ബ്ലഡ്‌ഹൗണ്ട്

വലിയ ജനുസ്സ് നായകളിൽ ഒന്നാണ് ബ്ലഡ്‌ഹൗൺട്. ബ്ലഡ്‌ഹൗണ്ടുകൾക്ക് 36 മുതൽ 50 കിലോഗ്രാം വരെ ഭാരവും 23 മുതൽ 27 ഇഞ്ച് വരെ ഉയരവും ഉണ്ടാകും. കറുപ്പ്-ടാൻ,ലിവർ-ടാൻ, ചുവപ്പ് എന്നീ നിറങ്ങളാണ് അംഗീകൃതം.

ബ്ലഡ്‌ഹൗണ്ടുകളുടെ മുഖത്തിന്റെ ആകൃതി എപ്പോഴും വിഷമിച്ചിരിക്കുന്നതുപോലെയാണ്.

മുഖത്തിന്റെ ആകൃതി കണ്ടാൽ എപ്പോഴും വിഷമിച്ചിരിക്കുകയാണെന്ന് തോന്നുമെങ്കിലും ബ്ലഡ്‌ഹൗണ്ടുകൾ വളരെ സന്തോഷഭരിതരും സ്നേഹസമ്പന്നരുമാണ്. പക്ഷെ ഏതെങ്കിലും മണത്തിൽ ആകൃഷ്ടരായാൽ ഇവയെ നിയന്ത്രിക്കാൻ ബുദ്ധിമുട്ടാണ് ഇച്ഛാശക്തി കൂടുതലുള്ള ഈ ജനുസ്സ് യജമാനനെ അനുസരിക്കുന്നതിനേക്കാൾ തന്നെ ആകൃഷ്ടനാക്കിയ മണത്തിന്റെ ഉറവിടം കണ്ടെത്താനായിരിക്കും ശ്രമിക്കുക.