2008 அகமதாபாத் தொடர் குண்டுவெடிப்புகள்

2008 அகமதாபாத் தொடர் குண்டுவெடிப்புகள் என்பது ஜூலை 26, 2008 மாலை 6:45 மணிக்கு இந்தியாவின் குஜராத் மாநிலத்தில் அகமதாபாதில் இடம்பெற்ற தொடர் குண்டுவெடிப்புகளை குறிக்கும். 70 நிமிடங்களில் மொத்தத்தில் 17 தொடர் குண்டுகள்[5][6] வெடித்து 38 பேர் உயிரிழந்து[4] மேலும் 100 பேர் படுகாயம் அடைந்தனர்.

2008 அகமதாபாத் தொடர் குண்டுவெடிப்புகள்
இடம்	அகமதாபாத், குஜராத், இந்தியா
நாள்	ஜூலை 26 2008 18:45 - 19:55[1] (IST)
தாக்குதல் வகை	16[2] அல்ல 17[3] குண்டுவெடிப்புகள்
இறப்பு(கள்)	38[1][4]
காயமடைந்தோர்	110[2]

இந்திய முஜாஹிதீன் என்ற தீவிர குழுமம் இத்தாக்குதலை தாங்களே நடத்தியதாக தமக்கு மின்னஞ்சல்கள் கிடைத்ததாக பல இந்திய தொலைக்காட்சி நிறுவனங்கள் அறிவித்துள்ளன[5][7].

2008 பெங்களூர் தொடர் குண்டுவெடிப்புகள் நடந்த அடுத்த நாள் இத்தாக்குதல் இடம்பெற்றது குறிப்பிடத்தக்கது.

அகமதாபாத் நகரம் குஜராத் மாநிலத்தினதும் இந்தியாவின் மேற்குப் பகுதியின் ஒரு முக்கிய கலாசார, வர்த்தக மையமாகத் திகழ்கிறது. 2002ம் ஆண்டில் குஜராத்தில் முஸ்லிம்களுக்கும் இந்துக்களுக்கும் இடையில் இடம்பெற்ற பெரும் வன்முறைகளில் ஆயிரத்துக்கும் அதிகமானோர் கொல்லப்பட்டனர்.