கந்தையா குணரத்தினம்

கந்தையா குணரத்தினம் (Kanthia Kunaratnam, 30 ஏப்ரல் 1934 – 9 செப்டம்பர் 2015) இலங்கைத் தமிழ் இயற்பியலாளரும், கல்வியாளரும், யாழ்ப்பாணப் பல்கலைக்கழகத்தின் முன்னாள் உபவேந்தரும் ஆவார்.[1]

பேராசிரியர்
கந்தையா குணரத்தினம்
பிறப்புஏப்ரல் 30, 1934(1934-04-30)
ஏழாலை, இலங்கை
இறப்பு9 செப்டம்பர் 2015(2015-09-09) (அகவை 81)
கொழும்பு, இலங்கை
இனம்இலங்கைத் தமிழர்
கல்வியூனியன் கல்லூரி, தெல்லிப்பழை
படித்த கல்வி நிறுவனங்கள்இலங்கைப் பல்கலைக்கழகம்
லண்டன் இம்பீரியல் கல்லூரி
பணிகல்விமான்
பட்டம்யாழ்ப்பாணப் பல்கலைக்கழக உபவேந்தர்
பதவிக்காலம்ஏப்ரல் 1994 - பெப்ரவரி 1997
முன்னிருந்தவர்அ. துரைராஜா
பின் வந்தவர்பொ. பாலசுந்தரம்பிள்ளை

ஆரம்ப வாழ்க்கை

தெல்லிப்பழை, யூனியன் கல்லூரியில் கல்வி பயின்ற குணரத்தினம் 1954 ஆம் ஆண்டில் இலங்கைப் பல்கலைக்கழகம் சென்று 1958 இல் இயற்பியலில் சிறப்புப் பிரிவில் இளமாணிப் பட்டம் பெற்றார்.[2]

பணி

பல்கலைக்கழகப் பட்டம் பெற்ற பின்னர் குணரத்தினம் கொழும்புப் பல்கலைக்கழகத்திலும், இலங்கைப் பல்கலைக்கழகத்தில் விரிவுரையாளராகப் பணியில் சேர்ந்தார்.[2] 1960 முதல் 1963 வரை லண்டன் இம்பீரியல் கல்லூரியில் பயின்று டிப்புளோமா பட்டத்தையும், கலாநிதிப் பட்டத்தையும் பெற்றார்.[2]

1971 சனவரி முதல் செப்டம்பர் வரை டர்காம் பல்கலைக்கழகத்தின் முதல் நிலவியல் பிரிவில் வருகைதரு விரிவுரையாளராகப் பணியாற்றினார்.[2] 1971 அக்டோபர் முதல் டிசம்பர் வரை குயீன் எலிசபெத் கல்லூரியின் இயற்பியல் துறையில் வருகைதரு ஆய்வாளராகப் பணியாற்றினார்.[2]

இலங்கைப் பல்கலைக்கழகத்தின் யாழ்ப்பாண வளாகம் ஆரம்பிக்கப்பட்ட போது யாழ்ப்பாண வளாகத்தின் இயற்பியல் பீடத்தின் நிறுவனத் தலைவராக ஏப்ரல் 1975 இல் குணரத்தினம் நியமிக்கப்பட்டார்.[3] 1980 அக்டோபர் வரை அவர் அதன் தலைவராகப் பணியாற்றினார்.[3] 1981 சனவரி முதல் அக்டோபர் வரை மலேசிய அறிவியல் பல்கலைக்கழகத்தின் இயற்பியல் பீடத்தின் வருகைதரு விரிவுரையாளராகப் பணியாற்றினார்.[2] பின்னர் இலங்கை திரும்பி யாழ்ப்பாணப் பல்கலைக்கழகத்தின் இயற்பியல் பீடத் தலைவராக 1985 பெப்ரவரி வரை பணியாற்றினார்.[3] 1988 அக்டோபர் முதல் 1989 ஆகத்து வரை எடின்பரோ பல்கலைக்ழகத்தின் புவி இயற்பியல் பீடத்தில் வருகைதரு பேராசிரியராகவும், பின்னர் கேம்பிரிட்சுப் பல்கலைக்ழகத்தில் புவியறிவியல் பீடத்தில் சிறிது காலம் ஆய்வுப் பணிகளில் ஈடுபட்டிருந்தார்.[2]

1991 சனவரி முதல் 1993 நவம்பர் வரை பேராசிரியர் குணரத்தினம் யாழ்ப்பாணப் பல்கலைக்கழகத்தின் கணினியறிவியல் துறையின் தலைவராகப் பணியாற்றினார்.[4]

பேராசிரியர் குணரத்தினம் 1977 சனவரி முதல் 1978 மே வரையும், பின்னர் 1985 சனவரி முதல் 1988 மார்ச்சு வரையும் யாழ்ப்பாணப் பல்கலைக்ழகத்தின் அறிவியல் பீடத் தலைவராகப் பணியாற்றினார்.[5] 1994 ஏப்ரல் முதல் 1997 பெப்ரவரி வரை யாழ்ப்பாணப் பல்கலைக்கழகத்தின் துணை வேந்தராகவும் பணியாற்றினார்.[6] 2000 ஏப்ரலில் பணியில் இருந்து இளைப்பாறினார்.[2] இறக்கும் வரை அவர் யாழ்ப்பாணப் பல்கலைக்கழகத்தில் "ஓய்வுபெற்ற" பேராசிரியராகப் பணியாற்றினார்.[7]

பேராசிரியர் குணரத்தினம் 1998 ஆம் ஆண்டில் அரச வானியல் கழகத்தின் ஆய்வாளராகவும், 1999 இல் இயற்பியல் கழகத்தின் உறுப்பினராகவும் இணைந்தார்.[2] 2001 ஆம் ஆண்டில் யாழ்ப்பாணப் பல்கலைக்கழகம் இவருக்கு மதிப்புறு முனைவர் பட்டம் வழங்கிக் கௌரவித்தது.[2]

பேராசிரியர் குணரத்தினம் 2015 செப்டம்பர் 9 இல் கொழும்பில் காலமானார்.[8][9]

மேற்கோள்கள்
  1. Who's who in Asia and the Pacific Nations
  2. "Prof.K.Kunaratnam". Department of Physics, யாழ்ப்பாணப் பல்கலைக்கழகம்.
  3. "History". Department of Physics, யாழ்ப்பாணப் பல்கலைக்கழகம்.
  4. "Heads of the Department". Department of Computer Science, யாழ்ப்பாணப் பல்கலைக்கழகம்.
  5. "Dean's Office". Faculty of Science, யாழ்ப்பாணப் பல்கலைக்கழகம்.
  6. "Establishment of the Jaffna Campus of the University of Sri Lanka". யாழ்ப்பாணப் பல்கலைக்கழகம். மூல முகவரியிலிருந்து 22 March 2008 அன்று பரணிடப்பட்டது.
  7. "Academic Staff". Department of Physics, யாழ்ப்பாணப் பல்கலைக்கழகம்.
  8. "Emeritus Professor Kanthia Kunaratnam". யாழ்ப்பாணப் பல்கலைக்கழகம்.
  9. "Former VC of Jaffna University Professor Kunaratnam passes away in Colombo". Tamil Diplomat. 9 செப்டம்பர் 2015. http://tamildiplomat.com/former-vc-of-jaffna-university-professor-kunaratnam-passes-away-in-colombo/.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.