شیخین

شیخ وقت کے امام اورپیشوائے دین کے لیے استعمال ہوتا ہے شیخین دوپیشواؤں کے لیے استعمال ہوتا ہے۔ مؤرخین،اہل عقائداور صحابہ کرام میں شیخین سے مراد ابوبکر صدیق اور عمرفاروق ہیں۔
محدثین کی اصطلاح میں شیخین سے مراد امام بخاری وامام مسلم ہیں۔
اصطلاح فقہا احناف میں شیخین سے مراد اما م ابوحنیفہ اوران کے شاگرد امام ابو یوسف ہیں۔ متاخرین شافعیہ کے نزدیک شیخین سے مرادامام رافعی اور امام نووی ہیں متقدمین شافعیہ کے نزدیک اس سے مراد ابو حامد احمد بن محمد اسفرائینی اورقفال عبد اللہ بن احمد مروزی ہیں۔[1] [2] فقہ میں شیخین سے مراد امام ابو حنیفہ اور امام ابو یوسف ہیں۔ صاحبین سے مراد امام ابو یوسف اور امام محمد ہیں اور طرفین میں امام ابو حنیفہ اور امام محمد ہیں۔ خلفاء راشدین میں ابوبکر صدیق اور عمر فاروق کو شیخین کہتے ہیں جبکہ عثمان غنی اور علی المرتضی کو خَتنَین کہتے ہیں۔ یار رہے یہ اصطلاحات شرعی نہیں ہیں، عرف خاص میں علما کی اصطلاحات ہیں جو بالعموم عوام کو معلوم نہیں ہیں۔http://www.thefatwa.com/urdu/questionID/2673/ فقہ مالكی میں شیخین سے مراد القیروانی ابو محمد عبد الله بن ابو زيد القيروانی اور القابسی ابو الحسن علی القابسی ہوتے ہیں فقہ شافعی میں شیخین سے مراد الرافعیعبد الكريم بن محمد الرافعی اورالنوویابو زکریا یحی بن شرف النووی ہوتے ہیں فقہ حنبلی میں شیخین سے مرادالموفق موفق الدين بن قدامہ المقدسی اورالمجد مجد الدين عبد السلام بن تيمیہ ہوتے ہیں[3]