிகா - விஜயலட்சுமி பாலகிருஷ்ணன் (விஜி) / ஆர்.ஜே.மது
• விதார்த் - பாலகிருஷ்ணன் (பாலு), விஜி கணவர்
• லட்சுமி மஞ்சு - மரியா (வானொலி தலைமை அதிகாரி)[4][5]
• சாண்ட்ரா எமி - ஆர்ஜே. அஞ்சலி
• மோகன் ராம் - விஜி தந்தை
• நாராயண் லக்கி - சந்தீப்
• எம். எஸ் .பாஸ்கர் - நீலகண்டன்
• மனோபாலா - மூர்த்தி
• மயில்சாமி
• உமா பத்மனாபன் - மாமி
• யோகி பாபு - மகேஷ் பாபு (சிறப்பு தோற்றம்)[6][7]
• சிலம்பரசன் (சிறப்பு தோற்றம்)
• சீமா தனேஜா - விஜி சகோதரி
• சிந்து சேகரன் - விஜி சகோதரி
• இளங்கோ குமரவேல் - கும்பக்கரை கிருஷ்ணமூர்த்தி என்ற 'கும்கி'

A.R. ரகுமானின் மருமகன் A.H காஷிப் இப்படத்திற்கு இசையமைத்திருந்தார். இப்படத்தின் பாடல் வரிகளை மதன் கார்க்கி எழுதியிருந்தார்.[8]

இப்படம் 40 நாள் பணி முடிவில் முதலாவது புகைப்படம் 2018 ஆனி 4ம் திகதி வெளியானது.[9]

• இணையதள திரைப்பட தரவுத் தளத்தில் காற்றின் மொழி (திரைப்படம்)