அஜாதசத்ரு

அஜாதசத்ரு (சமஸ்கிருதம் अजातशत्रु) வட இந்தியாவிலிருந்த மகதத்தை கிமு 494-கிமு 462 வரை ஆண்ட ஹரியங்கா வம்சத்தின் இரண்டாவது அரசன் ஆவார்.[5][6]

அஜாதசத்ரு
சாஞ்சியிலிருந்து ராஜகிரகம் செல்லும் அரச ஊர்வலத்தின் சிற்பம் [2]
ஹரியங்கா வம்சத்தின் இரண்டாவது பேரரசர்
ஆட்சிக்காலம்	ஆட்சிக் காலம் கிமு 492 - 460 [3] or early 4th cent. BCE[4]
முன்னையவர்	பிம்பிசாரன்
பின்னையவர்	உதயணன்
வாழ்க்கைத் துணை	வஜ்ஜிரா
வாரிசு
உதயணன்
தந்தை	பிம்பிசாரன்
மரபு	ஹரியங்கா வம்சம்
இறப்பு	கிமு 460 [3] அல்லது கிமு 380 [4]

யாணையின் மேல் அஜாதசத்ரு

ராஜ்கிரில் உள்ள அஜாதசத்ருவின் ஸ்தூபி, இங்குதான் அஜாதசத்ருவின் அஸ்தி வைக்கப்பட்டுள்ளது

பழங்காலத்து பௌத்த பாலி குறிப்புகளில் இவனைப்பற்றி அறிய முடிகிறது. இவன் தனது தந்தை பிம்பிசாரனைக் கொன்று மகதத்தின் அரியாசனத்தை அடைந்ததின் மூலம் மகதம் மற்றும் அதனை சுற்றியுள்ள பகுதிகளை ஆண்டான். இதைப்பற்றி பௌத்த நூலான சமாதான சூத்திரத்தில் கூறப்பட்டுள்ளது. இவனும் புத்தரும் ஒருகாலத்தவர். அப்பொழுது புதிதாக தோன்றிய பௌத்தமும், அதன் சங்கமும் இவனது ஆதரவினால் மகதத்தில் செழிப்புடன் வளர்ந்தது. இவன் தனது தந்தையை கொல்லாமல் இருந்திருந்தால் பௌத்தத்தில் ஒரு நிலையான சோத்பன்னத்தை அடைந்திருப்பானென்று புத்தர் சமனபால சுத்தாவில் கூறியுள்ளார்.

வரலாற்றாசிரியர் ரொமிலா தாப்பரின் கூற்றுப்படி, அஜாதசத்ருவின் மகன் உதயணன் என்பவர் பாட்னா எனும் நகரம் உருவாக காரணமாயிருந்திருக்கிறான், மகதத்தின் தலைநகரமான ராஜகிரகத்தின் பாதுகாப்பை பலப்படுத்தியிருக்கிறான். மகதத்தின் அரியாசனத்தை அடைய தனது தந்தை பிம்பிசாரனைக் கொண்றான். தனது அண்டை நாடுகளான கோசலத்தையும், காசியையும் வென்று மகத்துடன் இனைத்துக்கொண்டான். தற்போதய பீகார் மற்றும் நேபாளத்திலிருந்த விரிச்சி கூட்டரசுடன் பதினாறாண்டுகள் போர் புரிந்தான்.

கோர் விடால் எழுதிய புதினமான கிரியேஷனில், இவனை ஆற்றல் மிக்க கொடுங்கோண் அரசனாகவும், சிறார்களிடம் பாலியல் ஆர்வமுள்ளவனாகவும் சித்தரித்துள்ளார்.