தலைமைக் கணக்குத் தணிக்கையாளர், இந்தியா

தலைமைக் கணக்குத் தணிக்கையாளர், இந்தியா (Comptroller and Auditor General (CAG) of India) இந்திய அரசு, மாநில அரசுகள் மற்றும் அரசு நிதி உதவியைக் கணிசமான அளவில் பெறும் அமைப்புகளின் வரவு செலவுக் கணக்கைச் சரிபார்க்கும் அதிகாரத்துடன் இந்திய அரசியலமைப்பின் (Chapter V) கீழ் நிறுவப்பட்ட ஓர் அதிகார மையம் ஆகும். இதன் தலைவர் குடியரசு தலைவருக்கு நேரடியாகக் கட்டுப்பட்டவர். அவர் அரசுக்கு எந்தவிதத்திலும் கட்டுப்பட்டவர் கிடையாது.[3]

இந்தியத் தலைமைக் கணக்குத் தணிக்கையாளர்
பதவியில்
ராஜீவ் மகரிஷி
செப்டம்பர் 2017  முதல்
பரிந்துரையாளர்இந்தியப் பிரதமர்
நியமிப்பவர்இந்தியக் குடியரசுத் தலைவர்
பதவிக் காலம்6 ஆண்டுகள் அல்லது 65 அகவை வரை
(இரண்டில் முன்னதாக வருமவயம்)
முதலாவதாக பதவியேற்றவர்வி. நரகரி ராவ்
ஊதியம்₹90,000 (US$1,269.39)[1][2]
வலைத்தளம்The Comptroller and Auditor General of India
இந்தியக் குடியரசு

இக்கட்டுரை
இந்திய அரசு மற்றும் அரசியல்
என்ற தொடரின் ஒரு பகுதி
இந்திய அரசு வலைவாசல்

அரசுடமையாக்கப்பட்ட அனைத்து நிறுவனங்களுக்கும் வெளித் தணிக்கையாளராகவும் இவர் செயல்படுகிறார். தலைமைக் கணக்குத் தணிக்கையாளரின் அறிக்கைகள் நாடாளுமன்ற/மாநிலச் சட்டப்பேரவைகளின் சிறப்புக் குழுக்களான பொது கணக்குக் குழுக்களால் ஆய்வு செய்யப்படுகின்றன. நாடெங்கும் 58,000 ஊழியர்களைக் கொண்ட இந்திய தணிக்கை மற்றும் கணக்குத் துறையின் தலைவராகவும் செயல்படுகிறார்.

இந்திய அதிகார முன்னுரிமைப் பட்டியலில் ஒன்பதாவதாக உச்ச நீதிமன்ற நீதிபதிக்கு இணையாக வரிசைப்படுத்தப்பட்டுள்ளார். தற்போது ராஜீவ் மகரிஷி (Rajiv Mehrishi) பதவியில் உள்ளார். இந்தியாவின் 13வது தலைமைக் கணக்குத் தணிக்கையாளரான ராஜீவ் மகரிஷி செப்டம்பர், 2017ல் பதவியேற்றார்.

வினோத் ராய் தலைமையின் கீழ் இயங்கிய பொழுது இந்த அமைப்பு அரசின் முறைகேடுகளை வெளிப்படுத்தியமையால் குறிப்பாக இரண்டாம் தலைமுறை அலைக்கற்றை முறைகேடு,பொதுநலவாய விளையாட்டுகள் நடத்துதலில் ஊழல் மற்றும் இந்திய நிலக்கரிச் சுரங்க ஒதுக்கீட்டு முறைகேடு பரவலாக ஊடகங்களில் அறியப்படுகிறது.[4][5]

அரசுடன் வருமானத்தைப் பகிர்ந்து கொள்ளும் திட்டங்களில் தனியார் நிறுவனங்கள் மற்றும் தனியார்-பொது பங்களிப்புத் திட்டத்தை(PPP) ஆய்வு செய்யும் அதிகாரம் தலைமைக் கணக்குத் தணிக்கையாளருக்கு உண்டு .[6]


இந்தியத் தலைமைக் கணக்குத் தணிக்கையாளர்களின் பட்டியல்
எண். இந்தியத் தலைமைக் கணக்குத் தணிக்கையாளர் பதவிக்காலத் தொடக்கம் பதவிக்கால முடிவு
1 வி. நரஹரி ராவ் 1948 1954
2 ஏ. கே. சந்தா 1954 1960
3 ஏ. கே. ராய் 1960 1966
4 எஸ். ரங்கநாதன் 1966 1972
5 ஏ. பாக்சி 1972 1978
6 ஜியான் பிரகாஷ் 1978 1984
7 டி. என். சதுர்வேதி 1984 1990
8 சி. ஜி. சோமையா 1990 1996
9 வி. கே. ஷுங்லு 1996 2002
10 வி. என். கௌல் 2002 2008
11 வினோத் ராய் 2008 2013
12 சசி காந்த் சர்மா 2013 2017
13 ராஜீவ் மகரிஷி 2017 பதவியில்

ஆதாரம்:[7]

மேற்கோள்கள்
  1. "THE COMPTROLLER AND AUDITOR-GENERAL'S (DUTIES, POWERS AND CONDITIONS OF SERVICE) ACT, 1971". CAG India. மூல முகவரியிலிருந்து 27 August 2012 அன்று பரணிடப்பட்டது. பார்த்த நாள் 27 August 2012.
  2. "CAG - Article 148 of Constitution of India". பார்த்த நாள் April 06, 2012.
  3. "சி.ஏ.ஜி பணி - என்றால் என்ன?". தி இந்து. October 4, 2013. http://tamil.thehindu.com/business/%E0%AE%9A%E0%AE%BF%E0%AE%8F%E0%AE%9C%E0%AE%BF-%E0%AE%AA%E0%AE%A3%E0%AE%BF-%E0%AE%8E%E0%AE%A9%E0%AF%8D%E0%AE%B1%E0%AE%BE%E0%AE%B2%E0%AF%8D-%E0%AE%8E%E0%AE%A9%E0%AF%8D%E0%AE%A9/article5201116.ece. பார்த்த நாள்: 12 October 2013.
  4. "A watchdog that bites". The Hindu. August 20, 2012. Archived from the original on August 20, 2012. http://www.webcitation.org/6AF1G2lN4. பார்த்த நாள்: 27 August 2012.
  5. B S Arun. "CAG ‘activism’ gets the thumbs up". Deccan Herald. Archived from the original on 27 August 2012. http://www.webcitation.org/6AF1G2hzW. பார்த்த நாள்: 27 August 2012. ""Corporate India needs to go through a phase of reflection and soul searching""
  6. "அரசுத் திட்டங்களில் பங்கேற்கும் தனியார் கணக்குகளை ஆய்வு செய்வோம்: சிஏஜி". தீக்கதிர் தமிழ் நாளிதழ் (14 மே 2014). பார்த்த நாள் 14 மே 2014.
  7. "Former CAG". பார்த்த நாள் May 09, 2012.

வெளி இணைப்புகள்
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.