ഇർഷാദ്
മലയാളചലച്ചിത്രനടനും ടെലിവിഷൻ അഭിനേതാവുമാണ് ഇർഷാദ്. ടെലിവിഷൻ സീരിയലുകളിലൂടെയാണ് ഇദ്ദേഹം അഭിനയരംഗത്തെത്തിയത്.[1]
തൃശ്ശൂർ ജില്ലയിൽ കേച്ചേരി അബ്ദുവിന്റെയും നഫീസയുടേയും അഞ്ചുമക്കളിൽ മൂന്നാമനായി ജനിച്ചു. സ്‌കൂൾ-കോളേജ് കാലഘട്ടത്തിൽ പല നാടകങ്ങളിലും അഭിനയിച്ചിരുന്നു. 1998-ൽ പ്രണയവർണ്ണങ്ങൾ എന്ന ചിത്രത്തിലൂടെയാണ് ചലച്ചിത്രമേഖലയിൽ പ്രവേശിച്ചത്. സഹനടനായി പ്രവർത്തിക്കുന്ന ഇർഷാദ് ഭക്തജനങ്ങളുടെ ശ്രദ്ധയ്ക്ക് എന്ന ചിത്രത്തിലെ നായകകഥാപാത്രത്തെ അവതരിപ്പിച്ചിരുന്നു. ടി.വി. ചന്ദ്രൻ, പി.ടി. കുഞ്ഞുമുഹമ്മദ്, പ്രിയനന്ദനൻ, ഡോ. ബിജു, മധു കൈതപ്രം തുടങ്ങിയ സംവിധായകരോടൊപ്പം ചലച്ചിത്ര രംഗത്ത് പ്രവർത്തിച്ചു.[1]
അഭിനയിച്ച ചലച്ചിത്രങ്ങൾ
- ദൃശ്യം
- കാറ്റും മഴയും
- മറിയം മുക്ക്
- പൊട്ടാസ് ബോംബ്
- പുണ്യാളൻ അഗർബത്തീസ്
- പെയിന്റിങ് ലൈഫ്
- പുള്ളിപ്പുലികളും ആട്ടിൻകുട്ടിയും
- ശിക്കാർ
- ഇന്ത്യൻ റുപ്പി
- ലെഫ്റ്റ് റൈറ്റ് ലെഫ്റ്റ്
- മെമ്മറീസ്
- ദ്രോണ
- കോക്ടെയ്ൽ
- ഭക്തജനങ്ങളുടെ ശ്രദ്ധയ്ക്ക്
- പാഠം ഒന്ന് ഒരു വിലാപം
- നെയ്ത്തുകാരൻ
- പരദേശി
- പുലിജന്മം
- കഥാവശേഷൻ
- വീട്ടിലേക്കുള്ള വഴി
- സൂഫി പറഞ്ഞ കഥ
- മദ്ധ്യവേനൽ
- പ്രണയവർണ്ണങ്ങൾ
പുരസ്കാരങ്ങൾ
മാധവം എന്ന ടെലിവിഷൻ സീരിയലിലൂടെ സംസ്ഥാന സർക്കാരിന്റെ മികച്ച ടി.വി. സഹനടനുള്ള പുരസ്കാരം നേടി.[1] ക്രിട്ടിക്‌സ് അവാർഡുൾപ്പെടെ മറ്റുചില പുരസ്‌കാരങ്ങളും നേടിയിട്ടുണ്ട്.
അവലംബം
- "ഇനി ഞാനൊരു പുള്ളിപ്പുലി". മാതൃഭൂമി. 2013 ഒക്ടോബർ 24. ശേഖരിച്ചത്: 2013 ഒക്ടോബർ 24.
This article is issued from
Wikipedia.
The text is licensed under Creative
Commons - Attribution - Sharealike.
Additional terms may apply for the media files.