نصر اللہ خان دریشک

سابق چیف وہب، سابق وزیر اور سابق رکن قومی اسمبلی سردار نصر اللّٰہ خان دریشک اس وقت حلقہ پی پی۔249 سے پنجاب اسمبلی کے رکن ہیں۔ سابق وزیر خزانہ پنجاب حسنین خان دریشک سابق ضلعی ناظم راجن پور اور رکن پنجاب اسمبلی علی رضا دریشک کے والد ہیں۔ سردارنصراللہ دریشک ولد سردار بہادر خان دریشک 28جون 1942ء کو کوٹ بہادر ،ضلع راجن پور میں پیدا ہوئے ۔آپ نے 1962ء میں گورنمنٹ کالج لاہور سے گریجوایشن کی ۔پنجاب یونیورسٹی لاء کالج لاہور سے 1964ء میں ایل ایل بی کیا اور پنجاب یونیورسٹی ،لاہور سے 1966 میں ایم اے کیا ۔آپ 1972-77، 1977، 1985-88،1988-90 اور 1990-93کے دوران متواتر پانچ بار رکن صوبائی اسمبلی پنجاب رہے اور1973-75کے دوران بطور وزیر خوراک و کوآپریٹو ز ،1975-77کے دوران بطور وزیر برائے اریگیشن اینڈ پاور ، 1988-90کے دوران بطور وزیر آبپاشی ، قانون و پارلیمانی امور اور 1991-93کے دوران بطور وزیر برائے منصوبہ بندی و ترقیات اور قانون و پارلیمانی امور خدمات سرانجام دیں ۔آپ 1997-99 اور 2002-07کے دوران قومی اسمبلی کے رکن بھی رہے اور 2004-07کے دوران چیف وہپ کے طور پر فرائض سرانجام دئیے ۔آپ زمیندار اور صنعتکار ہیں جو 2013 کے عام انتخابات میں چھٹی بار رکن پنجاب اسمبلی منتخب ہوئے ہیں ۔آپ سعودی عرب ، دبئی ،چین ، برطانیہ ،فرانس اور جاپان کا سفر کر چکے ہیں ۔ آپ کے والد گرامی سردار بہادر خاں دریشک 1947-49 کے دوران رکن قانون ساز اسمبلی مغربی پنجاب ،1951-55کے دوران رکن قانون ساز اسمبلی پنجاب اور 1956-58کے دوران رکن صوبائی اسمبلی مغربی پاکستان رہے ۔آپ کے بڑے فرزند ،سردار حسنین بہادر دریشک 2002-07کے دوران پنجاب اسمبلی کے رکن رہے اوربطور وزیر خزانہ فرائض سرانجام دئیے ۔آپ کے دوسرے فرزند بیرسٹر سردار علی رضا دریشک اورآپ کے پوتے سردار احمد علی خان دریشک بالترتیب پی پی ۔247 اور پی پی ۔243 سے موجودہ ایم پی ایز ہیں ۔ طارق دریشک اور امان اللہ دریشک بھی ان کی قوم کے ہیں، 2018ء کے عام انتخابات میں نصراللہ دریشک نے 73225 ووٹ لیے اور پی ٹی آئی کی طرف سے کامیاب ہوئے، ان کے مد مقابل آزاد امیدوار حفیظ الرحمٰن خان دریشک نے 64565 ووٹ حاصل کئے،