உலகில் அழிந்து போன நகரங்கள்

அழிந்து போன நகரங்கள் ஆழிப்பேரலை, பூகம்பம், எரிமலைச் சீற்றங்கள், புயற்காற்று,நெருப்பு போன்ற இயற்கை சீற்றங்களால் அழிந்து மண்ணுக்குள்ளோ அல்லது கடலுக்குள்ளோ புதைந்து போயுள்ளன.சில நகரங்கள் போர்,நோய் போன்ற காரணிகளாலும் அழிந்து போயின.

தொல்பொருள் ஆரய்ச்சியாளர்கள் மற்றும் புவியியல் வல்லுனர்களால் பல்வேறு புதிய உத்திகள் மூலம் அழிந்து போன நகரங்கள் கண்டறிய படுகிறது.

மச்சு பிச்சு (Machu Picchu) என்பது இன்கா பேரரசு காலத்தைய வரலாற்றுச் சிறப்பு மிக்க ஒரு பழைய நகரம் ஆகும்.[1]. இது பெரு நாட்டில் உருபாம்பா பள்ளத்தாக்கின் மேலுள்ள மலைத் தொடரில் கஸ்கோ நகருக்கு வடமேற்கே காணப்படுகிறது. மச்சு பிச்சு நகரம் 1450 ஆம் ஆண்டளவில் இன்கா பேரரசின் ஆட்சி உச்சத்தில் இருந்தபோது அமைக்கப்பட்டது.[2]. 100 ஆண்டுகளின் பின்னர் 1572 ஆம் ஆண்டில் எசுப்பானியர்களின் ஆக்கிரமப்பைத் தொடர்ந்து இந்நகரம் அழிந்தது.[2][3]. எசுப்பானிய ஆக்கிரமிப்பாளர்கள் வருவதற்கு முன்னரேயே இந்நகரத்தின் மக்கள் இங்கு பரவிய பெரியம்மை நோய் காரணமாக அழிக்கப்பட்டனர் என்ற கருத்தும் உண்டு.

ஹேலைக் (Helike) நகரம் கிரீசு நாட்டில் கி.மு. 373 ஆம் ஆண்டு பூகம்பம் மற்றும் ஆழிப்பேரலையின் ஒரு சேர்ந்தத் தாக்கத்தினால் அழிந்துப் போனது.அன்றையக் காலத்தில் இந்நகரம் ஒரு கலாச்சார வழிப்பாட்டுத் தளமாக இருந்தது.[4]

அழிந்து போன நகரங்களில் ஒரு சில நகரங்கள் புராதன நகரங்கள் ஆகும்.

• ஆயி - (Ai) என்னும் நகரம் விவிலியத்தில் குறிப்பிடப்படுகின்ற ஒரு முக்கிய இடம் ஆகும்.
• சொதோம் கொமோரா
• இரம் நகரம் – அரேபிய பாலைவனத்தில் ஆது சமுதாயத்தினர் வாழ்ந்த புதையுண்ட நகரம் இரம் நகரம் ஆகும்.அது தற்போது உபர் என்றழைக்கப் படுகிறது.[5]
• கேம்லாட் நகரம்
• அட்லாண்டிஸ் நகரம் - ஏதன்ஸ்
• அசுட்லான் நகரம்- அசுடெக் புராண கால மூதாதையர் தாயகம்.
• சீசர்களில் நகரம் - தென் அமெரிக்கா
• எல் டொராடோ நகரம்
• கிட்டேக் நகரம், ரஷ்யா - நீருக்கடியில் இருப்பதாக கூறப்படும் நகரம். நல்ல காலநிலையில் காணலாம்
• லியோனோசி நகரம்
• ஒடுகன் நகரம் - துருக்கி
• ஷாம்பலா நகரம்
• வினெடா நகரம் – போலந்து