அமுதபாரதி

அமுதபாரதி 31 ஆகத்து 1939 ஆம் நாளில் காஞ்சிபுரம் மாவட்டம் மாமண்டூரில் வாழ்ந்த மா. குமாரசாமி – வள்ளியம்மாள் என்னும் இணையருக்கு மகனாகப் பிறந்தார்.[1]

அமுதபாரதியின் கவிதைகள் சிலவற்றை பேராசிரியர் முனைவர் மறைமலை இலக்குவனார் ஆங்கிலத்தில் மொழிபெயர்த்து இருக்கிறார். அக்கவிதைகளை அப்பேராசிரியர் உருவாக்கியுள்ள அமுதபாரதி என்னும் வலைப்பூவில் காணலாம்.

அமுதபாரதிக்கு 1991ஆம் ஆண்டில் தமிழ்நாடு அரசின் தமிழ்வளர்ச்சித் துறையின் சார்பில் பாவேந்தர் பாரதிதாசன் விருது வழங்கப்பட்டது.

சென்னை கம்பன் கழகம் வழங்கும் வித்தகர் விருது இவருக்கு வழங்கப்பட்டுள்ளது.[1]

அமுதபாரதியின் மரபுக்கவிதை

இந்தக் காட்டில்
எந்த மூங்கில்
புல்லாங்குழல்?
0

தின்ற பழங்கள்
மிஞ்சிய கொட்டைகள்
ஓ! எத்தனை மரங்கள்!
0

துளித்துளியாய்ச் சேமிப்பு
சேர்ந்தது பெருந்தொகை
சீச்சீ.... வரதட்சணைக் கொள்கை
0

வலிக்கிறது நெஞ்சம்
எத்தனை புத்தகங்கள்
சுமக்கும் குழந்தை முதுகு
0

சன்னலைத் திறந்தேன்
செய்தித்தாள்
சட்டசபை அசிங்கம்
0

ஜெட்டுக்குள் பறந்தான்
சுட்டு சுட்டு வீழ்த்தினான்
சீச்சீ ..... அமைதிக்காம்
0

நீண்ட அலகு நாரை
நீரைக் குத்திக் கிழித்தாலும்
நீங்காதிருக்கும் நிலா
0

காதலனுக்குத் தெரியும்
காதலியின் கண்ணின்
நிலா
0

வருகிறது பாடல்
மூங்கில் காட்டில்
முழுநிலா
0

மேனியில் தண்ணீர்
படாமல் குளிக்கும்
மஞ்சள் நிலா
0

சருகே சருகே
விழாதே
குளத்தில் நிலா

1. http://www.tamilvu.org/courses/hg200/hg205/html/hg205taa.htm