آگستس
آکیٹوین آگسٹس روم کا شہنشاہ، جولیس سیزر کی بہن کا پوتا تھا۔ باپ کی وفات کے بعد جولیس سیزر نے اسے اپنا بیٹا اور وارث بنا لیا۔ سیزر کے قتل 44 ق۔ م پر روم آیا اور مارک انتھونی کے ساتھ مل کر مجلس ارباب ثلاثہ بنائی۔ 42 ق۔ م میں آینٹنی سے مل کر بروٹس کو شکست دی۔ 40 ق۔ م میں اپنی بہن اوکٹاویا کی شادی انتھونی سے کی۔ بعد میں انتھونی سے بھی ٹھن گئی۔ چھوٹی چھوٹی لڑائیوں کے بعد آخر 31 ق۔ م میں مارک انتھونی اور قلوپطرہ کو شکست دی۔ 27 ق۔ م میں رومن سینٹ کی طرف سے آگسٹس (واجب التعظیم) کا خطاب پایا۔ زرعی اصلاحات کیں اور چند مفید قوانین بھی نافذ کیے۔ اس کے دور کو لاطینی ادب کا سنہری دور کہا جاتا ہے۔ ورجل ہوریس اور لیوی جیسے عظیم شعرا اس کے ہمعصر تھے۔ وہ خود بھی ادیب تھا۔ یسوع مسیح اس کے عہد میں پیدا ہوئے۔ اگست کا مہینہ اسی کے نام سے منسوب ہے۔
آگستس Augustus | |||||
---|---|---|---|---|---|
![]() آگستس | |||||
پہلا شہنشاہ رومی سلطنت | |||||
معیاد عہدہ |
16 جنوری 27 قبل مسیح – 19 اگست 14 عیسوی (40سال) | ||||
پیشرو | کوئی نہیں | ||||
جانشین | تیبیریس | ||||
شریک حیات |
| ||||
نسل |
| ||||
| |||||
خاندان | جولیو کلاڈیوی خاندان | ||||
والد |
| ||||
والدہ | Atia Balba Caesonia | ||||
پیدائش |
Gaius Octavius 23 ستمبر 63 قبل مسیح روم، رومی جمہوریہ | ||||
وفات |
19 اگست عیسوی 14 (عمر 75) نولا، اطالیہ، رومی سلطنت | ||||
تدفین | مقبرہ آگسٹس، روم | ||||
مذہب | رومی بت پرستی |

اولاد
اگستس کا کوئی بیٹا نہیں تھا۔ ایک بھتیجا اور دو پوتے اس کی زندگی میں ہی مر گئے۔ سوتیلے بیٹے ٹیبریس کو گود لیا اور اپنا جانشین مقرر کیا۔ یہ شاہی سلسلہ زیادہ دیر نہیں چلا، اس میں کالیگولا اور نیرو بھی شامل تھے۔
![]() |
ویکی کومنز پر آگستس سے متعلق سمعی و بصری مواد ملاحظہ کریں۔ |