2018 தூத்துக்குடி படுகொலை

தூத்துக்குடி படுகொலை[4] அல்லது தூத்துக்குடி துப்பாக்கிச் சூடு என்பது மே 22, 2018 அன்று ஸ்டெர்லைட் ஆலைக்கு எதிராகப் போராடிய மக்கள் மீது தமிழ்நாடு காவல்துறையும் துணை பாதுகாப்புப் படையும் நடத்திய தாக்குதலைக் குறிக்கும்.

தூத்துக்குடி படுகொலை
தமிழ்நாட்டில் தூத்துக்குடி
இடம்	தூத்துக்குடி, தமிழ்நாடு
ஆள்கூறுகள்	8.48583°N 78.04519°E / 8.48583; 78.04519
நாள்	22 மே 2018 (UTC+5:30)
தாக்குதலுக்கு உள்ளானோர்	ஸ்டெர்லைட் ஆலை எதிர்ப்பு போராட்டக்காரர்கள்
தாக்குதல் வகை	படுகொலை
ஆயுதம்	எல்1ஏ1 எஸ்எல்ஆர்[1][2]
இறப்பு(கள்)	13
காயமடைந்தோர்	102[3]
தாக்கியோர்	தமிழ்நாடு காவல்துறை, துணை பாதுகாப்புக் படை

மே 22, 2018 அன்று ஆயிரக்கணக்கான மக்கள், மாசு விளைவிக்கும் ஸ்டெர்லைட் ஆலையை மூடிடக் கோரி, தூத்துக்குடி மாவட்ட ஆட்சியர் அலுவலகத்தை முற்றுகையிட்டுப் போராட்டம் நடத்தினர். முற்றுகைப் போராட்டத்தின்போது காவலர்கள் அமைத்திருந்த போக்குவரத்துத் தடைகளை உடைத்தும் காவலரின் கோரிக்கையினை ஏற்காமலும் காவலர்களை தாக்கியும் மாவட்ட ஆட்சியாளர் அலுவலகத்தினை நோக்கிச் சென்றனர்.[5] அதன் விளைவாக காவல்துறையினர் நடத்திய துப்பாக்கிச் சூட்டில், 16 வயது இளம் பெண் உட்பட 12 பேர் கொல்லப்பட்டனர்.[6] மற்றும் 102 இக்கும் மேற்பட்டோர் காயமடைந்தனர். இதனைத் தொடர்ந்து, மறுநாள் மேலும் ஒருவர் கொல்லப்பட்டார். இந்த நிகழ்வால் காவல்துறையினர் 132 பேரை கைது செய்துள்ளனர்.[7]