சா டின் மாவட்டம்

சா ட்டின் புதிய நகரம் கடல்நிரப்பு திட்டத்தின் கீழ் பெறப்பட்ட நிலப்பரப்பின் மேற்கொள்ளப்படும் கட்டுமாணப் பணிகளின் காட்சி

இந்த மாவட்டம் சா ட்டின் புதிய நகரம் மற்றும் பல தேசிய வனங்களையும் உள்ளடக்கி கிட்டத்தட்ட 70 மீட்டர்களை கொண்டுள்ளது. அத்துடன் இம்மாவட்டத்தில் கடலுடன் இணைந்த சா டின் ஹொய் எனும் ஒரு சிறிய குடாப்பகுதியின் (பார்ப்பதற்கு ஒரு ஆறு அல்லது கால்வாய் போல் காட்சித்தரும் நீர்ப்பரப்பு) கரைப்பகுதிகள் பாரிய மீள்கட்டுமாணப் பணிகள் மூலம் நிலம் நிரப்பப்பட்டும், அதன் தொடர்ச்சியாக சிங் மூன் கால்வாய் நீர்ப்பரப்பின் கரைகளும் நிரப்பப்பட்டு பெறப்பட்ட நிலப்பரப்பில் அதியுயர் அழகிய வீட்டுத் தொகுதிகள் கட்டப்பட்டுள்ளன. 1970 ஆம் ஆண்டளவில் கிட்டத்தட்ட 30,000 மக்கள் தொகை மட்டுமே வசித்த இப்பகுதியில், 1976 ஆம் ஆண்டு இந்த பாரிய நிலம் மீட்டல் திட்டத்தின் கீழ் கட்டப்பட்ட வீட்டுத் தொகுதிகளின் பின்னர் மக்கள் பெருகத்தொடங்கினர். இத்திட்டத்தின் கீழ் "சா டின்" நகரில் கட்டப்பட்ட முதல் வீட்டுத் தொகுதியின் பெயர் லெக் யுன் தோட்டம் என்பதாகும். இந்த வீட்டுத் தொகுதி கட்டுமாணப்பணியின் பின்னர் தற்போது இந்த மாவட்டத்தின் மொத்த மக்கள் தொகையில் 65% வீதமானோருக்கு இந்த வீட்டுத் தொகுதிகள் வசிப்பிடமானது. ஹொங்கொங் அரசின் ஒரு திட்டமான குத்தகைக்கு வீடளித்தல் திட்டம் அல்லது வீட்டு உரிமையாளர் திட்டம் ஊடாக வீடுகள் பொது மக்களுக்கு வழங்கப்பட்டு சா ட்டின் புதிய நகரம் மக்கள் தொகை நிரம்பி வழியும் ஓரிடமாகியது. அத்திட்டத்தின் தொடர்ச்சியாக மா ஒன் சான் பகுதியும் விரிவாக்கம் பெற்று கிட்டத்தட்ட 640,000 மக்கள் இன்று வசிக்கின்றனர். இந்த நிலப்பரப்பு விரிவாக்கத் திட்டத்தின் ஊடாக பெறப்பட்ட நிலப்பரப்பின் அளவு கிட்டத்தட்ட 20 கிலோ மீட்டர்களாகும்.

சா ட்டின் சிங் மூன் கால்வாய் மற்றும் புதிய விட்டு தொகுதிகளின் ஒரு பக்கக் காட்சி

டய் வாய் கிராமம் எனும் கிராமம் ஹொங்கொங்கின் பழமையான சுவர் கிராமங்களில் ஒன்றாகும். இந்த கிராமம் 1574 ஆம் ஆண்டு தோற்றம் பெற்றதாக அறியமுடிகிறது. இன்று புதிய நகர் அங்காடி மற்றும் சா ட்டின் மத்திய வீதி போன்றன அமைக்கப்பட்டிருக்கும் இடங்களிலேயே அவை முன்னாள் இருந்தன.

சா ட்டின் இரண்டாம் திரள் துணைக்கோள் நகரம் எனப்படுகின்றது. அத்துடன் புதிய கட்டுப்பாட்டகம் பகுதியில் கடல் பரப்பை நிரப்பி நிலவிரிவாக்கம் செய்யப்பட்ட பாரிய திட்டங்களில் ஒன்றாகும்.

இத்திட்டத்தின் கிளைத்திட்டங்களாக நான்கு நகரங்கள் இம்மாவட்டத்தில் உருவாக்கப்பட்டுள்ளன. அவைகளாவன:

• டாய் வாய்
• போ டான்
• சியு லெக் யுன்
• செக் மூன்

அத்துடன் ஹொங்கொங்கின் சைனீசு பலகலைக்கழகம் இம்மாவட்டத்திலேயே உள்ளது. இம்மாவட்டத்தில் உள்ள சா ட்டின் பூங்கா உல்லாசப் பயணிகள் கூடும் இடங்களில் ஒன்றாகும்.

பென்போல்ட் பூங்கா எனும் ஹொங்கொங்கில் இரண்டாவது பெரிய குதிரை பந்தைய மைதானம் இம்மாவட்டத்தில் உள்ளது.

இம்மாவட்டத்திலேயே அதிகமான தொடருந்தகங்கள் உள்ளன. கிழக்கு தொடருந்து வழிக்கோடு தொடருந்து வழிக்கோடு இம்மாவட்டத்தின் ஊடாக ஐந்து தொடருந்தகங்களையும், மா ஒன் சான் வழிக்கோடு ஒன்பது தொடருந்தகங்களையும் கொண்டுள்ளது.

கிழக்கு தொடருந்து வழிக்கோட்டில் உள்ள தொடருந்தகங்கள்:

• எம்டிஆர் பல்கலைக்கழக நிறுத்தகம்
• டாய் வாய் தொடருந்தகம்
• சா ட்டின் தொடருந்தகம்
• போ டான் தொடருந்தகம்
• குதிரைச்சவாரி தொடருந்தகம்

மா ஒன் சன் வழிக்கோட்டில் உள்ள தொடருந்தகங்கள்:

• டாய் வாய் தொடருந்தகம்
• சீ குங் கோயில் தொடருந்தகம்
• சா டின் வாய் தொடருந்தகம்
• நகரம் ஒன்று தொடருந்தகம்
• செக் மூன் தொடருந்தகம்
• டாய் சுயி ஹங் தொடருந்தகம்
• ஹெங் ஒன் தொடருந்தகம்
• மா ஒன் சான் தொடருந்தகம்
• வூ காய் சா தொடருந்தகம்

இந்த தொடருந்து சேவைகளின் வலைப்பின்னலின் பரப்பளவு கிட்டத்தட்ட 50 கிலோ மீட்டர்களாகும். இது ஹொங்கொங்கின் தொடருந்து வலைப்பின்னலின் அடிப்படையில் மிகவும் நீளமான ஒரு வலைப்பின்னலாகும்.

இந்த மாவட்டத்தின் வீட்டுத்தொகுதிகளின் தோற்றத்தின் பின்னர் மக்களின் வருகை அதிகரிப்பால் மேலும் பாரிய திட்டங்கள் பல ஹொங்கோங் அரசால் மேற்கொள்ளப்பட்டன. புதிதாக பல பாதைகள் நிர்மாணிக்கப்பட்டன. மேம்பாலங்கள் மற்றும் அதிவேகப்பாதைகளும் அதில் உள்ளடங்கும்.

சிறுவர் பாடசாலைகள் அல்லாமல் பெரிய பாடசாலைகள் 14 இம்மாவட்டத்தில் உள்ளன.

இம்மாவட்டத்தில் நான்கு மருத்துவமனைகள் உள்ளன.

• இளவரசர் வேல்ஸ் மருத்துவமனை
• சா ட்டின் மருத்துவமனை
• சேசையர் மருத்துவமனை
• ஐக்கிய மருத்துவமனை

இம்மாவட்டத்தில் சுற்றுலாப் பயணிகள் மற்றும் உள்ளூர் உல்லாசப் பயணிகள் போன்றோரை கவர்ந்திழுக்கும் இடங்கள் பல உள்ளன. 12 காட்சியங்களைக் கொண்ட ஹொங்கொங் மரபுரிமை அருங்காட்சியகம் இம்மாவட்டத்திலேயே உள்ளது என்பதும் குறிப்பிடத்தக்கது.

• சா ட்டின் குதிரை பந்தய மைதானம்
• சீ குங் கோயில் (யப்பானியப் பண்பாட்டு வகைக் கோயில்)
• டாவோ பங் சான்
• அமாஹ் பாறை
• சாங் டய் அக் (
• சிங்கக் கூடாரம்
• புதிய நகர அங்காடி
• பத்தாயிரம் புத்தர் மடாலயம்
• சிங் மூன் கால்வாய்
• சிங்கப் பாறை
• சா ட்டின் பூங்கா
• பென்போல்ட் பூங்கா
• சா ட்டின் நகர மண்டபம்
• சுனூப்பியின் உலகம்

• சா ட்டின் புதிய நகரம்
• டாய் வாய்
• மா வொன் சான்
• போ டான்
• சியு லெக் யுன்
• மா லியு சுயி

ஒங்கொங்:விக்கிவாசல்

• Sha Tin District Council
• List and map of electoral constituencies (large PDF file)
• Sha Tin New Town
• Prince of Wales Hospital
• Chinese University of Hong Kong
• Hong Kong Heritage Museum
• Hong Kong Tourist Board's Sha Tin website