இரா. செல்வக்கணபதி

இரா. செல்வக்கணபதி (1940 - மார்ச் 2, 2016) தமிழறிஞரும், தமிழ்ப் பேராசிரியரும், பேச்சாளரும், எழுத்தாளரும் ஆவார். சைவசமயக் கலைக்களஞ்சியம் எனும் பெருந்தொகுப்பு நூலை வெளியிட்டவர்.[1]

வாழ்க்கைச் சுருக்கம்

தமிழ்நாடு, மயிலாடுதுறையைச் சேர்ந்த[2] இரா. செல்வகணபதி திருவாரூரில் 1940-ஆம் ஆண்டு பிறந்தார்.[3] தருமபுரம் ஆதீனம் கலைக் கல்லூரியில் படித்துப் பட்டம் பெற்றார்.[3] சென்னைப் பல்கலைக்கழகத்தில் 1965 ஆம் ஆண்டில் தமிழ் வித்துவான் பட்டம் பெற்றார். பின்னர், முதுகலை, முனைவர் பட்டங்களும் பெற்றார்.[2] தருமபுரம் ஆதீனம் கலைக் கல்லூரியில் 25 ஆண்டுகள் பேராசிரியராகப் பணியாற்றினார். 1992 முதல் 94 வரை அக்கல்லூரியின் முதல்வராகவும் பணியாற்றினார். 1996-இல் பணி ஓய்வு பெற்றார்.[3] மலேசியா, சிங்கப்பூர், இலங்கை, இலண்டன், ஆத்திரேலியா போன்ற நாடுகள் சென்று இவர் சொற்பொழிவுகளை ஆற்றியுள்ளார்.[2]

செல்வக்கணபதிக்கு மனைவி சந்திரா, மற்றும் மகன் அருண், மகள் பாரதி ஆகியோர் உள்ளனர்.[3]

வெளியிட்டுள்ள நூல்கள்
  • சைவசமயக் கலைக்களஞ்சியம், 10 தொகுதிகள் (2006-2012)
  • தருமபுர ஆதீனமும் தமிழும், 1984[4]
  • சைவமும் தமிழும் (2005)
  • 21ம் நூற்றாண்டில் சங்க இலக்கியம் (2010)
  • கம்பனில் பெண்ணியம்
  • இடர் களையும் திருப்பதிகங்கள்[2]

குறுந்தகடுகள்
  • திருவாசகப் பேருரை (10 மணி நேரம்)
  • பன்னிரு திருமுறைகள் (பாடல்களோடு 30 மணி நேரம்)
  • கம்ப ராமாயணப் பேருரை (20 மணி நேரம்)
  • பெரிய புராணப் பேருரை (52 மணி நேரம்)[2]
  • ஆறுமுக நாவலர்

விருதுகளும், பட்டங்களும்
  • தமிழ் வித்துவான் பட்டம் (சென்னைப் பல்கலைக்க்ழகம், 1965)
  • கலைமாமணி (தமிழக அரசு)
  • செந்தமிழ் வாரிதி (யாழ்ப்பாணம், நல்லூர் ஆதீனம்)[2]
  • ‘சிவஞான கலாநிதி’ (லண்டன் முருகன் கோயில்)[2]
  • ஆறுமுக நாவலர் விருது (இலங்கை கம்பன் கழகம், 2014)[5]

மேற்கோள்கள்
  1. துணைவேந்தர் ம. திருமலை (10 மே 2014). "சைவ சமயக் கலைக் களஞ்சியம் தமிழ் மொழிக்கு கிடைத்த கொடை". தினமணி. பார்த்த நாள் 2 மார்ச் 2016.
  2. "Encyclopaedic effort". தி இந்து (22 மார்ச் 2012). பார்த்த நாள் 2 மார்ச் 2016.
  3. "காலமானார் தமிழறிஞர் இரா.செல்வக்கணபதி". தினமணி (3 மார்ச் 2016). பார்த்த நாள் 3 மார்ச் 2016.
  4. "தருமபுர ஆதீனமும் தமிழும்". பார்த்த நாள் 2 மார்ச் 2016.
  5. "கொழும்பு கம்பன் விழா-2014". தினகரன் (9 பெப்ரவரி 2014). பார்த்த நாள் 2 மார்ச் 2016.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.