سید محمد بقا شاہ

آپ کی ولادت 1135ھ میں ہوئی۔

آپ کے مورث اعلیٰ سید علی مکی (المتوفیٰ 520ھ) تبلیغ دین کے سلسلہ میں مکہ معظمہ سے سندھ تشریف لائے اور اس کے بعد ہمیشہ دین کی خدمت میں سارا خاندان مشغول رہا ۔

آپ سید محمد امام شاہ کے ہاں پیدا ہوئے۔ آپ نے مختلف اساتذہ سے فیض حاصل کیا اور 1135ھ میں تحصیل علم سے فارغ ہوئے۔

تحصیل علم کے بعد آپ تبلیغ دین کی طرف متوجہ ہوئے۔ آپ کا اصل گاؤں رسول پور شہرتھا جس کو عرف میں "چھوٹی سائیدی" ضلع خیرپور کہتے تھے لیکن بعد میں آپ فرید آباد گوٹھ رحیم ڈنو کلہوڑو واقع فریدآباد ضلع خیرپور آ گئے۔ جو نہایت ہی باکمال اولیاء میں مقتدا و پیشوا اورطریقہ قادریہ و نقشبندیہ کے مجمع البحرین تھے۔ قادری طریقہ کامل مکمل پیرسید عبد القادر جیلانی حسینی ساکن کوٹ سدھانہ سے حاصل کیا اور یہ جھنگ سیال ضلع میں ہے جو اب چناہ شریف کہلاتی ہے اور سلسلہ نقشبندیہ محی السنۃ امام الامۃ مخدوم محمد اسماعیل پریاں لوء شریف والے سے حاصل کیا۔

آپ کے بیٹوں کی کل تعداد 18 بتائی جاتی ہے۔ آپ کی اولاد میں سے 4 بیٹے بہت مشہور ہوئے۔

• 1. قدوۃ اہلِ صفا مقتدائے عارفان خدا سید عبد الرسول
• 2. پیشوائے اہلِ تسلیم پیرسید محمد سلیم شاہ
• 3. قدوۃ العارفین خازن اسرار ربانی محبوب سبحانی مجدد دین یزدانی سید محمد راشد شاہ روزہ دھنی
• 4. اور فرزند چہارم تاج الاصفیاء زین الاولیاء میاں سید علی مرتضیٰ شاہ

آپ کو کتابوں کا بے حدشوق تھا۔ آپ کتابوں کی گٹھریاں اپنے ساتھ رکھتے تھے۔ ایک دفعہ ایک ایسے ہی سفرمیں ڈاکوؤں نے ان کتابوں کو مال سمجھ کر لوٹنا چاہا اور حملہ کر کے آپ کو شہید کر دیا۔ آپ کی شہادت کا یہ واقعہ 1198ھ میں پیش آیا آپ کی عمراس وقت 63 سال کی تھی۔ آپ کی قبر شیخ طیب قبرستان ریاست ضلع خیرپورسندھ میں ہے۔[1]