روون اٹکنسن

اٹکنسن ، چار بھائیوں میں سب سے کم عمر ہیں۔ وہ Consett, کاؤنٹی ڈرہم ، انگلینڈ میں 6 جنوری 1955ء کو پیدا ہوئے۔[11][12][13][14]

اس کے والد ایرک اٹکنسن ایک کسان اور کمپنی کے ڈائریکٹر تھے۔انھوں نے ا یلا مے سے 29 جون 1945ء کو شادی کی۔[14] ان کے تین بڑے بھائی پال (جن کا شیرخواری میں انتقال ہو گیا)، راڈنے ، (ایک Eurosceptic ماہر اقتصادیات جو 2000ء میں برطانیہ آزادی پارٹی کی قیادت کے انتخابات ہار گئے تھے)، اور روپرٹ ہیں۔[15][16]

اٹکنسن انگلیکان خاندان[17] میں پلے بڑھے اور ابتدائی تعلیم ڈرہم کوریسٹرز اسکول میں حاصل کی جبکہ بعد میں سینٹ بیز اسکول، اور نیو کیسل یونیورسٹی میں زیر تعلیم رہے۔ موخر الذکر ادارے سے انھوں نے الیکٹریکل انجینئری میں سند حاصل کی۔[18] 1975ء میں انھوں نے الیکٹریکل انجینئری میں ایم ایس سی (MSc) کی سند کے لیے کوئنز کالج ، آکسفورڈ میں داخلہ لیا۔ یہ وہی تعلیمی ادارہ ہے جہاں ان کے والد نے  1935ء میں میٹرک کیا تھا،[19] اور جس نے اٹکنسن کو 2006ء میں اعزازی فیلو بنایا۔[20]

اگست 1976ء میں ایڈنبرا فرنچ فیسٹیول کے موقع پر اوکسفرڈ ریوو میں انھیں پہلی بار قومی پیمانے پر توجہ حاصل ہوئی۔[18] تب تک وہ اوکسفرڈ میں کئی شوز کے لیے ابتدائی خاکے تحریر اور پیش کرچکے تھے۔