ابتدائی تعلیم گاؤں ہی کے اسکول میں حاصل کی۔ پھر عربی تعلیم کے لیے جامعہ دارالسلام عمر آباد میں داخلہ لے کر 1954ء میں فضیلت کا کورس مکمل کیا۔ اسی دوران مدراس یونیورسٹی کے امتحانات بھی دیے اور فارسی زبان وادب کی ڈگری ’منشی فاضل‘ حاصل کی۔

علی گڑھ مسلم یونیورسٹی سے بی اے (اونلی انگلش) پرائیوٹ سے پاس کیا۔

• آپ جماعت اسلامی ہند کے صدر ہیں
• آل انڈیا مسلم پرسنل لا بورڈ کے نائب صدر ہیں۔
• الہیئۃ الخیریۃ العالمیۃ کے سابق رکن بھی رہ چکے ہیں۔
• جامعۃ الفلاح بلریا گنج اعظم گڑھ کے شیخ الجمعہ ہیں۔

اس کے علاوہ درج ذیل عہدے آپ کے سپرد ہیں.

• مینیجنگ ڈائرکٹر سراج العلوم نسواں کالج علی گڑھ۔
• ممبر مسلم مجلس مشاورت
• صدر اشاعت اسلام ٹرسٹ دہلی
• صدر دعوت ٹرسٹ
• رکن اسلامک پبلیکیشنز

وغیرہ۔

بیرون ملک کے مختلف دینی اداروں اور تنظیموں کی دعوت پر مولانا سعودی عرب، کویت، متحدہ عرب امارات، ایران،ترکی، برطانیہ، پاکستان اور نیپال کے سفر کرچکے ہیں۔

جماعت اسلامی ہند کے شعبۂ تصنیف وتالیف (موجودہ ادارۂ تحقیق وتصنیف اسلامی) سے وابستہ ہوکر علمی وتصنیفی خدمات انجام دیں۔ اب تک شائع ہونے والی کتابوں کی تعداد تین درجن کے قریب ہے۔ مولانا کے بہت سے مضامین اور مقالات جرائد و رسائل کی زینت بنتے رہتے ہیں بعض مقالات تو اہل علم میں بطور خاص مقبول ہوئے اور ماہر القادری اور مولانا ابو الحسن علی ندوی جیسے بلند پائے عالم دین نے اس پر مبارک باد پیش کی اور اپنی پسندیدگی کا اظہار کیا۔