மத்திய வளர்ச்சி பிராந்தியம், நேபாளம்

இப்பிராந்தியத்தில் நேபாள மொழி, போஜ்புரி மொழி, லிம்பு மொழி மற்றும் ராஜ்பன்சி, குரூங், நேவாரி மொழி, ராய் மொழி, தமாங் மொழி, செபாங் மொழி, சுனுவார் மொழி, திபெத்திய மொழி, மஹர் மொழி, மைதிலி மொழி மற்றும் உருது மொழி பேசும் இந்துக்கள், இசுலாமியர்கள், பௌத்தர்கள், கிறித்தவர்கள், சமயம் சாராத கிராந்தி மக்கள் போன்ற பழங்குடி மலைவாழ் மக்கள் வாழ்கின்றனர்.

மத்திய வளர்ச்சி பிராந்தியமும் மூன்று விதமான புவியியல் பகுதிகளைக் கொண்டது. வடக்கில் இமயமலை பகுதிகளும், நடுவில் மலைப்பாங்கான பகுதிகளும், தெற்கில் தராய் சமவெளி பகுதிகளையும் கொண்டுள்ளது. மத்திய வளர்ச்சி பிராந்தியம் கடல் மட்டத்திலிருந்து 60 மீட்டர் முதல் 6,000 மீட்டர் உயரம் வரை பரவியுள்ளது. கிழக்கிலிருந்து மேற்காக தராய் சமவெளிகள் அமைந்துள்ளது.

மத்திய வளர்ச்சி பிராந்தியம் கடல் மட்டத்திலிருந்து 60 மீட்டர் முதல் 6,000 மீட்டர் உயரம் வரை பரவியுள்ளதால், இதன் தட்ப வெப்பம் கீழ் வெப்ப மண்டலம், மேல் வெப்ப மண்டலம், மிதவெப்ப வளையம், மிதமான காலநிலை, மான்ட்டேன்#ஆல்ப்ஸ் மலைத் தாழ்வாரத்திற்குரிய காலநிலை, துருவப் பகுதிப் பாலைவன காலநிலை, வெண்பனி படர்ந்த பகுதிகள் என ஏழு நிலைகளில் காணப்படுகிறது. [1] [2]

ஜனக்பூர் மண்டலத்தில் தனுஷா மாவட்டம், மகோத்தரி மாவட்டம், சர்லாஹி மாவட்டம், சிந்துலி மாவட்டம், ராமேச்சாப் மாவட்டம் மற்றும் தோலகா மாவட்டம் என ஆறு மாவட்டங்கள் உள்ளது.

பாக்மதி மண்டலத்தில் பக்தபூர் மாவட்டம், தாதிங் மாவட்டம், காத்மாண்டு மாவட்டம், காப்ரேபலாஞ்சோக் மாவட்டம், லலித்பூர் மாவட்டம், நுவாகோட் மாவட்டம், ரசுவா மாவட்டம், சிந்துபால்சோக் மாவட்டம் என எட்டு மாவட்டங்கள் அடங்கியுள்ளது.

நாராயணி மண்டலத்தில் பாரா மாவட்டம், பர்சா மாவட்டம், ரவுதஹட் மாவட்டம், சித்வன் மாவட்டம், மக்வான்பூர் மாவட்டம் என ஐந்து மாவட்டங்கள் அமைந்துள்ளது.