چندرا بابو نائڈو

نارا چندرا بابو نائڈو : (پیدائش : 20 اپریل، 1950ء) ہندوستانی سیاست دان، آندھر پردیش کے سابق وزیراعلیٰ اور تیلگو دیشم پارٹی کے صدر ہیں۔ وہ 20 اپریل 1950ءکو چتور ضلع میں پیدا ہوئے۔ تعلیم کے دوران میں ہی وہ سیاست میں کود پڑے۔ سنہ 1978ء میں وہ چندراگیری اسمبلی حلقے سے کانگریس کے ٹکٹ پر انتخابات میں کامیاب ہوئے اور وزیر بنائے گئے۔ سنہ 1983ء میں انتخاب ہارنے کے بعد انہوں نے کانگریس پارٹی چھوڑ دی اور اپنے سسُر ین ٹی راماراؤ کی تیلگو دیشم پارٹی میں شامل ہو گئے۔ سنہ 1995ء میں اپنے سسُر کی پارٹی کے منتخب امیدواروں کو علاحدہ کرنے میں کامیاب رہے اور کافی توڑ جوڑ کے بعد وزیراعلیٰ بن گئے۔ سنہ 1999ء میں وہ بی جے پی اتحاد کے ساتھ صوبائی انتخابات میں اترے اور جیت حاصل کر کے وزیراعلیٰ کی کرسی بچا لی۔ لیکن 2004ء کے انتخابات میں ان کی پارٹی کو شکست ہوئی۔ اس وقت ان پر آئی ٹی کے چکر میں گاؤں کو بھلانے کے الزام لگے۔ وہ آئی ٹی سے شغف رکھنے والے رہنما کے طور پر جانے جاتے ہیں۔

چندرا بابو نائڈو
(تیلگو میں: నారా చంద్రబాబు నాయుడు)
، ، ، ،
تیرہویں وزیر اعلیٰ آندھرا پردیش
مدت منصب 8 جون 2014 – 23 مئی 2019
گورنر
نلاری کرن کمار ریڈی وائی ایس جگن موہن ریڈی
مدت منصب 1 ستمبر 1995 – 13 مئی 2004
گورنر
ین۔ٹی۔راماراؤ وائی یس راجشیکھر ریڈی
معلومات شخصیت
پیدائش	20 اپریل 1950 (69 سال)[1]
رہائش	حیدرآباد، دکن، تلنگانہ
شہریت	بھارت
مذہب	ہندو مت
جماعت	تیلگو دیشم [2] انڈین نیشنل کانگریس [3]
اولاد	نارا لوکیش
عملی زندگی
مادر علمی	جامعہ سری وینکٹیشورا [4]
تعلیمی اسناد	ماسٹر آف آرٹس
پیشہ	سیاست دان [5]
مادری زبان	تیلگو
پیشہ ورانہ زبان	تیلگو ، انگریزی
ویب سائٹ
ویب سائٹ	باضابطہ ویب سائٹ

2014ء کے عام اسمبلی انتخابات میں پھر سے تیلگو دیشم پارٹی ان کی قیادت میں بی جے پی جمگھٹ سے کامیاب ہوئی۔ حالانکہ بی جے پی کی مدد یا جمگھٹ کی ضرورت نہیں تھی، پھر بھی چندر بابو نائڈو دور اندیشی سے کام لے کر انتخابات جیتنے میں کامیاب رہے۔