மலபார் சாம்பல் இருவாச்சி

மலபார் சாம்பல் இருவாச்சி என்பது இந்தியாவின் மேற்குத் தொடர்ச்சி மலைகளிலும் அதனையொட்டிய தென்னிந்திய மலைப்பகுதிகளிலும் மட்டுமே காணப்படும் இருவாச்சி இனத்தைச் சேர்ந்த ஒரு பறவை. இப்பறவைகள் நீண்ட அலகினைக் கொண்டிருந்தாலும் மற்ற இருவாச்சிகளில் காணப்பபடும் அலகிற்கு மேலுள்ள புடைப்பு காணப்படுவதில்லை. இவை அடர்ந்த காடுகளிலும் அதனைச்சுற்றியுள்ள இரப்பர், பாக்குத் தோட்டங்களிலும் காணப்படுகின்றன. இப்பறவைகள் சிறு கூட்டமாக வாழும். பழங்கள், மற்றும் பூச்சிகளே இவற்றின் முதன்மையான உணவு. எளிதில் அடையாளங்கண்டுகொள்ளத் தக்கவகையில் இவை ஒலி எழுப்புகின்றன.

மலபார் சாம்பல் இருவாச்சி
Female with dark base of lower bill (தட்டெகாடு, கேரளம்)
Male in Kerala, India
காப்பு நிலை
தீவாய்ப்புக் கவலை குறைந்த இனம்  (IUCN 3.1)[1]
உயிரியல் வகைப்பாடு
திணை:	விலங்கு
தொகுதி:	முதுகுநாணி
வகுப்பு:	பறவை
வரிசை:	கோராசீபோர்மெஸ்
குடும்பம்:	இருவாய்ச்சி
பேரினம்:	Ocyceros
இனம்:	O. griseus
இருசொற் பெயரீடு
Ocyceros griseus (Latham, 1790)
வேறு பெயர்கள்
Tockus griseus Lophoceros griseus

இனப்பெருக்கத்திற்காக தனியாக கூடுகள் கட்டும் பழக்கம் இப்பறவைக்கு கிடையாது. மரத்தின் பொந்துகளில் பெண்பறவை முட்டையிடச் சென்றவுடன் அதன் பாதையை எச்சில் கொண்டு மூடிவிடும். குஞ்சு பொரிக்கும் வரை பெண்பறவை வெளியில் வராது. பெண் பறவைக்கான உணவை ஆண்பறவை மரப்பொந்தில் காணப்படும் சிறு துளையின் வழியாகவே கொடுத்துச்செல்லும். [2]