ஐப்போபுரோமசு அமிலம்

தண்ணீருடன் புரோமினைச் சேர்க்கும் போது விகிதச்சிதைவு முறையில் ஐப்போபுரோமசு அமிலமும் ஐதரோபுரோமிக் அமிலமும் உருவாகின்றன.

Br2 + H2O HOBr + HBr

ஐப்போபுரோமசு அமிலம் 8.65 அளவை காடித்தன்மை எண்ணாகப் (pKa = 8.65) பெற்றுள்ளது. எனவே காடித்தன்மை சுட்டெண் 7 (pH 7) அளவுள்ள நீரில் மட்டுமே இது பகுதியாகப் பிரிகையடைகிறது. அமிலத்தைப் போலவே ஐப்போபுரோமைட்டு உப்புகளும் நிலைப்புத் தன்மையில்லாமல் உள்ளன. மெதுவாக இவை விகிதச் சிதைவுக்கு உள்ளாகி தொடர்புடைய புரோமேட்டு மற்றும் புரோமைட்டுகளாக சிதைகின்றன.

3BrO−(aq) → 2Br−(aq) + BrO−3(நீர்க்கரைசல்)

பல நோய்க்காரணி செல்களை அழிக்கும் தன்மை கொண்டிருப்பதால் வெளுப்பாக்கி, ஆக்சிசனேற்றி, நாற்றம் நீக்கி, நச்சுக் கொல்லி என்று பல்வேறு பயன்களை இச்சேர்மம் பெற்றுள்ளது.வெப்ப இரத்தப் பிராணிகளில் உள்ள ஈசனோபில்களில் இவ்வமிலம் உற்பத்தி செய்யப்படுகிறது. . ஈசனோபில் பெராக்சிடேசு என்ற நொதி புரோமினைப் பயன்படுத்தி[1] ஐப்போபுரோமசு அமிலத்தை உருவாக்குகிறது. சூடான தொட்டிகளிலும் நீரூற்றுகளிலும் புரோமைடும் ஒரு கிருமி நாசினியாகப் பயன்படுத்தப்படுகிறது. ஒரு ஆக்சிசனேற்றும் முகவரின் உதவியால் ஈசனோபில்களிலுள்ள பெராக்சிடேசு போலச் செயல்பட்டு ஐப்போபுரோமைட்டை இது உருவாக்குகிறது.

ஓரின வேதிப்பொருளான ஐப்போகுளோரசு அமிலத்துடன் சேர்த்துப் பயன்படுத்தினால் மிகவும் பயனுள்ளதாக இருக்கிறது.