ஏ. எச். எம். அஸ்வர்

எம். எச். எம். அசுவர் 1937 பெப்­ர­வரி 8 ஆம் நாள் பிறந்தார். கொழும்பு சாஹிரா கல்லூரியில் கல்­வி கற்றார். பின்னர் மகர­கமை கபூ­ரிய்யா அரபுக் கல்­லூ­ரியில் மார்க்கக் கல்வி கற்றார்.[2] மகரகமை செய்­தி­யா­ள­ராக பத்­தி­ரி­கைகளுக்கு செய்திகள் வழங்கி வந்தார். தமிழ், சிங்களம், ஆங்கிலம் என மும்மொழிகளிலும் புலமை பெற்ற அசுவர்[3] மொழி­பெ­யர்ப்­பா­ள­ரா­கவும் பணியாற்றியுள்ளார். முன்னாள் சபா­நா­யகர் பாக்கீர் மாக்காரின் தனிப்பட்ட செயலாளராகவும் பணியாற்றியுள்ளார்.[2]

1950களின் ஆரம்பத்தில் லங்கா சமசமாஜக் கட்சியில் இணைந்து அரசியலில் ஈடுபட்டார். 1955 இல் ஐக்கிய தேசியக் கட்சியில் இணைந்தார். முன்னாள் அரசுத் தலைவர் ஆர். பிரேமதாசாவின் மொழி­பெ­யர்ப்­பா­ள­ராக நீண்ட காலம் பணியாற்றினார்.[2] 1989 தேர்தலை அடுத்து ஐக்­கிய தேசியக் கட்­சியின் தேசியப் பட்டியல் ஊடாக நாடாளுமன்றத்திற்குத் தெரிவு செய்யப்பட்டார். முசுலிம் சமய விவ­கார இரா­சாங்க அமைச்சராகவும், 2002-2004 காலப்பகுதியில் ரணில் விக்கிரமசிங்க ஆட்சியில் நாடாளு­மன்ற விவ­கார இராசாங்க அமைச்சராகவும் பதவி வகித்தார்.[2]

2008 ஆம் ஆண்டு ஐக்கிய மக்கள் சுதந்திர முன்னணியில் சேர்ந்து முன்னாள் அரசுத்தலைவர் மகிந்த ராசபக்சவுடன் இணைந்து செயற்­பட ஆரம்­பித்தார்.[2] 2010 ஆம் ஆண்டு அக்கட்சியினூடாக தேசி­யப் பட்­டியல் உறுப்­பி­ன­ராக மீண்டும் நாடாளுமன்றம் சென்றார்.[4] 2014 நவம்பர் 28 இல் நாடாளுமன்ற உறுப்­பினர் பத­வி­யைத் துறந்தார்.[5] அதன் பின்னர் இறக்கும் வரை கூட்டு எதிர்க்­கட்­சியின் முசுலிம் முற்­போக்கு முன்­ன­ணியின் செய­ல­தி­ப­ரா­க இருந்து பணியாற்றினார்.[2]

வாழ்­வோரை வாழ்த்­துவோம் எனும் மகு­டத்தின் கீழ் ஏரா­ள­மா­ன­ இலக்கியவாதிகளைக் கெள­ர­வப்படுத்தியுள்ளார்.[2] ஊட­கங்­களின் துடுப்பாட்ட வர்ணனை­யா­ள­ராக இருந்துள்ளார்.[2] முசுலிம் லீக் வாலிப முன்­ன­ணி­யின் தலை­வ­ரா­கவும் அகில இலங்கை முசுலிம் கல்வி மாநாட்டின் உப­த­லை­வ­ரா­கவும் ஆலோ­ச­க­ரா­கவும் பணியாற்றினார்.[2] மேலவை உறுப்பினர் மசூர் மௌலானா, அமைச்சர் ஏ. சி. எஸ். ஹமீட் ஆகி­யோரின் வாழ்க்கை வர­லாறு உட்படப் பல நூல்களை எழுதி வெளியிட்டுள்ளார்.[2]

• இலங்கை நாடாளுமன்ற இணையதளத்தில்: ஏ. எச். எம். அஸ்வர்