ചെർ‌പ്പുളശ്ശേരി

2001 ലെ കണക്കെടുപ്പനുസരിച്ച് ചെർപ്പുളശ്ശേരിയിലെ ജനസംഖ്യ 30730 ആണ്. ഇതിൽ 14617 പുരുഷന്മാരും 16113 സ്ത്രീകളുമാണ്.[1]

• പട്ടാമ്പി - 17 km തെക്ക് പടിഞ്ഞാറായി.
• ഒറ്റപ്പാലം - 17 km തെക്കായി.
• പെരിന്തൽമണ്ണ - 17 km വടക്ക് പടിഞ്ഞാ‍റായി
• മണ്ണാർക്കാട് - 29 km വടക്ക് വടക്ക്കിഴക്കായി
• കോയമ്പത്തൂർ - 101 km കിഴക്കായി
• കാറൽ‌മണ്ണ - 3 km വടക്കായി
• പാലക്കാട് - 45 km തെക്ക് കിഴക്കായി
• മാങ്ങോട് - 3.5 km കിഴക്കായി
• വെള്ളിനേഴി - 6 km വടക്ക് കിഴക്കായി
• കുറുവട്ടൂർ - 3 km വെള്ളിനേഴിക്ക് കിഴക്കായി
• ഷൊർണ്ണൂർ - 18 km തെക്ക് പടിഞ്ഞാറായി
• കരുമാനാംകുറിശ്ശി - 4 km കിഴക്കായി
• നെല്ലായ - 4 km പടിഞ്ഞാറായി

• പുത്തനാൽക്കാവ് കാളവേല
• അയ്യപ്പൻ കാവ് ഉത്സവം
• ആറെക്കാവ് ഉത്സവം

     ചെർപ്പുളശ്ശേരി,,, 
    ചരിത്രവഴികളിലൂടെ          
  -----------------------
   പാലക്കാട് ജില്ലയിലെ ഒറ്റപ്പാലം താലൂക്കിൽ പെരിന്തൽമണ്ണ, ഒറ്റപ്പാലം, ഷൊർണൂർ,പട്ടാമ്പി എന്നിവിടങ്ങൾക്കിടയിൽ മദ്ധ്യവർത്തിയായി ചെർപ്പുളശ്ശേരി ഗ്രാമംനിലകൊള്ളുന്നു. ഗ്രാമ പഞ്ചായത്ത് ആയിരുന്ന ചെർപ്പുളശ്ശേരി 2015ലെ തദ്ദേശ സ്വയംഭരണ സ്ഥാപനങ്ങളിലേ യ്ക്കുള്ള തിരഞ്ഞെടുപ്പിനോടനു ബന്ധിച്ചാണ് നഗരസഭയായത്.
  പന്നിയംകുറുശ്ശി, ചെർപ്പുളശ്ശേരി ദേശങ്ങൾ കൂടിയതാണ് പണ്ടുകാലത്തെ ചെർപ്പുളശ്ശേരി. വീട്ടിക്കാടു മുതൽ കച്ചേരിക്കുന്നും, പുത്തനാൽക്കലും, നിരപ്പറമ്പും ഇന്നത്തെ ബസ്റ്റൻറ് വരെയുള്ള ഭൂരിഭാഗം ഭൂപ്രദേശവും പന്നിയംകുറുശ്ശിയിലും, കാവുവട്ടവും തെക്കുമുറിയുമട ങ്ങുന്ന ചെറിയ പ്രദേശം ചെർപ്പുളശ്ശേരിയിലുമായിരുന്നു. ഒരു പക്ഷേ ഗതാഗതത്തിന്റേയും, പാതകളുടേയും , സൗകര്യങ്ങളുടേയും മുൻഗണന ലഭ്യമായതുകൊണ്ടാവാം ചെർപ്പുളശ്ശേരിയ്ക്ക് സ്ഥാനമഹിമ കിട്ടിയത്.
    വള്ളുവനാടിന്റെ സാംസ്കാരികമായ പൈതൃകം നിറഞ്ഞുനിന്നിരുന്ന പ്രദേശം എന്നറിയപ്പെടുന്നതിനും മുമ്പ്, AD 1860 വരെ നെടുങ്ങനാടിന്റെ ഭാഗമായിരുന്നു ചെർപ്പുളശ്ശേരി.   സാമൂതിരിപ്പാട് ബ്രിട്ടീഷുകാരുമാ യുണ്ടാക്കിയ ധാരണയിൻ കീഴിൽ നെടുങ്ങനാട് താലൂക്കിനെ വള്ളുവകക്ഷിയുനാടിൽ ലയിപ്പിയ്ക്കുകയായിരുന്നു. ആ നൂറ്റാണ്ടിൽത്തന്നെയാണ് ചെർപ്പുളശ്ശേരിയിൽ റജിസ്റ്റാർ ഓഫീസ് ബ്രിട്ടീഷുകാർ പണിതത്. അതേ കാലഘട്ടത്തിൽ വിളയൂരും തൃത്താലയിലും റജിസ്റ്റാർ ഓഫീസുകളും, കൂറ്റനാട് തുക്കിടി മുൻസിഫ് കോടതിയും സ്ഥാപിച്ചതായി ചില ചരിത്രാന്വേഷികൾ സാക്ഷ്യപ്പെടുത്തുന്നുണ്ട്.

കോഴിക്കോട് പഴയ മദ്രാസ് സംസ്ഥാനത്തിലെ (മലബാർ പ്രവിശ്യയുടെ) തലസ്ഥാനമായിരുന്ന പ്പോൾ ദക്ഷിണമലബാറിന്റെ ഡിവിഷനൽ ആസ്ഥാനം ചെർപ്പുളശ്ശേരിയിലായിരുന്നു . അക്കാലത്തെ കെടിടങ്ങളിൽ ഒരെണ്ണം ഇന്നും ബാക്കിയുള്ളതിലാണ് ചെർപ്പുളശ്ശേരി റജിസ്റ്റ്രാർ ആഫീസ് പ്രവർത്തിക്കുന്നത്. ചരിത്രസ്മാരകമെന്നോണം മനുഷ്യർ വലിക്കുന്ന പങ്ക അക്കാലത്തിന്റെ ശേഷിപ്പായി അവിടെ ഏറെക്കാലം നിലനിന്നിരുന്നു. ഇന്നാ കെട്ടിടം പൊളിച്ചുമാറ്റുകയാണ്.

   1766 ൽ ടിപ്പുവിന്റെ പടയോട്ടം മലബാർ മേഖലയിലൂടെ കടന്നു പോയത് ചെർപ്പുളശ്ശേരിയിലൂടെ യായിരുന്നു. പന്നിയംകുറുശ്ശിയിലേയും കാറൽമണ്ണയിലേയും ക്ഷേത്രങ്ങൾ അതിന്റെ സ്മാരകങ്ങളായി ഈയടുത്ത കാലംവരെ നിലനിന്നിരുന്നതുമാണ്. പട്ടാമ്പിയ്ക്കുത്തുള്ള രാമഗിരിക്കോട്ടയുടെ അവശിഷ്ടങ്ങളും പടയോട്ടവുമായി ബന്ധിപ്പിച്ചു കൊണ്ട് കാണാനാകും.
      ഒറ്റപ്പെട്ട സംഭവങ്ങളല്ലാതെ പൊതുവെ ശാന്തമായ പ്രദേശ മാണിത്.  കൃഷിയും ഭക്തിയ

മാവണം ചെർപ്പുളശ്ശേരിയുടെ കാതൽ. ഗ്രാമപ്രദേശങ്ങളെ സമ്പന്നമാക്കിക്കൊണ്ട് നീണ്ടു പരന്നുകിടന്ന വയലുകളും, ചെർപ്പുളശ്ശേരിയെ ശ്രദ്ധാകേന്ദ്രമാക്കുവാൻ മുഖ്യപങ്കുവഹിച്ച അയ്യപ്പൻകാവും ഒരു വലിയ സംസ്കൃതി തന്നെ പ്രദാനം ചെയ്തിരിയ്ക്കണം. കലയായിരിരിയ്ക്കണം ചെർപ്പുളശ്ശേരിയെ ശ്രദ്ധാകേന്ദ്രമാക്കിയത്; വിശിഷ്യാ ക്ഷേത്രകലകൾ. തായമ്പകയും, മേളവും, പഞ്ചവാദ്യവും, കഥകളിയും കൊണ്ടു നടന്ന കലാകാരന്മാർ .. എഴുത്തിന്റെ വഴികളിൽ ശ്രദ്ധേയരായവർ, ... ഇവർ ഈ നാടിന്റെ പെരുമയുടെ പ്രചാരകരായി. അയ്യപ്പൻകാവുമായി ബന്ധപ്പെട്ടുള്ള ഒരു വികസനമായിരുന്നു തുടക്കമെന്നും ചിന്തിക്കാവുന്നതാണ്. ക്ഷേത്ര ദർശനവുമായി എത്തിച്ചേരുന്നവരുടെ ബാഹുല്യവും, അവർക്ക് അനിവാര്യമായ ചെറിയ ഭക്ഷണശാല - കടകൾ എന്നിവയും, അയ്യപ്പസിന്നിദ്ധിയിലെ വിവാഹം പ്രചാരo നേടിയതോടെ ആദ്യ കല്ല്യാണമണ്ഡപവും പടിപടിയായുള്ള വളർച്ചയായെടുക്കാം. അരനൂറ്റാണ്ടു മുമ്പ്, കിഴക്കേയറ്റത്ത് പുത്തനാൽക്കൽ ക്ഷേത്രത്തിനു ചുറ്റി (മൂന്നും കൂടിയ ഇടം) ആദ്യ ബസ്സ്സ്റ്റാന്റ് സങ്കല്പവും വ്യാപാര സ്ഥാപനങ്ങളും പിച്ചവെച്ചു തുടങ്ങി. ഇവിടങ്ങളിൽ വൈദ്യുതി സർവ്വത്രികമായെത്തുന്നത് 1959 ലാണ്.

   വട്ടിയും കുട്ടയും മുറങ്ങളും കുടയും പരമ്പുകളുമായി അയ്യപ്പൻകാവ് ഉത്സവത്തോടനുബന്ധിച്ച് പുറത്തിറങ്ങുന്ന പറയരും, ആണ്ടറുതികളിലെ രാവുകളിൽ ചെണ്ടയും താളവുമായി നാവോറുമായെത്തുന്ന പാണരുമടക്കം ഒട്ടുമിക്ക ജാതികളും ഇവിടെ അധിവസിച്ചുവരുന്നു. തിറ - പൂതൻ മുതൽ പാനേങ്കളിവരെ ഉൾക്കൊള്ളുന്ന സമൂഹം . ഒടിയും, മാട്ടും - മാരണവും,  അടുത്തകാലംവരെ, ചെറിയ തോതിലെങ്കിലും മനസ്സിൽ കൊണ്ടുനടന്നിരുന്ന ജനവിഭാഗം.
  1921 ലെ കലാപവുമായി ബന്ധപ്പെട്ട് ശിക്ഷിക്കപ്പെടുകയും, കുതിരവണ്ടിയിൽ കെട്ടി കിലോമീറ്റർ വലിക്കേണ്ടിവന്ന തോടെ നിത്യരോഗിയായിത്തീരു കയും ചെയ്ത മോഴിക്കുന്നത്ത് ബ്രഹ്മദത്തൻ നമ്പൂതിരിയും, സുഭാഷ് ചന്ദ്ര ബോസിന്റെ എന്നിവരും അനുയായിയായി, INA യിൽ , സജീവമായി അടർകളത്തിലിറങ്ങിയ പന്നിയംകുറുശ്ശി സ്തുതിക്കാട്ട് കുട്ടികൃഷ്ണൻ നായരും പ്രദേശത്തെ സ്മരണീയരാണ്. കലാലോകത്തെ സംഭാവനകളായ ആലിപ്പറമ്പ് ശിവരാമപ്പൊതുവാളും, വാദ്യകലാ പ്രചാരകനായ ആലിപ്പറമ്പ് കൃഷ്ണപ്പൊതുവാളും, കഥകളിയരങ്ങുകളിൽ സാന്നിധ്യമായ രാമുവാര്യരും, കളരിയിൽ പ്രാഗത്ഭ്യം നേടിയ കൊച്ചുണ്ണി വാര്യരും, സാഹിത്യ ലോകത്തിന് ചെർപ്പുളശ്ശേരിയേയും, ചെർപ്പുളശ്ശേരിയിലെ കലാകാരന്മാരേയും പരിചയപ്പെടുത്തിയ കുറുമാപ്പള്ളി സഹോദരന്മാരും, കുറുംകുഴൽ വിദദ്ധൻ പൂഴിക്കുന്നത്ത് കുട്ടിക്കൃഷ്ണൻ നായരും,  ഫുഡ്ബാളിൽ പ്രഗത്ഭരായ ഹസ്സനുസ്സൻമാരും,  ആദ്യകാല മുൻനിര വ്യാപാരികളായ കാവുവട്ടത്തെ മണിയസ്വാമി, നാരായണസ്വാമി, വെങ്കിച്ചൻ സ്വാമി എന്നിവരും ചെർപ്പുളശ്ശേരിയുടെ ഓർമ്മകളാണ്. മദ്ദളവാദനത്തിലെ ഉന്നതശീർഷനായ ചെർപ്പുളശ്ശേരി ശിവനും, കഥകളിയിലെ പ്രഗത്ഭ നടനും ആചാര്യനുമായ സദനം കൃഷ്ണൻകുട്ടിയും, തെരുവുമായാജാലത്തിലെ (Street magic) മാന്ത്രികനായ ഷംസുദ്ദീനും ഇന്നും നാടിന് അഭിമാനമായി നിലകൊള്ളുന്നു.
  1930-ൽ മഹാത്മാഗാന്ധിയുടെ പാദസ്പർശമേറ്റ ചെർപ്പുളശ്ശേരി ഗവ.ഹൈസ്ക്കൂൾ മാന്തോപ്പും, അക്കാലങ്ങളിൽ, വിദ്യാലയത്തിലെ പ്യൂൺ ആയിരുന്ന രാമനെഴുത്തച്ഛന്റെ നേതൃത്വത്തിൽ, അന്നത്തെ അദ്ധ്യാപകരുടെ മേൽനോട്ടത്തിൽ,   വിദ്യാർത്ഥികൾ നട്ടുപിടിപ്പിച്ച ആൽമരങ്ങളും ചരിത്രസ്മാരകങ്ങളാണ്. ഇന്ന് ഭാരതമൊട്ടാകെ പടർന്നു പന്തലിച്ച് ഭരണയന്ത്രം തിരിയ്ക്കുന്ന 'രാഷട്രീയ സ്വയംസേവക സംഘ'ത്തിന്റെ രണ്ടാമത്തെ സർ സംഘചാലക് മാധവസദാശിവ ഗോൾവർക്കർ രണ്ടു തവണകളിലായി ചെർപ്പുളശ്ശേരിയിൽ 1940-50 കാലഘട്ടങ്ങളിലായി പര്യടനം നടത്തിയിരുന്നു. പ്രധാനമന്ത്രിയായിരിയ്ക്കേ ജവഹർലാൽ നെഹ്റുവും, ഇന്ദിരാഗാന്ധിയും ചെർപ്പുളശേരിയിൽ വന്നിട്ടുണ്ട്.
    നാടിന്റെ ആഘോഷങ്ങളാണ് അയ്യപ്പൻകാവിലെ ദശദിന ഉത്സവവും, പുത്തനാൽക്കൽ കാളവേലയും.  അയ്യപ്പൻകാവിൽ തിരുവാതിരനാളുകളിൽ പുലരും വരെ സ്ത്രീകൾ കൈകൊട്ടിക്കളിച്ചിരുന്നു വെന്ന് അനുബന്ധ രേഖകൾ സൂചിപ്പിയ്ക്കുന്നു. അയ്യപ്പൻകാവിലെ ആദ്യത്തെ ആന 'കുഞ്ചു' ചെരിഞ്ഞപ്പോൾ അതിനെ ദഹിപ്പിച്ച സ്ഥലമായിരുന്നു ഇന്നത്തെ മഞ്ചക്കല്ലിനടുത്തെ ആനപ്പറമ്പ്. പിന്നീടുവന്ന അയ്യപ്പൻകുട്ടിയെന്ന ആനയും, പിള്ളയെന്ന പാപ്പാനും പരസ്പരസ്നേഹത്തിൽ  വിശ്രുതി നേടിയിരുന്നു. പാപ്പാനടക്കം രണ്ടു പേരെ കൊന്ന്  ഇടഞ്ഞോടിയ ആനയെ പാലപ്പുറത്ത് വെടിവെച്ചു കൊല്ലുകയായിരുന്നു.
     ഭൂമിയുടെ അതിർത്തി നിർണ്ണയിച്ച് പരന്നൊരു കല്ലിനു മുകളിലായി ആനവയറിനൊത്ത വലിയൊരു പാറക്കല്ല് കയറ്റി സ്ഥാപിയ്ക്കുന്ന  അടയാളത്തെ യാണ് മഞ്ചക്കല്ല് എന്ന് വിളിച്ചിരുന്നത്. നെല്ലായ്ക്കും ചെർപ്പുളശ്ശേരിയ്ക്കും മദ്ധ്യത്തിലായിട്ടായിരുന്നു മഞ്ചക്കല്ല്.  

ഇന്നും ആ സ്ഥലം മഞ്ചക്കല്ലെന്നറിയപ്പെടുന്നു.. മഞ്ചക്കല്ലുകളും, കാൽനട - കുതിര - കാളവണ്ടി യാത്രക്കാർക്ക് ദാഹം തീർത്ത് വിശ്രമിയ്ക്കാവുന്ന തണ്ണീർ പന്തലുകളും, തലച്ചുമടുമായി പോകുന്നവർക്ക് പരസഹായമില്ലാതെ ചുമടിറക്കി വിശ്രമിച്ചുപോകാവുന്ന അത്താണികളും ഇന്ന് അദൃശ്യമായിക്കഴിഞ്ഞിട്ടുണ്ടെങ്കിൽ പോലും ആ പേരുകൾ സ്ഥലനാമങ്ങളായി പലയിടങ്ങളിലും നിലനില്ക്കുന്നതായി കാണാം.

   2001-ലെ സെൻസെസ് പ്രകാരം  ചെർപ്പുളശ്ശേരിയിലെ ജനസംഖ്യ  14617 പുരുഷന്മാരും 16113 സ്ത്രീകളുമാണ് 30730 ആയിരുന്നു. ഒരു ഗവർമ്മെന്റ് ആശുപത്രിയും, 19-ാം നൂറ്റാണ്ടിന്റെ മദ്ധ്യപാദങ്ങളിൽ പത്ത് നാഴിക ചുറ്റളവിൽ ഉണ്ടായിരുന്ന ഗവ.ഹൈസ്കൂളും (ഇപ്പോൾ ഹയർ സെക്കണ്ടറിയും, വൊക്കേഷണൽ ഹയർ സെക്കണ്ടറിയുമായി വളർന്ന് വികസിച്ച വിദ്യാലയം), പട്ടാമ്പി റോഡിൽ പണ്ട് ഗേൾസ് സ്ക്കൂളായി പിന്നീട് മിക് സഡ് ആയ വിദ്യാലയവുമടക്കം സർക്കാർ - എയ് ഡഡ് അൺ എയ്ഡഡ് മേഖലയിൽ ഇരുപതിലേറെ വിദ്യാഭ്യാസ സ്ഥാപനങ്ങൾ ഇവിടെ പ്രവർത്തിയ്ക്കുന്നു. സ്വകാര്യ മേഖലയിൽ പ്രൊഫഷണൽ കോളേജുകളും ചെർപ്പുളശ്ശേരിയ്ക്കായുണ്ട്. 

ദേശസാൽകൃതവും സ്വകാര്യ സംരഭകത്വത്തിലുള്ളതുമായ ബാങ്കുകൾ, സബ്ബ് ട്രഷറി, ആയുർവ്വേദ - ഹോമിയോ ഡിസ്പെൻസറി, മൃഗാശുപത്രി എന്നിവയും കാലങ്ങളായി ഇവിടെ പ്രവർത്തിച്ചുവരുന്നു.

   ഫുഡ്ബാളും, സ്പോർട്സും ചെർപ്പുളശ്ശേരിക്ക് അന്നുമിന്നും അരുമയാണ്. രാഷ്ട്രീയമായ ചേരിതിരിവുകൾക്കപ്പുറം ഒരു സ്നേഹബന്ധം ഇവിടത്തെ ജനങ്ങൾക്കിടയിലുണ്ട് എന്നു തന്നെ വേണം അനുമാനിക്കാൻ. വള്ളുവനാടിന്റെ മുഴുവൻ സംസ്കൃതിയും ചെർപ്പുളശ്ശേരിയ്ക്ക് അവകാശപ്പെടാമെന്ന് തോന്നുന്നു.
       തയ്യാറാക്കിയത്
       പ്രകാശ്കുറുമാപ്പള്ളി

• ചെർപുളശ്ശേരി ഗവൺമെന്റ് ആശുപത്രി [2]
• മാങ്ങോട് മെഡിക്കൽ കോളേജ്[3]
• ശങ്കർ ഹോസ്പിറ്റൽ പ്രൈവറ്റ് ലിമിറ്റഡ്
• ചെർപുളശ്ശേരി കോ-ഓപറേറ്റീവ് ആശുപത്രി

• ഗവൺമെന്റ് ഹയർസെക്കണ്ടറി സ്കൂൾ, ചെർപുളശ്ശേരി
• എ.എം.എൽ.പി സ്ക്കൂൾ ചെർപ്പുളശ്ശേരി നോർത്ത് കച്ചേരിക്കുന്ന്.
• വിവേകാനന്ദ വിദ്യാനികേതൻ (up. സ്ക്കൂൾ)
• എൻ.എൻ.എൻ.എം.യു.പി. സ്കൂൾ
• കുറ്റിക്കോട് ഇംഗ്ലീഷ് മീഡിയം സെൻട്രൽ സ്കൂൾ[4]
• ചെർപുളശ്ശേരി ഇംഗ്ലീഷ് മീഡിയം സെൻട്രൽ സ്കൂൾ, ശബരി സെൻട്രൽ സ്കൂൾ എന്നായി ഇപ്പോൾ പേര് മാറ്റിയിട്ടുണ്ട്.

• കോളേജ് ഓഫ് സയൻസ് ആന്റ് ടെക്നോളജി ഫോർ വുമൺ, ചെർപുളശ്ശേരി.[5]
• ഐഡിയൽ ക്യാമ്പസ് ഓഫ് എഡ്യുക്കേഷൻ[6]
• മലബാർ പോളിടെക്നിക്ക് കോളേജ്[7]
• കേരള മെഡിക്കൽ കോളേജ് [8]
• എം,ഇ.എസ് കോളേജ്, ചെർപുളശ്ശേരി [9]

3. നെടുങ്ങനാട് ചരിത്രം, എസ്. രാജേന്ദു, 2012

വിക്കിമീഡിയ കോമൺസിലെ Cherpulassery എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്.