ஐரோ வலயம்

ஐரோ வலயம்
Eurozone 2015
	ஐரோவை ஏற்றுக் கொண்ட ஆனால் ஐரோ வலயத்தில் இல்லாத நாடுகள்
நாணயம்	ஐரோ
ஒன்றிய வகை	பொருளியல் மற்றும் பணவியல் ஒன்றியம்
தோற்றம்	1999
உறுப்பினர்கள்	19
ஆட்சி முறை
அரசியல் அமைப்பு	ஐரோ குழுமம்
குழுமத் தலைவர்	ஜான்-க்ளாட் ஜங்கர்
வழங்குரிமை	ஐரோப்பிய மத்திய வங்கி (ஈசிபி)
ஈசிபி தலைவர்	ஜான்-க்ளாட் திரிஷே
சார்பு	ஐரோப்பிய ஒன்றியம்
புள்ளி விவரம்
மக்கள் தொகை	328,597,348
மொத்த உள்நாட்டு உற்பத்தி (பி. பி. பி)	€8.4 டிரில்லியன்[1]
வட்டி விகிதம்	1%[2][3]
பணவீக்கம்	0.3%[4]
வேலைவாய்ப்பின்மை	10%[5]
வாணிப நிலை	€22.3 பில்லியன் மிகை[6]

ஐரோ வலயம் (Eurozone; ஒலிப்பு , யூரோசோன்) ஐரோ நாணய முறையை மட்டும் தங்களின் தனி நாணய முறையாக ஏற்றுக் கொண்ட பதினாறு ஐரோப்பிய ஒன்றிய (ஐ. ஒ.) நாடுகளின் பொருளியல் மற்றும் நாணவியல் ஒன்றியமாகும். இது அதிகாரப்பூர்வமாக ”ஐரோ பகுதி” (ஆங்கிலம்: Euro Area) என்றழைக்கப்படுகிறது.

தோற்றம்

ஐரோப்பிய ஒன்றியத்தின் பல உறுப்பினர் நாடுகள் இருபதாம் நூற்றாண்டின் பிற்பகுதியிலிருந்தே பொருளியல், வணிக நடவடிக்கைகளில் ஒருங்கிணைந்து செயல்பட்டு வந்துள்ளன. ஐ. ஒ. நாடுகளுக்கு பொது நாணய முறை ஒன்றை உருவாக்க நீண்ட நாட்களாக முயன்று வந்தன. 1990களில் அதற்கான திட்ட அளவைகள் வரையறுக்கப்பட்டன. ”ஐரோ ஒன்றுசேர்தல் திட்ட அளவைகள்” (Euro Convergence Criteria) என்று பெயரிடப்பட்ட அந்த அளவைகள் 1992ல் கையெழுத்தான மாஸ்டிரிக்ட் ஒப்பந்தத்தில் இடம் பெற்றிருந்தன. இதனால் மாஸ்ட்ரிக்ட் அளவைகள் என்று வழங்கப்படுகின்றன. இவையாவன:

1. பணவீக்க விகிதம் ஒரு நாட்டின் பணவீக்கம், ஐ. ஒ. நாடுகளில் குறைந்த பணவீக்கத்தை கொண்டுள்ள மூன்று நாடுகளின் பணவீக்க விகிதங்களின் சராசரியை விட 1.5 சதவிகிதப் புள்ளிகள் வரை அதிகமாக இருக்கலாம். இந்த அளவைத் தாண்டக் கூடாது.

2. அரசின் நிதி நிலைமை

அ. ஆண்டுப் பற்றாக்குறை : ஒரு நாட்டின் ஆண்டுப் பற்றாக்குறை மொத்த உள்நாட்டு உற்பத்தியில் 3% மேலிருக்கக் கூடாது (முந்தைய நிதியாண்டில்).

ஆ. அரசின் கடன் சுமை: ஒரு நாட்டின் கடன் சுமை மொத்த உள்நாட்டு உற்பத்தியில் 60% மேலிருக்கக் கூடாது (முந்தைய நிதியாண்டில்).

3. நாணய மாற்று வீதம் ஐரோ நாணய ஒன்றியத்தில் சேர விரும்பும் நாடுகள், அதற்கு முன்னர் குறைந்த பட்சம் இரு ஆண்டுகளுக்காவது ஈ. ஆர். எம். II. என்றழைக்கப்படும் ஐரோப்பிய நாணயமாற்று இயங்கமைப்பில் உறுப்பினர்களாக இருந்திருக்க வேண்டும். அக்காலகட்டத்தில் அவை தமது நாணயங்களின் மதிப்பைக் குறைத்திருக்கக் கூடாது.

4. நீண்டகால வட்டி விகிதம் ஒரு நாட்டின் நீண்டகால வட்டிவிகிதம் ஐ. ஒ. நாடுகளில் குறைந்தபட்ச பணவீக்கமுடைய மூன்று நாடுகளின் வட்டி விகிதத்தை விட 2 விழுக்காட்டுப் புள்ளிகள் வரை அதிகமாக இருக்கலாம். இந்த அளவை தாண்டக் கூடாது.

1998இல் பதினோரு ஐ. ஒ. நாடுகள் இந்த அளவைகளின்படி தேர்ச்சி பெற்றிருந்தன. இவை சனவரி 1, 1999 முதல் ஐரோ பொது நாணயமுறைக்கு மாறின. இதன் மூலம் ஐரோ வலயம் உருவானது. பின்னர் கிரேக்கம் 2000லும் சுலோவீனியா 2007லும் சைப்பிரசு, மால்டா 2008லும் சுலொவாக்கியா 2009லும் தேர்ச்சிபெற்று ஐரோ வலயத்தில் இணைந்தன.

விரிவாக்கம்

வேறுபட்ட ஐரோப்பிய அமைப்பின் பல்தேசியங்களுக்கிடையிலான உறவுகளைக் காட்டும் சொடுகக்கூடிய வரைபடம்.v • d • e

ஐரோ வலயத்தில் உள்ள நாடுகள் தவிர இன்னும் பல ஐ. ஒ. உறுப்பினர் நாடுகளும் ஐரோவைப் பயன்படுத்தி வருகின்றன. இவற்றுள் தங்கள் நாணய முறை புழக்கத்திலுள்ள போது ஐரோவையும் பயன்படுத்தும் நாடுகளும் அடக்கம். இன்னும் பல நாடுகள் ஐ. ஒ. உறுப்பினர்களாக இருப்பினும் ஐரோவைப் பயன்படுத்துவதில்லை. இத்தகைய நாடுகள் அனைத்தும் வருங்காலத்தில் ஐரோ வலயத்தில் இணைந்து விடும் என்று பரவலாக எதிர்பார்க்கப்படுகிறது. ஆனால் தற்போது எசுட்டோனியாவைத் தவிர எந்த நாடும் ஐரோ வலயத்தில் இணையும் தேதியைத் தெளிவாக அறிவிக்கவில்லை. எசுட்டோனியா 2011ல் ஐரோ வலயத்தில் இணைந்தது.

டென்மார்க், ஐக்கிய இராச்சியம் போன்ற நாடுகள் ஐரோ வலயத்தில் இணைவதற்கான முழுத்தகுதி பெற்றிருந்தாலும் அரசியல் காரணங்களால் இன்னும் இணையவில்லை. இந்நாடுகளில் நிலவும் அரசியல் நிலவரம் காரணமாக பொதுக்கருத்து தேர்தல் நடத்தி, அதில் பெரும்பாலானோர் இசைந்தாலே அவை ஐரோ வலயத்தில் இணைய முடியும். 2008 பொருளியல் நெருக்கடி பல நாடுகளை ஐரோ வலயத்தில் இணையத் தூண்டியது. கடினமான பொருளியல் சூழ்நிலைகளில் ஐரோ நாணய முறை தரும் பாதுகாப்பே இதற்குக் காரணம். டென்மார்க், போலந்து, லாட்வியா ஆகிய நாடுகள் ஐரோ வலயத்தில் இணைய அப்போது ஆர்வம் காட்டின. ஆனால் இரு ஆண்டுகளில் பொருளியல் நிலை சற்று சீராகி உள்ளதால், அவை சேரும் முயற்சிகளில் முனைப்பு காட்டுவதை நிறுத்திக் கொண்டன. பொருளியல் வீழ்ச்சியால் பெரும் கடன்சுமைக்குள்ளாகி ஐரோ வலய நாடுகளிடம் கையேந்தும் நிலைக்குத் தள்ளப்பட்ட ஐசுலாந்து மட்டும் இன்னும் முயற்சி செய்து வருகிறது.

நிருவாகம்

ஈ. சி. பி தலைவர் ஜான்-க்ளாட் திரிஷே

ஐரோ வலயத்தின் பணவியல் கொள்கை, ஐரோப்பிய மத்திய வங்கி (ஈ. சி. பி) மற்றும் ஐரோப்பிய மத்திய வங்கிகள் அமைப்பு ஆகிய இரு அமைப்புகளால் நிருவகிக்கப்படுகிறது. இவற்றுள் பின்னது ஐரோ வலய உறுப்பினர் நாடுகளுடைய மத்திய வங்கிகளின் கூட்டமைப்பாகும். ஐரோவின் வடிவமைப்பு மற்றும் வழங்குரிமை, வங்கித்தாள் அச்சிடல் மற்றும் நாணய வார்ப்பு போன்ற பொறுப்புகள் ஐரோப்பிய மத்திய வங்கியிடம் ஒப்படைக்கப்பட்டுள்ளன. இவ்வங்கியின் தற்போதைய தலைவர் ஜான்-க்ளாட் திரிஷே. இவ்வமைப்புகளைத் தவிர ஐரோ வலயத்தின் அரசியல் சார்பாளராகச் செயல்பட ஐரோ குழுமம் என்றொரு அமைப்பு உருவாக்கப்பட்டுள்ளது. ஐரோ வலய நாடுகளின் நிதி அமைச்சர்கள் இக்குழுவின் உறுப்பினர்களாவர். இதன் தற்போதைய தலைவர் ஜான்-க்ளாட் ஜங்கர்.

உறுப்பினர்கள் பட்டியல்

தற்போதைய ஐரோ வலயம் (19)

ஐரோ வலயத்தில் சேர கட்டாயம் இருக்கும் ஐ. ஒ. நாடுகள் (7)

ஐரோ வலயத்தில் சேர கட்டாயமில்லாத ஐ. ஒ. நாடுகள் (1 - யூ.கே), ஐரோ வலயத்தில் சேர பொது வாக்கெடுப்பு நடத்தப் போகும் நாடுகள் (1 - டென்மார்க்)

ஐரோப்பிய ஒன்றித்தில் இல்லாத ஆனால் ஐரோவை வழங்கும் உரிமை பெற்ற நாடுகள் (4)

ஐரோப்பிய ஒன்றியத்தில் இல்லாத ஆனால் ஐரோவைப் பயன்படுத்தும் நாடுகள் (2)

	உறுப்பினர்கள்	சேர்ந்த தேதி	மக்கள் தொகை	விதிவிலக்கு
	ஆத்திரியா	சனவரி 1, 1999	7006835670700000000♠83,56,707
	பெல்சியம்	சனவரி 1, 1999	7007107410480000000♠1,07,41,048
	சைப்ரசு	சனவரி 1, 2008	7005801622000000000♠8,01,622	வட சைப்பிரசு[7]
	பின்லாந்து	சனவரி 1, 1999	7006532511500000000♠53,25,115
	பிரான்சு	சனவரி 1, 1999	7007641051250000000♠6,41,05,125	நியூ கலிடோனியா[8] பிரெஞ்சு பொலினீசியா [8] வலிசும் புட்டூனாவும்[8]
	செருமனி	சனவரி 1, 1999	7007820622490000000♠8,20,62,249
	கிரேக்க நாடு	சனவரி 1, 2001	7007112625390000000♠1,12,62,539
	அயர்லாந்து	சனவரி 1, 1999	7006451775800000000♠45,17,758
	இத்தாலி	சனவரி 1, 1999	7007600904300000000♠6,00,90,430	காம்பியோன் டி இடாலியா[9]
	லக்சம்பர்க்	சனவரி 1, 1999	7005491702000000000♠4,91,702
	மால்டா	சனவரி 1, 2008	7005412614000000000♠4,12,614
	நெதர்லாந்து	சனவரி 1, 1999	7007164811390000000♠1,64,81,139	அரூபா[10] நெதர்லாந்து அண்டிலிசு [11]
	போர்த்துகல்	சனவரி 1, 1999	7007106318000000000♠1,06,31,800
	சுலோவாக்கியா	சனவரி 1, 2009	7006541106200000000♠54,11,062
	சுலோவீனியா	சனவரி 1, 2007	7006205339300000000♠20,53,393
	எசுப்பானியா	சனவரி 1, 1999	7007458530450000000♠4,58,53,045
	எசுத்தோனியா	சனவரி 1, 1999	7006134012700000000♠13,40,127
	லாத்வியா	சனவரி 1, 2014	7006229100000000000♠22,91,000
	லித்துவேனியா	சனவரி 1, 2015	7006357543900000000♠35,75,439
ஐ. ஓ	மொத்தம்		7008336781716000000♠33,67,81,716

மேற்கோள்கள்

ஐரோ வலயத்தின் பணவியல் கொள்கையை முடிவு செய்யும் ஐரோப்பிய மத்திய வங்கி, பிராங்க்ஃபுர்ட்

The euro: An international currency, Europa (web portal)
WORLD INTEREST RATES TABLE, FX street
Key ECB interest rates, ECB
HICP - all items - annual average inflation rate Eurostat
Harmonised unemployment rate by gender - total - [teilm020]; Total % (SA) Eurostat
For the whole of 2009. Euroindicators 17 February 2010, Eurostat
The self-declared Turkish Republic of Northern Cyprus is not recognised by the EU and uses the Turkish lira. However the euro does circulate widely.
French Pacific territories use the CFP franc.
Uses Swiss franc. However the euro is also accepted and circulate widely.
Aruba uses the Aruban florin. It is part of the Kingdom of the Netherlands, but not EU.
The Netherlands Antilles uses the Antillean guilder. It is part of the Kingdom of the Netherlands, but not the EU. The guilder typically followed the US dollar, but the Netherlands Antilles is to be dissolved with some islands becoming part of the EU. The future currency situation is unclear.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[Europa_GDP_etc.-1] The euro: An international currency, Europa (web portal)

[2] WORLD INTEREST RATES TABLE, FX street

[interest_rates-3] Key ECB interest rates, ECB

[4] HICP - all items - annual average inflation rate Eurostat

[5] Harmonised unemployment rate by gender - total - [teilm020]; Total % (SA) Eurostat

[6] For the whole of 2009. Euroindicators 17 February 2010, Eurostat

[7] The self-declared Turkish Republic of Northern Cyprus is not recognised by the EU and uses the Turkish lira. However the euro does circulate widely.

[CFP_note-8] French Pacific territories use the CFP franc.

[9] Uses Swiss franc. However the euro is also accepted and circulate widely.

[10] Aruba uses the Aruban florin. It is part of the Kingdom of the Netherlands, but not EU.

[11] The Netherlands Antilles uses the Antillean guilder. It is part of the Kingdom of the Netherlands, but not the EU. The guilder typically followed the US dollar, but the Netherlands Antilles is to be dissolved with some islands becoming part of the EU. The future currency situation is unclear.