سی++

سی++ (تلفظ:سی پلس پلس) عمومی مقاصد کی حامل پروگرامنگ زبان ہے جو سی پروگرامنگ زبان کی توسیع سے وجود میں آئی ہے۔ یہ پروگرامنگ زبان آبجیکٹ اوریئنٹڈ، امپیریٹو اور جینیرک خصوصیات کی حامل ہے۔ بیان سٹروسٹروپ (Bjarne Stroustrup) نے 1979ء میں اے ٹی اینڈ ٹی بیل لیباریٹریز (AT&T Bell Labs) میں سی پروگرامنگ زبان کو بہتر بنانے کے لیے اس میں اضافے کے دوران سی++ پروگرامنگ زبان کو تیار کیا تھا۔ شروع میں سی++ کو "کلاسز کے ساتھ سی" (C with classes) کہا جاتا تھا کیونکہ اس میں سی زبان کی تمام خصوصیات کے ساتھ کلاسز کا تصور بھی تھا۔ 1983ء میں اسے سی++ کا نام دیا گیا۔

سی++
پیراڈائم Multi-paradigm: procedural, functional, آبجیکٹ اوریئنٹڈ, generic[1]
اشاعت 1983 (1983)
ڈیزائنر بیان سٹروسٹروپ
مستحکم اشاعت ISO/IEC 14882:2014 (15 دسمبر 2014 (2014-12-15))
شعبہ تحریر Static, nominative, partially inferred
اہم اطلاقات LLVM Clang, GCC, مائیکروسافٹ وژیول سی++, Embarcadero C++Builder, انٹیل سی++ کمپائلر, آئی بی ایم ایکس ایل سی++
متاثر ایڈا, ALGOL 68, [[سی]], CLU, ML, سیمولا
موثر Ada 95, سی#,[2] سی99, Chapel,[3] ڈی, جاوا,[4] Lua, پرل, پی ایچ پی, پائیتھن, رسٹ, Nim[حوالہ درکار]
اطلاقی زبان C++
فائل کی توسیع .cc .cpp .cxx .C .c++ .h .hh .hpp .hxx .h++
ویب سائٹ isocpp.org
C++ Programming بر ویکی کتب

ہائیر لیول لینگوئج اور لوئیر لیول لینگوئج کی خصوصیات کی حامل ہونے کے باعث اسے انٹرمیڈیٹ لیول لینگوئج بھی کہا جاتا ہے۔

سی++ سے کئی پروگرامنگ زبانیں ​متاثر ہیں جیسے کہ سی شارپ، ڈی، جاوا اور سی زبان کا نیا ورژن۔ بہت سے فروخت کنندہ، سی پلس پلس کمپائلر فراہم کرتے ہیں جیسے کہ فری سوفٹویر فاؤنڈیشن، انٹیل، مائیکروسافٹ اور آئی بی ایم۔

تاریخ

1979ء میں پی ایچ ڈی کے تھیسس پر کام کے دوران سیمولا پروگرامنگ زبان بیان سٹروسٹروپ کے زیر استعمال تھی۔ سیمولا وہ پہلی پروگرامنگ زبان تھی جس میں آبجیکٹ اورینٹڈ پروگرامنگ کی خصوصیات موجود تھیں، جو سوفٹویر ڈیویلپمینٹ کے لیے نہایت مفید ہے۔ لیکن یہ زبان عملی طور پر بہت سست روی سے کام کرتی تھی۔ لہذا انہوں نے کلاسز کے ساتھ سی پر کام شروع کیا جس کا مقصد سی زبان میں آبجیکٹ اورینٹڈ خصوصیات کا اضافہ تھا۔

کلاسز کے ساتھ سی کا پہلا کمپائلر سی فرنٹ (Cfront) تھا جسے 1993ء تک استعمال کیا جاتا رہا۔ 1983ء میں کلاسز کے ساتھ سی کو سی++ کا نام دیا گیا اور اس کا پہلا ایڈیشن 1985ء میں منظر عام پر آیا۔ 1989ء میں سی++2.0 پیش کیا گیا اور 1991ء میں اس ایڈیشن کو اپ گریڈ کیا گیا۔ 1998ء میں سی++ معیارات کمیٹی نے آئیسو کے لیے سی++ کا پہلا بین الاقوامی معیار جاری کیا جسے سی++98 کہا جاتا ہے۔ 2003ء میں سی++ کا نیا معیار جاری کیا گیا۔ 2011ء میں سی++11 معیار جاری کیا گیا جس میں کئی نئے فیچرز متعارف کروائے گئے۔ دسمبر 2014ء میں چند ایک تبدیلیوں کے ساتھ سی++14 پیش کیا گیا۔

حوالہ جات
  1. Bjarne Stroustrup۔ "1"۔ The C++ Programming Language (اشاعت Third۔)۔ آئی ایس بی این 0-201-88954-4۔ او سی ایل سی 59193992۔
  2. Naugler، David (May 2007). "C# 2.0 for C++ and Java programmer: conference workshop". Journal of Computing Sciences in Colleges 22 (5). "Although C# has been strongly influenced by Java it has also been strongly influenced by C++ and is best viewed as a descendant of both C++ and Java.".
  3. "Chapel spec (Acknowledgements)" (پی‌ڈی‌ایف)۔ Cray Inc۔ 2015-10-01۔ اخذ شدہ بتاریخ 2016-01-14۔
  4. Harry. H. Chaudhary (28 جولا‎ئی 2014)۔ "Cracking The Java Programming Interview :: 2000+ Java Interview Que/Ans"۔ مورخہ 25 دسمبر 2018 کو اصل سے آرکائیو شدہ۔ اخذ شدہ بتاریخ 29 مئی 2016۔
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.