கொலவை ஏரி

கொலவை ஏரியின் காலை நேர ரம்மியமான தோற்றம்

இந்த ஏரியானது சென்னையில் இருந்து சுமார் 60 கி.மீ. தொலைவில் அமைந்திருக்கிறது. சென்னையிலிருந்து தென் தமிழகத்திற்கு செல்லும் அனைவரும் கண்டுகளிக்கும் வகையில் சாலையில் அருகிலேயே அமைந்துள்ளது. சென்னையிலிருந்து 1 மணி நேரத்தில் பேருந்தில் செல்லலாம்.

இதன் அருகில் பரனூர் மற்றும் செங்கல்பட்டு தொடர் வண்டி நிலையங்கள் அமைந்துள்ளன. இதன் வழியாக தென்தமிழகத்திற்கு செல்லும் தொடருந்துகள் அனைத்தும் இயக்கப்படுகின்றன.

எப்போதும் நீர் நிறைந்து காணப்படும் இவ்வேரி தற்போது தண்ணீர் குறைந்து காணப்படுகிறது. இதற்குக் காரணம் ஏரியை ஆக்கிரமித்து கட்டிடங்களை கட்டி வருவதாலும், பலர் இதன் அருகில் தொழிற்சாலைகளைக் கட்டுவதாலும் ஆகும்.

சென்னையில் கோடைக் காலத்தில் ஏற்படும் தண்ணீர் பற்றாக்குறையை சமாளிக்கவும், தொழிற்சாலைகளின் தேவையை பூர்த்தி செய்யவும் இந்த ஏரியிலிருந்து தண்ணீர் எடுக்கப்படுகிறது.

ஒரு சுற்றுலாத் தலமாக இந்த ஏரி விளங்குகிறது.